小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年8月18日 星期二

三分工作,你會點揀?

題外話,星期三細佬就入院了,因試食新藥要在醫院監察,並非做手術。佢D濕疹好番好多啦!


刻下有三份工作,你會點揀?

首先, 先不要理會投資回報!

第一份,月月高薪,舉個例,月月五萬蚊,可以做到60歲退休!但永不加薪~

第二份,第一年一萬,第三年二萬,做到第二十年十萬,如做到六十歲,月薪為二十萬。

第三份,第一年已經五萬,第三萬可能七萬,第五年已經十萬,只能做十五年,即係3X歲就無得再做,只能去做看更。

當年,我就係揀左第三份。

當初以為做十年八年就無得做,點知長做長有。。。

如果係你,你會點揀?

當初我係咁諗,如果每月洗費一萬,你搵三萬儲兩萬,同埋搵五萬儲四萬,以經係一個DOUBLE!

反而及早累積財富,可保之後生活。

當然,月月五萬都唔差,唔加咪唔加,盡早搵錢係皇道。

最伏係第二份,睇落最有前途,其實不停在浪費青春。對未來有憧憬係好事,不過真係到搵到錢個陣都老啦,個陣0既人生FOCUS都唔係呢D野,唔通真係到"四個小生"咁0既年紀,先去旅行咩!

所以,我好反感D人叫人苦行憎式儲錢!!搵得少不如轉工,又或創業啦!

樂天知命亦是一個解決方法。

切記人做你又做,例如做收租仔!一層無事,兩層租客代供,三層可以也文也武!不過萬一有咩事,唔講咩事啦,你真係覺得你唔會死先?

有好多人,入貨早過你,成本低過你。教你去死搵你做砲灰咋傻仔。。。

身邊要買樓0既都買哂,想收租0既,受壓測影響同收租現金流太慢,跟本買唔砌下一層。無未夠樓情況之下,咪又係要做5、60歲!

講番自己份工作,如經濟慢速下行,我預計我退休之時,即兩年半後,應該手頭上最少有四球CASH。(講左好多次,應為兩年股息80萬,刻下現金130萬,未來30個月儲蓄為200萬以上)

以五厘息計,可以再收多20萬股息一年,每年60萬股息,應夠有突,同埋女主人未退休,還有佢0既收入幫補下。

最期待畫面?梗係個市跌下啦!!!我都未夠貨!

交通銀行今日收市6。58
建設銀行今日收市6。18

邊隻好D?可否再平D?黎多次5蚊好嗎?

我等緊一次過買四百萬貨呀!

(其實D話自己半退休收租仔又未夠貨,竟然想樓價升!靠不停加按收租還錢,實際上生活現金流唔會多左好多,一樣要做,做到四個小生去旅行,你咪可以退。。。咁同普通打工仔又有咩分別?可以買個靚D棺材?)

呀!我住果個屋苑,租金成年無升過。。。女主人同我仲密謀想搬去最大最貴果種單位。都係貴而家一個DOUBLE,其實如果家庭收入有成廿幾三十萬,已經唔會住呢度。

最後,送上最近完成埋0既RG渣古!

今次主題係,狙擊獨角獸!






小弟生活鎖事或股票期權小變動,會先係FACEBOOK分享,再行文。
按此LIKE我FB PAGE

18 則留言:

  1. 係美國要做加按要有很多手續費,一般要樓價的6%左右;另外樓價升等同政府收地稅多咗。

    除非香港完全地沒有以上的問題。

    回覆刪除
    回覆
    1. 呢個就係影響炒速既因素。
      如香港引入,個班回報低既收租仔即玩完。

      刪除
  2. 苦行憎式儲錢, 已經失去了人生的意義,
    買左樓又如何?

    山卡啦 屋苑,
    好多人都住唔慣0架...呵呵..



    回覆刪除
    回覆
    1. 四球買件又遠又舊,最慘遇著仆街鄰居都唔知點算好了

      刪除
  3. 目前做緊你所講的第二份工,暫時未知工作上下一步要點行。安於現狀又唔甘心,創業又茫無頭緒。

    回覆刪除
  4. 第三個選擇做十五年已經等於第一個做既廿幾年,
    而第二項要成廿年先十萬,好似你講完全唔掂。
    所以都係選擇係3>2>1,
    不過有時未必揀得岩,可能係天時地利人物問題都唔定。
    我份工既走勢偏向選擇一,初時都有人工加,不過到咁上下去到樽頸位就無得加,而且少過五萬一大截。

    回覆刪除
    回覆
    1. 樂天知命是好事. 錢太多會有煩惱.
      錢只係二十至四十歲用來作一指標, 大家老左就唔睇呢D.
      幸福家庭, 孝順的子女, 總好過毒J 一條吧.

      刪除
  5. 樓主點解睇唔起人買樓收息呢?玩期權也不見得對社會有什麼幫助。如刻下是股災,樓主豈不是一樣叫人去死嗎?

    回覆刪除
    回覆
    1. 我無叫人玩, 你睇哂成個BLOG 先講吧...
      另, 同樣無貢獻之下, 收租仔利用民生及市民必需品以自肥, 真係其父母必下地獄, 其子女則為奴娼! 天理循環, 報應不爽.

      刪除
    2. 作者已經移除這則留言。

      刪除
    3. 其實歐洲果邊,居住地係視為生活用品,有地價同租務管制,係香港先可以咁自由俾地產商玩

      刪除
    4. 自由經濟體,都無計。
      只係個班心存惡念既仆街衰0者。
      人貴自知

      刪除
    5. 其實樓主講野已經順耳好過,話說我上份工個主管講明自己係藍絲,上年佢話香港樓價唔覺貴,佢手頭現金都買得起市區一間,你地後生仔出黎做下野先,幾年就買得起,就算租都好平,有教友肯用9千租元朗單位俾佢

      刪除
    6. 咁跟住再問,點儲,投資囉,話者講:呢D要自己諗下,其實佢最後就話,有教友肯用低價買賣,咁即係有得買啦,係咪先

      刪除
  6. 從心底同意你所說的,但係唔知點做起,有一種說不出的苦澀。

    回覆刪除
    回覆
    1. 如年輕, 無野好輸, 不妨一試!
      萬事起頭難, 就係難先有趣味.
      日復日比老細點黎點去, 人生就這樣完結嗎? 先不講錢....

      刪除

各位每個留言,係我繼續9UP動力,必覆。

Related Posts Plugin for WordPress, Blogger...