2015年7月24日 星期五

退休教授 -- 意想不到的 facebook friend request

上個月,Facebook 傳來了一個friend request!

呢個request 係小弟十年前0既一位老師,當年都係畢業一兩年,見失戀無所事事而去讀。

有時事情就係咁奇妙,讀完竟然發現同小茶飯生意息息相關,好讓我獨步天下左幾年...

(初試一抽二! 因細佬好曳, 要同時帶兩個出街玩真係唔易!)

用左一個月時間去思考, 好唔好ACCEPT 呢個FRIEND REQUEST!

原因有二

1. 小弟不是黃絲, 只怕比人歧視, 令自己老師對自己失望(我係傳統讀書人...), 感覺有點難受.

2. 當年我差一點點便能DISTINCTION 畢業, 非常無奈下死左係呢位教授入面一份無聊到極點0既ASSIGNMENT 入面, 就係爭呢份無聊野! 不過, 如果比我DISTINCT 左, 可能我又會做番打工仔,

會所又去玩...

點都好, 我早幾日ACCEPT 左!

原來呢位教授剛剛退休, 正值無所事事, 所以想搵番D 人生目標, 同樣想站在最終看最初, 睇番自己教出黎0既學生而家點樣.

以下係同教授0既對話, 應該唔難估到邊個打邊個0既...(原諒我D 咁差0既英文, 當年我作文係F....ORAL 係A!)



似乎, 阿教授未習慣到, 同時佢無試過模擬退休生活. 呢樣野, 真係要留意, 除非係好似個D 白痴收租仔話半退休但又要捱騾仔, 得個吹字個種生活之外,

真正退休, 係要思考, 要計劃, 要有延續性的, 否則會悶死!

巴黎兄講過, 小朋友到左中學咁上下, 就開始唔想同家長溝通. 即使我享受同佢地玩0既日子, 呢D 日子始終會過去, 十年後自己同老婆兩個孤怜怜點算?

1. 番去工作, 好明顯又要諗下做D 乜
2. 生番一個, 由頭LOOP 過
3. 都成四十幾五十歲, 仲可以做D 乜去改變世界?


RG RX-78-2!!

不經不覺, 五隻RG了! 仲有一隻去左邊? 番左鋪頭!
(左起: Aile Strike, RX-78-2, 電鍍版FREEDOM, 電鍍版EXIA)

我同朋友講我唔撈, 佢地實問, 唔做野咁你有D 咩做? 其實, 唔係有D 咩做咁簡單, 我一路在思考, 一路在準備, 一路在找尋!

會否話退又唔退, 等到六十歲? NO WAY!!!

一通排名, 跌市都繼續排27無升跌, 似乎大家D身家都係共同進退喎!


22 則留言:

  1. 怕唔怕阿蛇再熟落啲開始扮嘢講耶穌?

    回覆刪除
    回覆
    1. 應該唔會,佢應該唔係信呢d. 否則唔會咁無細藝。

      刪除
  2. "真正退休, 係要思考, 要計劃, 要有延續性的, 否則會悶死!"

    <---呢樣先係0甘難諗0既野......呵呵..

    回覆刪除
    回覆
    1. 大前題係, 要諗退休, 先要有能力!
      問我"之後做乜"個D 人, 好多都未達到, 正因為達唔到/有排都達唔到, 大家都DENY TO CHANGE!

      刪除
  3. 70後兄,以前我個女幾歲時電視有個非常深刻的廣告:
    "今日你是她的全世界,它日你融入唔到佢地的世界"。

    巴黎



    回覆刪除
    回覆
    1. 巴黎兄, 我是70弟~~~!
      咩電視廣告咁精警?
      融入唔到, 只能偷看, 或者扮唔理啦...想當年, 我地十幾歲個陣, 最想父母隱形各有各玩. 係咪?

      刪除
  4. 追左師兄的blog 已超過一年了 , 多謝晒

    有一個問題一直都不明白,由上年10月起,你已經清楚表達了自己是藍絲 , 但你的blog內容卻又好討厭收租仔的行為

    我不明白的原因是 : 假設香港的政制不改變 , 收租仔現在做的事,15年之後"好大機會"會達到真正的財務自由 , 我估計"好大機會"可能係指超過80% , 因為控制香港的住屋問題是同一班人,....下刪一萬字

    如果師兄認為我這個假設是錯的 , 我肯定開心 , 但可否share你的理由是什麼 ?

    回覆刪除
    回覆
    1. 拿, 如果你係政治撚, 我唔想回覆你. 如果係認真一問, 我又答下你啦.

      藍絲黃絲也可殺人, 更與投資及其正義感無關. 請不要被傳媒影響, 太過分黑與白. 我識得唔少黃絲收租仔. 買H 股收息黃絲更多...

      政制不變是好事, 控制住屋者, 你認為新一代無能力將佢地打落黎? 唔係用政治, 係用頭腦.

      我不是黃絲, 但若有黃絲年青人遇上人生疑惑, 我會毫不猶豫解答. 十五年後, 世界是現在的年輕人的, 不是收租仔, 亦不是我們.

      究竟個班得兩三四層樓0既收租仔係咪真係可以自由? LET SEE...只能肯定叫人去收租個班老屎忽肯定無事, 但佢地都六七十歲聞到棺材香, 玩下手有報應要白頭人送黑頭人.

      1984, 1997, 2003 一個風已經殺盡黃藍絲, 與取向無關.

      如你不是收租仔, 事業起步中, 我建議你加把勁. 機會總會來的, 樓的需求不會無限增加, 若人人煉獄中, 一定會出事.

      再者, 香港只係一片紅海, 若藍海更吸引, 香港四百呎以下0既絕子絕孫屋仲會有市場?

      刪除
  5. 能夠相知相遇已是不可多得的緣份。

    回覆刪除
    回覆
    1. 是的, 期待正統心理學打倒偽心理學....
      什麼REFLEXOLOGY....都不是正統的

      刪除
    2. 今天看到 http://www.master-insight.com/content/article/4055 , 及你的文章提起黃絲
      在制度不變的情況下 , 師兄你對現在的年輕人能夠突破現在收租仔(接近)必勝的困境充滿信心 , 我是有很多問號的 , 不過 , 我當然希望成真

      刪除
    3. 咩為之必勝?

      一層個D 自住唔好計佢地, 兩三四層個D 唔夠退休, 一樣要做, 十幾年後係點邊個知? (你唔買樓可買股買金買大豆...2015 開始計, 睇下邊個跑嬴)

      十層八層個D, 非我地呢一輩, 亦係我地呢一輩要食硬佢地個班人.

      最壞打算你係月月交租, 如果你投資收益已可COVER 租金, 咁又有咩所謂? 樓會增值, 你D 股票唔會?

      何懼之有?

      刪除
    4. 有2-3層樓,照計可退休?
      假設1層收$15,000,當淨收一半,3層樓收2萬多,應該退休無問題。

      刪除
    5. 你覺長遠樓必跑輸其他資產?

      另外,見一通排名,是否排身家?

      刪除
    6. 咁我估閣下係無人無物毒j 一條了
      咩叫排身家? 一通排名便是一通排名。

      刪除
  6. 70後兄,請問你係做小生意之前有無打過工架/打過長工架?? 好羨慕你當時有出黎搞生意既決心!!
    小弟都想起步,但礎於家人都係打工仔,又會話有個degree應該入大公司搵份好工慢慢挨上去,始終有唔少既concern!

    BA.

    回覆刪除
    回覆
    1. BA 你好,
      我一畢業打過幾份工, 第一份九日, 第二份兩個月, 第三份一年(呢一份同現在生意有極大關連), 之後一路做小生意又另一邊打左一年"半政府工".
      我家人都係打工仔, 媽是做街市, 爸是做地盤, 慶幸佢地無影響過我任何決定.
      反而頭兩個女朋友就有, 次任分手原因就係我唔想穩穩定定打份工!
      趁後生無野好輸, 點解唔試下?

      刪除
  7. 謝謝70後兄的回覆!
    [[趁後生無野好輸, 點解唔試下?]] 的確係為我打左支強心針!
    好有決心,現在都有穩定女朋友,可能3-4年後會再行一步準備結婚(或許我正正有3/4年時間慢慢去Build up my Business)
    我時不時都會同佢交流富爸爸 同理財知識,黎緊 買樓定 買股收息 用股息黎交租等等
    (對我黎講暫時仲有一段距離) 佢就會話,[我唔理架喇,你識咪得囉XD]
    對我黎講,係好窩心,所以我知我要更加努力!!
    我知道由零開始搞一盤生意會與 大眾 行一條唔同既路, 迎接好多負面聲音 同 難題要去解決,
    但偏偏咁令我更有動力,更有熱誠同唔會得過且過。
    好高興收到您的回覆及分享!

    B.A

    回覆刪除
    回覆
    1. B.A 你好
      只要你鐘意你0既生意, 就一定會做得比其他人好架喇. 錢就自然會來, 至少我兩公婆生意性質大不同, 但態度相似.

      若只為一心回本, 一心唔好蝕, 好難有起色. 萬事起頭難, 盡量以小量資本開始, 輸極有個譜!

      其實, 你條路並唔係孤獨的, 我最初都以為係咁, 我睇住我老婆公0既心路歷程, 同我一模一樣, 其實好多人都係咁, 只不過, 大家為左自保, 好少人會講出黎. (我有退休打算, 不怕了!)

      只係打工仔數目遠多於中小微企老闆, 先令你有咁0既感覺! 一生人中, 時間最重要, 月復月打工受氣, 人生為何要受苦?

      我老婆以前都係咁 , 只係一個秘書仔(剛識我個陣仲欠緊幾皮野卡數), 有日佢覺得成日打工做花瓶無野學, 就係一句無野學激發左佢創業夢.

      最初我同佢講, 蝕極都係兩年死約鋪租(十幾萬)同自己份人工, 有咩大不了! 結果頭三個月佢已經回本了.

      記得發左達請我打下風流PART TIME! 哈哈~~~

      刪除
  8. 謝謝分享...
    你估一打二容易過打理你既生意咩??:D
    我小弟策略,只能行駛"放人"、"放電"策略。

    還有,七十兄如要退休,記住唔好唔好BLOG....娛人娛己....:D
    BBQ

    回覆刪除
    回覆
    1. SORRY, 寫錯嘢︳"係唔好唔寫BLOG..."..年紀大...我手不能寫我心...:D

      刪除
    2. 哈哈,說得對,小生意其實只要做,不用打理。兩件野麻煩好多。所以老婆其實更強。
      Blog 一定會寫落去,大家既留言就係我9up 的動力。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...