小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年11月15日 星期日

轉變@小生意

女主人說話沒有男主人生動有趣,如果悶親你,請見諒哦。


話說九月生意跌左一半,近來一個星期終於有時間的起心肝埋下條數睇下每月賺蝕。發覺到,原來我收入都幾海鮮下...8月純利十幾萬,一下子跌到九月二萬幾,然後十月又升返去十幾。來緊十一月暫時睇都還可以。女主人盤生意仔甚能反映股市及人消費意欲哦...如果經濟繼下滑,相信會首當其衝。

這幾個月,生意上作出了一些大膽轉變,下定決心慢慢換掉供應商,亦換掉瘀血廠。九月,我親身去找廠,慢慢一步一步脫離同我合作六年的伙伴,不想一直被當水魚宰。人總是要長大要獨立的吧! 而瘀血廠亦成功換掉,暫時新廠表現良好。 很幸運地今次之行找到了原廠供應,亦找到了有潛力產品。今次一行,令我深深意識到,我單單坐在我位置上借別人眼睛去看行情實在不夠全面,必須是自己多動多做多看才是得著最多。決定了以後每年都要親身去一兩次市場內走動,親身去了解體驗。

下一步,考慮的應該是人手問題,現有工人實在存在太多問題,再長久下去,發生問題在所難免,並非次次咁好彩。

說完工作,說說自己,今日收到男主人一封生日大利是,真是猜不到咁大封。我知你未必太懂得花心思去做某些浪漫事情,怕買了未必是我真正喜愛的,實際型的你情願給我錢讓我買自己喜歡的東西。雖然今日沒有浪漫的場景,沒有甜言加蜜語,但這也是你表達你愛的一種。我接收晒喇。最開心的是男主人主動陪我愛了我很想看的戲-「十月初五的月光」。 想看未必是因為覺得好看,是一份填補內心的滿足。當年看這套電視劇,內心遺憾的是初哥哥跟君好最終沒有在一起,所以想在這套電影內見到大團圓結局。縱使結局還是未能如願,但至少都留下一點令人猜想空間... 
這個生日雖然過得平淡,但感到幸福,感謝哦!

賀下自已篤返隻



21 則留言:

  1. 管人問題真係好頭痛,尤其是現在工作有好多選擇,啲人又唔憂做情願做part time都唔做長工,又唔怕你炒。

    回覆刪除
    回覆
    1. 其實佢哋唔係直屬我,我外判俾人做但外判工人工作馬虎,所以感覺比較麻煩

      刪除
    2. 外判工作, 外判個老細管得唔好.
      而市場上又搵唔到代替品.
      拿, 你話創業難? 其實好多AREA 無乜人知無乜人做,,,

      刪除
    3. 做得外判,就係唔想放咁多責任,做完就收工,最好就無野做...................

      刪除
    4. 好睇人的質素,有工人都好有責任心,其實同自己請也是要面對同樣問題。請人也是講運氣。

      刪除
    5. https://www.youtube.com/watch?v=b2V6eptaFOk

      刪除
    6. 有線嚴浩偏方-濕疹 訪問樹懶家(BB濕疹+濕疹潤膚膏)

      刪除
  2. LIKE,好靚 ,太神奇,篤篤吓都篤到個公仔!

    回覆刪除
    回覆
    1. 公仔後面係點樣架?

      刪除
    2. 我仍然係初學者,不過整整吓都覺得幾有樂趣

      刪除
    3. 佢一路睇電視一路篤, 我D 模型朋友話好難篤...

      刪除
    4. 我睇 YouTube 學了,買咗材料,遲D試吓篤

      刪除
    5. 篤完了,篤唔到個咀,效果很有娛樂性 :D

      刪除
  3. 平淡是福啦!
    祝生日快樂!!
    女主人生意純利起伏咁大既?
    不過唔緊要,好天斬埋都夠啦!

    回覆刪除
    回覆
    1. 十分同意!平淡是福!有驚喜就更加幸福喇!

      刪除
  4. 生日快樂!祝兩位貨如輪轉, 客似雲來

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...