小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年12月1日 星期二

人生遊戲二 魚與熊掌

又無寫網好耐, 原因有二

1. 又係砌高達, 因相繼兩位朋友離開左, 我唔想我砌唔哂就留低遺憾, 所以趕工完成, 亦都半正式完成左!

題外話, 好多高達模型迷都儲埋一盒盒未砌0既模型, 我認為未砌都唔係自己0既! 佢地話, 細個無錢有時間, 大個有錢無時間. 我認為, 事在人為. 有問題就試下克服佢!! 小朋友怕天拿水味, 可用水性AV油! 或者好似我咁, 番公司噴!


2. 呢排租金變化好得意, 想寫一篇, 無奈構思完發現好長篇, 半夜三更已經好眼訓唔想寫, 就咁日復日過去左.

最後, 我唔想荒廢左呢度, 雖然唔係多人睇, 但學收租仔話齋, 救得一個得一個.

本人持倉內銀, 等跌到PK 再入市, 現價 $5.38, 真係未到價....

好多內地銀粉重倉內銀, 真係十分危險!! 就似匯豐, 中移, 中人壽都曾幾何時比人追一樣!

點解十分危險? 因為多人跟先有肥肉可食, 其實未必同內銀風險有關, 到時股價要跌, 欲加之罪, 何患無詞?

好喇, 再強調一下, 本人BLOG 並非投資BLOG...不要問我股票...我寫係度都係分享一下感受

生活小事, 今次其實唔係小事.
1. 女主人加鋪租, 加左10%, 預計之內, 反正唔想搬鋪, 又留下係度啦.
2. 男主人商業寬頻由2XX加到千幾蚊. 當然唔會比佢強搶, 轉PCCW! 咪又係二百幾, 仲由2M 升到100M! 咪以為要硬食!
3. 男主人好似比人攪...不過應該好小事. 若真係好嚴重, 提早退休, YEAH~ 計埋股息, 我都係爭幾十萬就退得. 提早退就慳D. (其實係減產, 由一個月二十萬變做一個月十二萬.)

最後, 附圖:



有錢女想要愛, 無錢女想要錢....你睇我好我睇你好0者?

外國人都鐘意睇TVB 喎! 一定要等價交換? 一定係魚與熊掌不可兩得?

其實有好多事情, 係兩樣都可得! D 人其中一樣失敗, 咪用呢幅圖黎安慰自己打下飛機.

又有錢又有愛, 真係大把人在.

有錢, 變得有時間, 可以更留意到身邊0既人!

有愛, 對事業一樣可以有熱情, 就會做得好, 收入自然高! 升職都竹升你先!

只能夠咁講, 好多人有左錢, 個價值觀變左, 個人自大左, 結果唔記得當初點樣由無變有...

盡快自由, 最大目的係希望可以陪下小朋友, 教下佢地. 同時又睇下自己鐘意做D 乜.



係度問下各位, 有冇LIVE STREAM APP 推介? DOWNLOAD 過17 APP, 發現實在唔係女無人入黎睇....哈哈哈!

STREAM 乜? 可能砌下模型卦!


三人組 PLAYGROUP!!! 紙高達頭未砌對角上去, 係咪好得呢?

後記...呢排食完飯成日食埋佢. 簡直係邪惡0既根源!


如果有D 咩想睇想聽, 不妨留言丫!

25 則留言:

  1. 期待你的租金分享! 唔知係關於舖租定住宅租?

    btw, 吉舖的現象近排成日吹風話零售市道差, 情況好嚴重, 但早幾年前就算市旺其實旺角銅鑼灣咪又係一堆吉舖, 不過無乜人留意je?

    回覆刪除
    回覆
    1. 住宅租金.
      吉鋪好多真係有原因, 問十個有十個都話生意奇差...不論本地定海外.
      女主人鋪租低水, 同埋大業主, 又搵到錢, 咪續租.
      搵唔到個D, 實走.

      刪除
  2. 可以試下用Periscope

    回覆刪除
    回覆
    1. 是否要同其他app 聯動? 可否單裝一個?

      刪除
    2. 其實同17咁上下。不過唔算多人用。會順好多

      刪除
    3. 得閒試下先, 唔知YOUTUBE 果個又得唔得

      刪除
  3. 無知的我以為租金是正在向下走。。。
    mickey

    回覆刪除
    回覆
    1. 要真係有人出聲簽左減價租約就很肯定。而家報紙講未必真,但中上價個d 係減左都無人租。一定影響平個d.

      刪除
  4. 又有錢又有愛,夢寐以求。

    回覆刪除
    回覆
    1. 努力忠於自己, 便可完夢!
      做自己想做0既事才有動力, 才會做得比人更好.

      刪除
  5. 70後兄, 本人也在創業階段, 邊打工邊創業, 有點辛苦, 剛開始創業由零變一既過程好難, 你應該都經過呢個過程, 身同感受, 有冇咩野經驗或分享比小弟? 感激不盡!

    回覆刪除
    回覆
    1. UM....就係匿埋密密做, 密密準備.
      大家行業唔同, 做法亦可能唔同.
      相反女主人生意係要宣傳, 我唔駛的

      刪除
  6. 師兄講得arm, 真係好多人有錢左之後就自大左 , 其他人係低等一點, 忘記當初由無到有既過程。身邊都有d 朋友係甘, 但其實世界好大, 有錢過距地既大有人在, 真係唔明白點解一個人會有甘既轉變,

    回覆刪除
    回覆
    1. 師弟,我識唔識架?
      有錢但讀唔成書,又有咩用? 所以我成日笑班收租仔就係咁解

      刪除
  7. 以為租金跌添,仲可以加租??
    有留意銅鑼灣,真係多左好多吉鋪

    回覆刪除
  8. 70後兄請你堅持寫落去,相信好多好似我咁剩睇無留言!忠實粉絲上

    回覆刪除
    回覆
    1. 一定,不過呢排成日脫期,太多野玩。
      正常都想keep 住一個月出五六篇

      刪除
  9. 70兄有無試過用羊毛氈整隻渣古?
    TK

    回覆刪除
  10. 今年發現砌模型多了個障礙,就係如花個家姐「老花」。

    回覆刪除
    回覆
    1. 有冇成品睇下?
      鴨寮街有連LED 燈放大鏡, 一舊水有找, 我有時都會用~

      刪除
  11. "有好多事情, 係兩樣都可得! D 人其中一樣失敗, 咪用呢幅圖黎安慰自己打下飛機."

    普遍人認為冇得揀, 所以自我安慰
    但事實在於如何去實現。。

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...