小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年11月9日 星期一

如何活得無悔? 收租死不足惜

上文提要, 小弟有個朋友中年早逝....先天的肝問題

以下係佢愛機之一.... OO RAISER. 我還未完成.




離別呢D衰野, 何解一不離二?

昨天, 男主人又有一個朋友與世長辭....

今次去得好突然, 因為其實大家好多年無見, 我估有四五年. 估計佢都住左一個月醫院, 大慨係同佢果D 腸胃0既遺傳病有關吧...

而家諗番, 正因為可能佢知自己健康唔好, 所以對佢自己D 朋友, 無論新知舊遇, 都非常之好, 又攪生日會又會鼓勵別人.

當年男主人正能量爆燈, 未比佢鼓勵過, 不過佢會記得我地D 生日就好勁!

佢本來係讀完碩士再讀埋教育証書, 即係話佢會做老師! 最後佢都無做到!

做左乜? 做左TVB 藝員訓練班0既班主任!! 好多時我地睇TVB 見到D 小小女ARTIST, 其實都係佢帶出黎, 幾年前我問過佢, 大家都識0既有黃智雯...

當年我仲講笑, 佢份工係我夢寐以求0既工作, 係佢FB 見到, 佢每次FUNCTION 都有一大群性感美女圍住影相! 哈哈哈~~~~!

呢位朋友, 識佢個陣已經係TWINS 歌迷會, 係演唱會DVD 度見到佢個樣個D 級數!

佢係咪追星一族我唔知, 阿朋友男人, 麻甩樣, 身體不高大. 先天不太討好的外表, 能夠唔理其他人點諗去做自己想做0既事, 十年已經乜都抵哂! 好多人做足三四十年, 都只係表面習慣愛上自己工作.

真正為興趣為夢想而工作, 又有幾人? 難道收租, 買股收息. 買金保值係夢想?

非也, 因為MONEY CAN BUY TIME (SOMETIMES!), 如果你收極租都仲要番工, 都仲要等唔知幾多年先供完, 你0既人生是失敗的!

雖然呢位朋友, 工作上都只係做左十年左右, 我相信呢十年可能係佢過得最忠於自己最燦爛的! 當年還是二十出頭小伙子, 有如斯境界, 可能同佢早有頓悟有關.

我相信佢對佢D"學生"都好好! 係佢FB 會部都係佢D 學生, 無論已經小有成名, 定係已經撈唔掂轉左行個D....

佢留比每一個人0既印象都係非常好的! 即使教人收租個為YC 君現在死於非命, 其實都不太可惜, 教人整餅吸血又有咩值得驕傲? 果位韓安迪, 教人買唐樓, 對付租霸, 又有咩貢獻? 死左都無人理啦...只係一眾金錢跟尾蟲視之為神人.

阿MIKE, 你0既睿智, 永留心中.

上星期心情唔好加抱恙, 除上面隻OO RAISER, 以下隻MG GUNDUM DX 都未完成....



48 則留言:

  1. 男主人呢期鬧既範圍好似擴大了

    回覆刪除
  2. MIKE是我的中學同班同學, 收到佢消息的前日晚上都好突然, 願佢安息

    回覆刪除
    回覆
    1. 估唔到有佢朋友睇我個BLOG, 我估你地同佢一定好FRIEND!
      他是一個大好人, 對人人都好關心.
      雖然我只係同佢相交過一年就分道揚鑣, 我地圍內的人都覺得好震驚.

      原來佢係番工途中係街暈倒....唔關任何病事. 真係世事無常.

      刪除
  3. 潛左水一輪, 人生的意義是值得去思考

    回覆刪除
    回覆
    1. 其實趕工砌高達, 又病病地....
      真係死亡筆記...會唔會下個係你....?

      刪除
    2. 睇怕我都有排捱, 未死得住

      刪除
    3. 人生無常呀朋友! 記得如果我去左, 燒D 紙高達比我呀!

      刪除
    4. 當然, 的確是人生無常,

      死亡教育的開始而已……

      到那時候, 我識做0架啦……呵呵

      刪除
  4. 你好好人,幫他寫左少少回憶錄

    回覆刪除
    回覆
    1. 因為我只能係日記講, 免去大家傷感, 就如上一個朋友一樣. 只能BLOG 講, FACEBOOK 就免了...

      刪除
  5. 今日吾軀歸故土,他朝君體也相同。人生本是無常,幾日又忘記,再遇又傷感!又忘又感!又忙又咁,哈!
    Lxe 新增大量自取點,買細小違禁品啱哂用,淘吧!

    回覆刪除
    回覆
    1. 但都唔近我, 繼續用佢送上門的服務都幾好呀!

      刪除
  6. 70後兄,
    的確好似你咁講,買樓收租的確係利用他人而自肥,
    但事實上呢條係一係合法既途徑去向上流,
    而且似乎相對較易成功,
    所以真係唔怪得有人會做。
    況且就算佢地唔做,一樣有其他人/集團/機構做,
    都係一樣。
    其實最大原因係政策既問題,導致d可以透過呢個途徑去掠奪其他人,再被某d人大事宣揚,令到人人都認為買樓收租就係王道,導致盲搶樓既情況出現,再推高樓價,令到真正既用家承受。

    回覆刪除
    回覆
    1. 這是歪理。
      佢唔做其他人都做絕不成理由。
      道義問題,非政策可賴,無人迫佢地吸血。
      如為向上流而如斯折墮,小心收尾幾年。

      刪除
  7. 另外,能夠唔理世俗眼光去做自己鍾意做既野,
    你朋友雖然早逝,但總算活得快活。

    回覆刪除
  8. 小弟都係人生去到3字頭,身邊都已經開始有朋友離開。只嘆奈何人生無常,理應珍惜眼前人,同時使到生活變得有意義。錢財故然重要,但離去時都變成身外物。

    回覆刪除
    回覆
    1. MONEY 都係BUY TIME. 要有PLAN 地退休其實幾難.
      而家D 小朋友細仲可以陪下佢地, 再大個D 就唔駛陪, 會好悶...

      刪除
    2. 小朋友到左十幾歲就有自己世界了,趁佢地細個多多同佢地玩下:)

      刪除
  9. 佢仲教埋D親戚行呢條路,遠將整個plan寫出來,是人嗎?

    回覆刪除
    回覆
    1. 佢親戚係咪真係成功鬼知咩...
      網上BLOGGER 唔係樣樣真, 尤其要出書個D.

      刪除
  10. 買股收息唔係夢想,只不過係一個(可能係)快啲實現夢想嘅方法XD

    回覆刪除
    回覆
    1. 買股, 金, 模型投資, 其實唔會傷害人...
      有息收下, 少錢者幫輕自己, 多錢者可以唔做.
      夢想呢...其實真正坐低認真諗, 係好難諗, 因受限年紀, 角色, 健康關係, 已經唔係十幾歲想點就點了.

      刪除
    2. 咁一切都係選擇,做人最緊識要睇送食飯。
      例如選擇左要小朋友,就唔會有咁多自由時間同錢銀冇咁鬆動,不過小朋友成長過程比到你嘅滿足感係冇野值得交換。
      依排去睇下樓,見到啲實呎380左右都要成400萬,買左等於耗盡積蓄仲要每個月冇左一半人工。

      諗唔明點解依傢仲有人上車,唔通個個都係長輩比首期唔覺肉痛,定係樓價真係只升唔跌?

      刪除
  11. 敢問樓主,樓既係必須品,唔應該攞黎買賣賺錢,咁你又有沒有賣過自己的自住樓賺錢呢?

    回覆刪除
    回覆
    1. 敢問.....敢問.....敢問.....其實你有冇睇清楚我鬧緊咩人?

      刪除
  12. 你想鬧收租嘅人嘛,咁你唔買咪租攞

    回覆刪除
    回覆
    1. 我不是認同人炒樓,我也是高樓價的受害者,只係唔明樓主的logic only.
      如果佢炒米,炒糖,炒高哂呢d日用品,咁呢d當然要鬧。但我明白樓既係必須品,也是商品,如果曾賣掉這必須品,咁係咪自己也認同這等炒賣行為呢?商業社會係咁,你可以從炒賣期權賺錢,人家買樓現叫投資,因為要鎖3年。人地俾左錢買樓就要承受樓價下跌風險,無話邊樣野著數d。

      刪除
    2. 我講左三次, 道義問題.
      如果曾幫老豆買過煙, 係咪一定食煙? 如果賣過一次老翻, 係咪認同翻版合法化? 如果買過HSBC 係咪即係長期睇好?
      講明白D, 你都係挑骨頭挑下機, 做人不要太XX.
      如果市場老千只係買左一次5仔收息, 不吹不擂什麼有買貴無買錯, 我跟本唔會鬧佢.

      再者, 賣掉必須品一定等同炒賣? 當年好似未興整餅收租...80後個條ON9 仔重係ON 仔一名(我估佢而家都係頭DUP DUP,,,,)

      講多次啦, 做人不要太XX.

      刪除
    3. 道唔道義好睇係炒定投資,但要鎖3年,我真係唔覺得係炒。

      就算係炒,都要睇有無投資價值先會升,好似股票都大把人進進出出,是否找表股價一定升?除非貨源歸邊姐,樓升係因為供應問題。

      你有沒有想過,一d未買過樓的人才是受害者,你在升浪中賣左樓賺錢,下家用高位接貨,有錢賺就有人收貨,這種行為就係做成收租仔嘅出現,係咪?

      刪除
    4. 鎖三年同收租無關。鎖三年一樣係令中低層既人suffer.
      當年並非在升浪中,你都係想抽呢樣水,大錯特錯。
      收租仔只係環境好少少,蝦一d 環境較差既人,非常折墮。
      見你咁好心機才覆你,否則膠都唔想比了。

      刪除
  13. 其實唔岩可以唔睇,唔洗咁勞氣去解釋自己點樣搵錢,人人策略唔同

    回覆刪除
    回覆
    1. 無錯, 搵錢都要取之有道, 難道運毒害人, 只要搵到錢大家就可以唔鬧?
      的而且確, 如果呢班收租仔死左, 我應該會行文講呢D 係報應.
      呢D 衰野, 我唔寫, 仲有邊個寫?

      刪除
    2. 我呢期都睇緊財務自由同取之有道既題材,因為打算明年下半年換工種,一係就周圍去旅行見識下~

      刪除
    3. 留意, 旅行未必可以增見識.
      如後生,早D 轉, 試多D 唔同0既東西, 先會知道自己鐘意D乜.

      刪除
    4. 明白,只是我做開果行外判太多,只要搵Agent公司留個名,就有工返,所以想搵個地方/工種轉換下

      刪除
    5. update下,剛剛返左份新工個零月,人事同環境都同見工介紹時有出入,特別係要額外個個星期六要返去幫手踩半天,見工時又唔講,推又推唔走,可能唔夠三個月我都要拜拜份工

      刪除
    6. 原來剛剛好一個月@@

      刪除
  14. 幫你加多一個point, regarding 實質收租與買REIT:

    http://creating-cashflow.blogspot.hk/2015/11/blog-post_9.html?showComment=1447501837144#c5067943453345207988

    傷港REIT大都不是residential/mortgage REIT,而是commercial REIT,剝削的商家而不是平民。平民要消費大可不去那些千篇一律的商場。

    港版commercial REIT唯一的惡就是「趕絕小店」,但轉念想,如果「小店」只能靠「低廉租金」生存的話,那麼它的經營模式也有一定的問題。如果老式的街坊店,賣的是社企式人情,那就要看那些REIT有無「企業良心」了;否則,由它式微了,雖然可惜,但也是時代巨輪下的轉變而已。

    以「收租仔道德論」來說,不剝削那些「我的lifestyle就是要做做月光族」的有為青年就對不住自己,其他的「貧苦大眾」,可免則免吧。

    回覆刪除
    回覆
    1. 師兄, 原來咁多人寫BLOG 講我呢篇文.
      唔睇你條LINK 都唔知(我只自顧自寫)

      拿, 我尊重LISA 姐, 原來佢咁睇我喎~ 佢晨早入好哂貨, 梗係講乜都得. 人到呢D 年紀都唔化.

      屋租鋪租, 一樣影響年青人, 我認知中好多人夢想做模型店, 真係屍橫遍野....

      仲有佢已經唔太UPDATE, 小弟已達每月廿萬....認真不屑買一兩三四層樓收租咁折墮.

      當然, 每人站係唔同角度睇野梗係唔一樣, 仆街企係仆街角度當然會咁. 老實兩鋪一屋租金店我家庭收入一成都唔夠, SUFFER 的不是小弟, 只是看不過眼.

      (回覆變得九唔搭八了.)

      刪除
    2. 支持樓主

      現在劏房(床位?)呎租仲貴過山頂,班人仲夠膽講完全沒有道德問題

      說穿了就是自己有少少本金,就欺壓低下階層,吸血自肥.

      Wilbur

      刪除

各位每個留言,係我繼續9UP動力,必覆。

Related Posts Plugin for WordPress, Blogger...