小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年10月22日 星期四

我可以唔撈嗎 11

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9
我可以唔撈嗎 10


*****

話說女主人上左大陸,呢兩日得番我一個。。。比機個會我去PLAN做一條毒男!

日日留係鋪頭砌高達,真係毒男的浪漫!!



(有冇人知呢隻乜黎?)

女主人上大陸,都係同佢生意有關。主要係想搵新貨,同樣我估佢唔想依懶某單一供應商,從而令貨源更可靠可控。

佢講左兩次,兩年後我地一齊上去?噢,乜咁肯定我會唔撈?

其實,係鋪頭噴下油都幾開心!雖然女主人都講過話租間有工人房比我去噴油。。。哈哈哈~

而家個市唔上又唔落,真係好難預計兩年後今日有冇信心夠數有突啊!

只能夠講,今年比我想像中好,條數掂到二字頭!!

繼續一如以往進取,先搵未來錢。希望快D夠數!

預計由2015年八月至2017年十二月,會有四百萬現金,如果早左夠數就開始減產!當然現金來自工作收入及股息。

2016年八月收四十萬,2017年亦如是,假使我無入貨而佢又只減少少派息。

即係工作要跑320萬回來!現在有現金14X萬,即這26個月要從工作賺180萬。每月儲七皮野,這一刻沒一點難度。

若股市向下,提供入貨機會,股息會再多20萬一年。相反,狂升就無呢D機會了。

又講多次,如果你未夠貨,又點會想個市升?除非你知道自己永遠唔會夠貨!

話說男主人幾年前已是這小小小市煬的龍頭,由前年開始年年都做到有名出!前年好彩,舊年預左,今年以為無,點知真係神來之筆,又可能再次爆名!

下年?我一早預左又會出名。。。

即係話,係我退出唔做之前,我個招牌如無意外都會貼上金漆!生意應該不是太大問題。市場資訊已經唔算太流通,我條數都咁靚;如果市場更透明,生意多到更可怕!

近排有生客打黎,用上"鼎鼎大名"四字來稱呼我。。。其實我都唔係咁傳說人物,只係一個單打獨鬥在呢行打滾0既人。只係我產量好少,唔宣傳乜都唔攪專心做好本業而已。

我非常喜歡做緊0既工作,不過十幾年,想有個轉變而已。

在心底裏,我好怕我唔捨得。。。不過,別離是更必需的。否則不能走得更遠。

當年未畢業,我同我初戀情人講我想去做賣場賣"神奇收肚褲"個D大叔(而家可能係賣神奇菜刀!),或許佢同我一樣讀書唔錯,打算畢業後投身專業,覺得我好無聊好無大志。

我用左一年去搵我想做0既野,搵左一年,做左十幾年!

其實女主人小生意都係佢以前做秘書太得閒,我同佢貪玩搵野攪下,點知原來搵到錢,才促成今日女主人小茶飯。

如果叫我去教年青人做生意,我絕不勝任,因為我份生意要有特殊技能同性格。我只能夠講,專心一致,諗下點樣好做本業,不用抄人,真係做好自己就夠,因為自己係知識份子,讀過書,書本東西一定有用,女主人小生意都用得著!


話你聽讀書無用個D,只係佢無真正讀過書!
(典型收租仔咪係咁)


退休後砌模型?我都唔知,可能走去做YOUTUBER!






各位0既留言係我繼續九UP0既動力!
小弟生活鎖事或股票期權小變動,會先係FACEBOOK分享,再行文。按此LIKE我FB PAGE


13 則留言:

  1. 係未夠錢入貨嘅情況下,真係唔想佢升。

    回覆刪除
  2. “日日留係鋪頭砌高達,真係毒男的浪漫”

    一個人的浪漫, like

    巴黎

    回覆刪除
    回覆
    1. 無幾何有呢d 機會,一有即飯都唔食狂砌。

      刪除
  3. Lxe幾好,快、平兼可運違禁品、超重貨等,我下次買張sofa,正!仲有小姐打來話貨到,我選自取慳返附加費。謝謝好介紹!

    回覆刪除
    回覆
    1. 我好奇問下, 點自取? 我次次叫佢送黎

      刪除
    2. 在其網頁選香港專線自取,首重人仔15后5。在其淘寶網畀錢后再在其網頁輸入訂單號碼。自取點是青山道近荔枝角港鐵,時間為一至五1000~1800,週六1000~1500,lunch也有人。:D

      刪除
    3. 更好奇你點自取張sofa.
      不過淘傢俬太危險,無人安又無售後。
      運送途中碰撞就慘。

      刪除
    4. 淘寶買野都冇咩諗售后。如果買sofa應不會自取吧!

      刪除
  4. 收息都收40萬,
    月儲7萬,
    恨死人啦啦啦啦啦!

    回覆刪除
  5. 樓主經常批評買樓收租既人
    我覺得每人投資方法都不同 樓主不需要經常批評別人
    別人的方法係合法 你有你做生意 人地有人地收租 沒什麼關係

    利申 冇樓收租

    回覆刪除
    回覆
    1. 收租,無問題。但借大槓桿收租,持著利用收入不高的年輕人血汗錢以自肥,同時將供應不多的細單位盡買令有生活需要的焗住貴買,是否太陰質?

      最不知所謂,係個d 寫收租blog 仲也文也武,大言不慚地說沒有樓沒有人生,是失敗的,已玩完等言論,又是否正確?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...