小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年11月12日 星期四

投資切忌學壞師

男主人生意, 原來係最近香港某調查, 當經濟逆轉時會縮減開支部份, 入面最後比人縮個樣!

早兩日計過時間(我D收入一年訂左就唔變,呢幾年生意好,可以預訂自己收入),發現只要2016年初爆SEED,應該可以收工。2017就搵危機準備金就可以了。

我又講多次,此BLOG不是財經BLOG,亦唔係投資BLOG,只係我希望可以鼓勵別人(尤其年青人)追夢,不要隨波逐流而已。


小弟亦無任何財經知識,財商係零

我從來唔睇年報,睇下派息同盈利就算。佢要厄我0既,咪厄!業績好,可以升,可以跌。睇市場氣氛之餘,又睇下有冇人要"食糊"。

近日市況,跟本而家食糊無肉食,用錢推個市上去都唔會啦。你睇下,話深港通,大家完全無感覺。

當大家對加息無反應,而做左人民幣抵押個D東西又不停眨,最後會點?

(不是抽水,當供款上升而又無租客代供,又會點?超細劏房唐樓只能租比印巴。。。又會點?)

最熟個樣就係玩下期權。近半年已無開倉,一黎等待時機,二來怕被綁死。終極界王拳未出,不能輕舉。


究竟我係咪懶到唔學?我唔排除學極唔識,不過呢。。。

真係可以睇完年報做到價投?
真係可以做到價投就搵到抵股?
真係抵股可以搵到錢?
真係搵到錢可以完夢?

由於多種不同因素,尤其首尾兩點,我唔打算去學。
完夢我估死個日都未攪得掂。。。
至於第一點,市場上資訊太多,一陣學壞師就大件事。。。

即使正宗會計出身0既,佢0既往績都唔能夠反映其學識,因為股票投資好明顯係MULTI-FACTOR!(我講緊魔術師的伊謝爾倫日記)其實佢其他文章比財務知識好看。

唔係得我一個話人收租, 佢講得具體好多! <良心投資>

其他BLOGGER,不敢學。始終有利益在背後,可能我離目標比佢更近,我唔需要出文討好讀者,只要隨心而行文,要屌就屌。

另一位,宏觀經濟財神到主持,呢位真係財務自由左,亦點到即止,連佢講野都咁有保留,就知投資唔係單一因素可控,佢亦好好心地唔會亂提個股。反而佢著重整體經濟之餘,亦留意成交量及成交金額估計誰人在"食糊",其實係另一種技術分析。

我唔想學壞師,唯有唔去學,只在旁看看。

我唔同意"不同方法都可以到終點"之說,相反如果學壞師,篤信某一論說,咪等同當年買中人壽果位人兄,變相殺人無數。

我買內銀,只因息高,同時派息比率只有三成。減去水份,要跌有個限度。渣打唔敢買,當初都講過,佢派息比率太高,盈利一跌會減派息。

以我零財務知識,我只係識呢D!

如買樓收租,呢一刻我都買到四五層,不過我過唔到自己,道義問題,SORRY。

講下砌模型,我好0既唔學,人人上灰再上油,我SKIP上灰直上油。

原因,我砌好就放係度,唔會拎出黎玩。同埋,我想快D砌完。。。。

因為,砌而家呢D模型,只係我退休前0既練習。。。真正模型未開始做。

其實一路上做YOUTUBER。。。哈哈!

講多次,我真的不是財經BLOG!可能下一篇文係我唱歌0既錄像!

好可愛呢!!!

各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE

40 則留言:

  1. 咁啱嘅,塘人嘅都唔係財經Blog,純綷係用嚟當日記咁寫咋喎

    回覆刪除
    回覆
    1. 再者, 我們不用扮中立, 不用扮謙虛, 不用扮同其他BLOGGER 好FRIEND, 不用扮尊重所有前輩.

      因為, 我地唔係靠個BLOG 得到任何益處.

      刪除
  2. 70後兄的個性,才是我追看下去的主因。

    回覆刪除
  3. i like yokaiwatch ande sonny angel. they are so cute. i always read your blog. you've got your style. keep going.

    mickey

    回覆刪除
    回覆
    1. 妖怪手錶係個女同個仔(睇MY TV 可以追番好多集), SOONY ANGEL 係女主人的.

      刪除
  4. //其實佢其他文章比財務知識好看。

    寫財經投資好悶(反正我寫的都是book knowledge,有心機學實學得識),同埋我又真係無乜野心去make noise,不如寫甜古算數。

    總之多謝閣下「金榜題名」(唔好諗邪嘢)喇!

    回覆刪除
    回覆
    1. 前輩大駕光臨。
      當年我都係search 狗股而search 到你,果陣身家剛剛得十萬。。。2005 2006年了。
      最好睇是表弟系列,不過不要太look down 佢,可能巨變後,例如比女飛或屋企人離世,是會由小花變巨人的。
      我想提都有難度,只能講,睇年報當然要跟專業的。半桶水個d 真係得啖笑。

      刪除
    2. 前輩就唔敢講,不過你咁早就睇我做狗股,實在叫我感到窩心。

      刪除
    3. 又,原來真係幾多讀者記得我寫有關表弟的事,真是奇哉怪也。佢個人唔係蠢的,不過可能被舅父舅母壓抑得太多,所以30+歲人都仲係好似未成熟咁囉。

      刪除
    4. 斷斷續續咁睇, 你用SINA, 我個GOOGLE RSS FEED 成日FEED 唔到...右道個欄有你條LINK 但不會自動UPDATE. 奇怪.

      刪除
    5. 我用feedly無問題囉...

      http://feedly.com/i/spotlight/http://magician__yang.mysinablog.com/index.php

      刪除
  5. 講得好好,最近發覺真係好多壞師傅,不少BLOGGER都中晒毒,點極都唔醒,我都無咁好氣。

    回覆刪除
    回覆
    1. 早排升市多左股神。
      同埋舊年好多股派息好。
      今年會唔會繼續好? 若減派息。股價跌,又唔知幾多人要潛水了。

      刪除
    2. 有啲寫左好耐啦,我09~10年開始睇BLOG已經見過佢地啲文,如果佢寫既係得又無所謂喎。
      升又唔放,跌又話收息唔放
      寫衰隻股又話打落水狗
      總之要一齊唱好,眾志城城為收息,賺息蝕價?咩嚟嫁?老師無教喎。

      刪除
    3. 你講渣打?
      佢地眾志成成出念力。
      賺息蝕價無人想,班買日本樓個d 咪深深感受到。
      香港幾時會賺租蝕價? 應該已經有2014 2015 入市個d 入左肉了。

      刪除
    4. 唔單止渣打啦,長持內銀、內險,口噏噏有買貴無買錯既不在少數。宜家搵個唔重倉內銀既BLOGGER仲難過搵隻倍升股。
      好多BLOGGER乜都唔知,上左首都精讀班就對複雜到嘔既銀行股指三道四,唔識既真係比佢地嚇死.....
      講左幾年都仲係寫財商、財務自由、理財,但係睇左咁耐都唔覺佢地操作、分析能力或者成績有咩改善.....
      我明白唔應該以成敗論英雄,但佢地比人劈左隻腳都仲喺到好開心話:我切左敵人隻耳仔煲湯。放大成功,忽視失敗,絕對係依派財務自由宗教狂熱者既風格。

      刪除
    5. 我都好重倉, 不過一開始講明我亂九黎. 同埋我唔平唔貴買入, 而家都未蝕.
      教人買內銀? 咪玩, WIN 左我無份, 輸左比人鬧.

      刪除
    6. 我手頭上嘅內銀只係狗股基金成份股嗰幾隻,反而揸大貓揸得最多。

      刪除
    7. 唔記得入名,我係魔術師。

      刪除
    8. 不止BLOGGER,連雪球好多國內銀粉重倉銀粉股。

      刪除
    9. 其實現時重倉又唔似會有咩問題, 因為好多人都只係平手....要插引人放又唔係, 升又無乜機, 咪一齊坐下.

      刪除
    10. 我唔係反對現價入內銀,我係頂唔順D人亂噏當秘笈。

      刪除
  6. 我真係唔敢講邊種投資手法先係岩,
    不過自己就會將升得多既股票,換去升得較慢既心水股,如果換馬失敗,就等多陣睇下有無跌既機會先再買。

    回覆刪除
    回覆
    1. 換馬我好少, 其實買賣都少.
      亦唔會每樣買少少又寫下BLOG....
      有時講下生活趣事都OK 丫

      刪除
  7. 其實最好笑是那個叫自己做價值投資者的blogger,到處留言,故作高深,每隻股票都買一點,每隻都長線,圍威畏以為自己分析好勁,真系以為係畢菲特?

    回覆刪除
    回覆
    1. 果件明顯刷人氣啦.
      乜七都唔識又扮識, 古古怪怪....

      刪除
    2. 佢一向無point(講到自己好似好勁但目標是「45歲要有1000萬」,,,),又喜歡以「超然」tone 回應的,爭在未伸隻手拍下你個頭讚一聲「乖」。

      刪除
    3. 可能我地可以拍拍佢話乖....
      我早佢十年已有千萬...仲要唔係用任何物業炒賣或租得來.
      師兄, 我認為我可教你溝女...哈哈哈~!

      刪除
    4. //師兄, 我認為我可教你溝女...哈哈哈~!

      我絕對唔懷疑男主人的把妹手段喇!

      刪除
    5. 唉.... 我都希望想45歲前有1000萬,不過條友好搞笑,當笑話睇都好。
      上面兩位快D拍下我,話我乖啦

      刪除
    6. 如果佢得自己一個人, 一千萬實在太多.
      可能五百萬都夠.
      要幾多先自由, 睇自己性況~ (乖....)

      刪除
  8. 雖然兄台用的background顏色令小弟讀得不舒服, (講真, 真係應該用淺色d), 但你講既野好有point, 所以我間唔中讀下.

    仲有, 我好同意你所講, 識得會計可看懂公司年報, 但公司年報記錄的是否準確? 有沒有什麼不好的東西隱藏了? 就連會計師點貨都唔會一件一件同你數清楚, 外人點會知公司內部所有資料呢?

    仲有, 點為之抵既股? 公司將來如何增長? 如何預測產品銷量? 如何知道有多少未來現金流應折現計番現價?

    你同我想法好似.

    回覆刪除
    回覆
    1. 噢, 我鐘意大紅大金背景...
      萬劍歸中, 覺得平而人地又輸到唔敢買, 就買.

      刪除
  9. 咁其實係咪你本身對數字敏感度高,分別到數字背後既意義?

    回覆刪除
    回覆
    1. NO, 我真係唔睇年報的, 只睇每股盈利, 股息. THAT'S ALL.
      佢要陰我散戶好易...不過陰我又為乜呢?

      堂堂大股, 大把人拆穿佢啦...

      刪除
  10. //唔係得我一個話人收租, 佢講得具體好多!

    其實更陰功嘅係嗰啲乜sir物sir開班授徒教人間劏房出租...

    回覆刪除
    回覆
    1. 果班人會有天收的, 教人整餅果D BLOOGER 一樣, 以為自己好威, 其實一切也是帶點付6.

      小弟好相信"莫欺少年窮/廢", 果班80後收租仔咁做, 我認為厄殺年輕人追夢, 食人以自肥, 十萬個不滿.

      刪除
  11. 盡信書 不如 無書。。。

    年報其實有幾成係真0既 , 係一個懷疑
    所以唔睇都冇所謂

    回覆刪除
    回覆
    1. 有幾成真? 唔好信!
      有幾成假? 唔好唔信!
      但全真或全假, 是否能直接影響股價?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...