小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年7月17日 星期五

年青人應如何創業(一)

剛一口氣睇完高達G復國(Gundam Reconguista in G),沖埋涼都兩點半。

(圖片連結有播放LINK,開心SHARE)

非常不滿結局早早了事,另外中段發現男主角鐘意個條女,竟然係佢家姐!(粵語長片咩。。。)

每個高達故事背後,幾乎都係講要"互相理解",除左一D大奸角最後要死,咪又係講戰爭傷害。

今次G復國比較特別,係講好耐之後地球受破壞,舊軍事技術被封印收埋,地球得以重生。但係又有好戰分子企圖以舊技術挑起戰爭並想征服地球。

結果謎底一層層解開了,越揭越多舊技術被使用,仲打到去金星再番地球。

G復國劣評一堆,話亂個D佢地個腦爭少少,編劇都認寫得唔好結果好難跟(D人名又改得衰,睇字幕真慘!)。其實背後個意思係,人類依賴科技,最後慢慢失去人性。

就似大家卦住玩FB,WHATSAPP咁啦,唔講太多。

上面不是吹水!!

講番正題,舊酒新瓶,睇開此BLOG的請不要介意概念有點重覆。

常常有年青人係我個人FB講人工低無前途溝唔到女云云,又怨份工點點點。。。我有時都忍唔住插句咀,既然咁後生無野好輸,何不創業?

當然,之後一堆理由。無得做,成本高,有人做左,租貴,怕蝕等等。。。

說到底,個人勇氣之餘,佢地缺乏創新。

<1>最容易殺出血路,係搵上一輩人0既錢!

例如FB好多幫人攪小朋友生日會,教小朋友畫畫,呢D就係睇中個D唔識教小朋友0既家長,又想實現家長0既童年願望。多多錢都肯比!

<2>又或者,係傳統生意上創新。

UBER呢排好紅,雖然我無興趣坐(我係價格先決,我出入0既地方都好易截的士,同時都係中程距離算係好旗)。

UBER用私家車當的士殺了一條血路,除左個APP本身,亦幫好多士司(的士司機,貨車司機等等)提供一個轉渣房車0既機會,人工又高過渣的士!!

咁點解新聞會有的士司機抗議?咪住,睇真D佢地係咪真係租車0既的士司機!

我無經濟低子,下文解釋得好好!
【觀察】UBER大戰的士佬?可能搞錯咗http://www.am730.com.hk/article-273126

節錄如下:

只是一場利益集團之間的鬥爭,這也是很多評論誤解了的地方。正如筆者在前文一提再提,基於的士司機收入只與近似的司機市場掛勾,換言之假若的士收入真的受到UBER BLACK、GOGOVAN侵害,那長遠的結果必然是的士持牌人透過減少車租來留住司機,否則的士租車司機也自然會轉行至其他收入更高的行業,例如成為UBER VAN一分子。不少的士司機都看出了這是一個與他們無關的戰場而對這場抗爭興趣缺缺,只是由於的士持牌人的公關手段、時事評論員的認知錯誤,才會錯誤把抗爭的雙方搞錯了。

退一萬步而言,就白牌車、貨VAN載客真的是錯的一方,那為何政府可以在人口、道路不斷增加的情況下,連續超過17年不發新的的士牌呢?的士數量受限,只會讓更多人因等不到的士而駕駛私家車;而的士司機本應因供應受限而增加的收入,最終全部都被車租增加而抵消。說回之前那條AL會考經濟題其實還有一個答案,就是「透過大幅增加的士數量,讓司機為爭奪客人而提升服務質素」,被乘客大讚的UBER服務其實就是變相的答案,那大量增發的士牌以滿足市場需求又如何?誰又會反對呢?

****

總結一下,創業如果想成功,首選創新,次選打破傳統。

如果唔針對上一代黎打,即使成功,都只係同流合污。

放諸現在也一樣,好多老屎忽靠收租過活,當然可以同你講好多原因好多理由,如果你同佢一樣,一黎中哂圈套幫人拉高樓價租金,二黎你食下一代0既錢同人生,小心有報應。

高租金,高樓價0既錢,用番係日常生活以致各行各業受惠,豈不更好?

有能力0既,應該改變遊戲規則。

你睇下,果D大維修,真係食硬上一代,其他0既,自己諗。

後記,男主人同女主人兩盤生意,都係傳統生意加入創新元素而成功,老一輩0既,點學都學唔到。

新讀者懶人包
我的澳牛生意
小生意續約了
女主人的生意
我的澳牛生意2

同高達G復國剛剛相反,點會舊年代0既技術重好過現代?


(兩隻都係小弟作品!)

12 則留言:

  1. 的士牌幾百萬一個投返嚟當收租佬
    而家攞個手機就搞到啲“租客“搵少咗喎,哈哈

    回覆刪除
    回覆
    1. 現價 6~7 百萬, 真係好過去搶,
      而家俾一個free app 去ko 佢地0既收入?

      根本就係利益衝突而已.....當然法例上有漏洞

      刪除
    2. 法例上又唔係有漏洞, 不如咁講, 如果有保險 COVER 會好好多。呢D 翻天覆地0既變動,就似當日INTERNET 咁,慢慢會成為你正常生活0既一部份。

      刪除
    3. 係美國揸呢D因為自己保險一定唔會保, 所以APP公司有一百萬第三意外保
      唔明香港點解無?

      刪除
    4. 唔知香港有冇。不過非常讚賞呢D可以擊敗上一代老屎忽斬佢一頸血0既新科技。

      刪除
    5. 取唔取代到會好睇政府嘅態度,好似猶他州長想KO鹽湖市長的權力,所以就特登通過App車合法(的士牌屬鹽湖市財源)。
      除了利益,還有權力鬥爭

      刪除
  2. 70後兄寫那段"最終全被車租增加被抵消",妙!
    大師Adam Smith 在"原富論"中描述地主也是這樣的,但唔夠70後兄寫得咁有趣。

    巴黎

    回覆刪除
    回覆
    1. 巴黎兄,個段係AM730專欄作者講0既。
      我無ECON底,只能拾佢牙慧。
      呢班自覺"承受風險"理直氣壯0既投資者,應受下教訓。

      刪除
  3. 我很同意這議題。
    的士牌主如同收租業主,但唯一不同是可大量增加牌照及的士數量,相反增加房屋的增加,無論時間及找地相對較難。
    同意嗎?
    就住租金升,你又有何妙法緩解?請請教。

    回覆刪除
    回覆
    1. 加貨價,收租仔都要衣食住行,加得勁過佢地,等佢地SUFFER 一下。
      如你打工,只能比收租仔同生意人一齊宰割了。

      刪除
  4. 謝謝分享﹗

    令我諗番起星期日檔案嗰個用孖展炒股的女孩...
    當我地成日覺得(因老一代人)孖展好可怕時..
    有些後生仔女可以致富(暫時),總好過一些港青講就天下無敵,做就...

    的確突破上一代人的思維的確係自由的一個重要元素。

    BBQ

    回覆刪除
    回覆
    1. 係喎!用孖展見好就收,用時適當並不危險。總好過借幾球要分廿年還,一樣是孖展!
      舊頭腦賭性強,孖展唔還清一路借,最後梗會爆。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...