2015年8月2日 星期日

我可以唔撈嗎 10

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
我可以唔撈嗎 8
我可以唔撈嗎 9


*****

男主人小生意又到一年一度計數日, 並唔係年終埋數, 而家呢D 時間已經可以預計到收入有幾多, 準過黃大仙.

今個月開始, 頭六個月平均預計過20萬, 之後六個月平均亦不少於15萬.

生意支出每月不多於25000, 可能20000 之內都未定. 視乎我浪費電力與否. (哈哈)

所以, 年儲百萬應該無乜難度.

唔係想哂命, 係想講多次, 我唔想老點任何一位BLOG 友, 小弟現金流可以頂到大部份股市波動, 而經濟唔好, 我估我都係最後一個比人慳減0既項目! 各位切忌亂跟, 請依自己承受能力行事!

我唔會自HIGH 一路做一路話自己半退休! 其實我呢一刻唔做都得, 只要慳D, 又食下女主人軟飯(我估佢都年入百萬, 佢胡塗一路都唔計!). 係咪咁講先?


個女預祝生日, 仲買左年票, 但去一次辛苦過擔泥! 究竟會唔會再去? 我日日都著到咁頹!

*****

講番正題, 已經寫到第十集, 真係唔知幾時真係退. 將鋪頭租約再加長左一年, 搵得就搵埋啦! (即係會係2017年12月完, 或許就係退休之日)

近日又係鋪頭砌模型, 免得常在鋪頭侷促。究竟最後會唔會因為想留係鋪頭砌高達,而繼續做落去呢??


呢期講過一個CONCEPT,就係唔同年紀0既人,要比較同要達成0既目標都唔一樣。

如果你三十內工作上0既成就/職位/有前途工作,可能係你最有用0既目標,至少你溝條女都易D!收租樓能否用黎溝女?我估過左三十個D女肯定用資產會易溝好多(卜卜脆妹妹仔一早比年青有為食哂,幾時到收租仔?),但後生仔又點會要中女?(後生仔會否要三四十年阿婆樓斯守?



如果你四十內,可能真係財務自由。並唔係為溝女,係為左趁自己未老,去做自己想做0既事,可能只係砌下模型,唱下K,陪下小朋友,出左發先諗去邊0既旅行,一點都不驚天動地0既野。

五十歲我未到,我估小朋友大左,你就開始怕佢學壞又怕佢前途唔好,又怕佢被綁不能追夢。錢?財務自由?到呢個時候大家搵得差唔多,自唔自由只係同慳唔慳D洗有關0者。

之後0既,我睇唔到。

我目標係,工作0既年數要比讀書0既年數少,就咁睇一定實現到。讀左19年書(唔計POSTGRAD 同MASTER),工作左都只係14年!


(re100 gundam mk iii 改色! 原本咩色? 網誌最尾有圖!)


****

每年預計收入係自己一種傳統,量入為出呀。不過,因為客人有連續性,若退休,有三個選擇

1。突然宣佈結業,成村人無炒旦食佢地會好慘,我又好無道義!

2。我預告會結業,一係比客人煩死要我延遲,一係佢地索性唔黎食,影響收入


3。唔接新單,最負責任,但係收入會得番好少。


依然煩惱中!當然,若黎多次股災而我又HIGH野的話,咪繼續做LAW!

後記, 剛等女主人收工食晚飯, 佢都同我講, 唔做某個客生意時, 正因個客都搵唔到代替品, 也央求女主人幫手! 當無任何替代品/你件野係最好0既時候, 其實可以串過個班天真收租仔...


不過, 我地又唔會咁做, 點解? 因為我地係正常長大, 正常成功, 正常地不需要吸血生存0既香港人law!

呀! 原來屋苑中最大最貴單位租金都唔駛三皮野, 我發現, 如果早排升市及早換馬, 已經可以唔撈再租埋果度無壓力! 機會呢, 時時有, let see.






(左邊係我改色, 右邊係網絡圖片原色! 噴灰再上色, 吃力不討好! 就當係練習.)

下一隻想買0既 gundam girl generation! 已通過女主人審查, 不過其實佢著番正常衫咪好law...

18 則留言:

  1. 下次返香港時都要買返幾條女

    回覆刪除
    回覆
    1. 塘人兄, amazon.com 有唔少女賣...可能平過香港!

      刪除
    2. 塘人睇後宮類動漫多D, 所以照計都係向呢方面發展
      Amazon同Ebay真係有喎, 謝男主人提點:)

      刪除
  2. 迪士民真係太遠,年票既海洋公園抵好多

    回覆刪除
    回覆
    1. 睇你住邊啦。
      最辛苦係帶住個小朋友。

      刪除
    2. 認同最辛苦係帶住少朋友, OP 要上山落山, 小朋友下下要你抱都幾係野…又過左推BB 車既歲數! 同埋開心程度, 應該迪斯尼大過OP 既

      刪除
    3. 我都鐘意去 ocean park 不過小朋友未必鐘意呢。老婆又鐘意迪士尼,同埋去迪士尼近少少。

      刪除
  3. 我都想好似師兄你甘,做到半退休,向公司砌下模型 hahha

    回覆刪除
    回覆
    1. 我不是半退休。
      仲要捱架。。。
      係公司砌模型可以令退休的念頭打消一下。可能第日開鋪為搵錢交鋪租來砌模型。

      刪除
  4. 年儲百萬,好幸福呀!
    另外條女又咩唔正常既衫??

    回覆刪除
    回覆
    1. 佢可以著平時出場性衫,呢d 駕駛員衫太性感了。我會比人投訴架。

      刪除
  5. 70兄, 好哂呀!!!~ 衷心恭喜你呀!~
    人生好似70兄咁真係無憾了 :)

    希望假以時日我都可以出篇好似你咁哂既文~ hahaha

    回覆刪除
    回覆
    1. 未能說是無憾,一黎錢唔多,二黎錢都只係人生某階段的指標。
      幾層收租樓的單身毒撚 vs 有件索爆老婆的公屋文員仔,我相信後者會滿足d.

      刪除
  6. 我今日番睇70兄你的我可以唔撈嗎系列, 呢篇最正.
    30 / 40 / 50 的確心態不同.
    呢該我想做我自己想做的事 ONLY

    回覆刪除
    回覆
    1. 是的.
      就好似, 中學個陣鬥成績, 鬥打機, 鬥打波.
      大個睇番, 得啖笑.
      我估60 歲睇番呢篇野, 錢, 都只係過眼雲煙, 生活都係要過.

      刪除
    2. 所以一定要寫低啊~~~ 加油. 會追你的BLOG.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...