小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年7月13日 星期一

人工 屋租 生意 股息 邊樣升幅大?

呢篇文儲左好多,而家出。

哈哈。去上海旅行,delay 左三粒鐘,決定打埋d 文。

附錄:毒定個仔玩機械人!

 


(今集內容比較偏激,慎看!)
歡迎留言交流交流

我只講由2009 至2015年。因之前未有得計。

生意有超過一倍升幅,認真計下可能兩倍都有。2014年加多一日休息,竟然無少到錢。

小弟唔係打工仔,只能以公務員作比較。人工升幅升得都唔多,因為公務員跳point 慢,相對變左人工追唔到樓價,只好多人嘈話買唔到樓。

當然,你打工皇帝又叻仔梗係加得快過樓價,尤其做銷售或地產相關,仲要係初出茅廬基數細

有好多人飄飄然覺得收租樓可以打風流工。其實只係錯覺黎0者。無錯係有人同你供,又真係有現金流,如果要supprot 財務自由,要幾多層? 要知道供完先係你,要租金追到生活加幅先得。

其實,好多收租仔都係打工仔,人工升幅亦不太高,佢地講香港人個個都好高收入,咪又係話識得個朋友點點點。。。其實自己一樣係捱騾仔。

可能家庭年收入有2至3球既我,都算窮L一條,我計過,我呢一刻要即時有十層八層細價先可以財務自由

昨日同老婆講,要買四層而家住緊個度先得。仲要係full paid。

我買股收息,現在已幾乎接近自由了!只係我未實測過唔敢亂黎咋~~!廿年後?你覺得其他資產唔會同樓一樣會增值?通漲只係令樓價升咩?收租0既人唔用電唔用水唔用銀行服務?


如你一開波就十層,咁真係可以自由了。如果得四層,即使樓再升,無壓測,收租無loading, 要一層層買上去一定得,但係要幾多時間?

你睇下幾多收租仔已經收哂皮?唔上唔落又唔捨得套現呀!個班老SEAFOOD上哂岸入個價咁平梗係爽啦,如果你09年先開始,真係蝕哂機會成本!無錯,等多十幾廿年你就FULL PAID 了!

再者,講得衰d, 呢d 收租blog, 掠奪年青人人生,傷天害理小比收尾幾年之餘。若要等到佢地自由,必須兩個條件。

1。佢地一世毒撚或絕後,即只係自己養自己,洗費少。

2。再黎多十年樓市大牛市,或者只跟通漲就廿年。


咁09到而家,樓升左幾多? 一倍吧,有d 唔夠有d 唔止。

剛有新聞講07 年幾十萬居屋,而家賣番出去都係三倍咋。

咁日常生活呢? 市民日日食既早餐,升幅未夠一倍,大xx 早餐都係20 升到30 咁上下0者。

咁樓係咪升幅最大? 

哈哈,你估做生意個d 傻架?

其實做生意原本個利潤都唔細,你加租,我咪加價。

拿,班人係咪不吃人間煙火?做生意0既,加你價,你只能硬食。不過我地一向低調又唔講出口咋。

5%或者10% 租金回報on top 加多兩成係幾多? 10000 變12000好唔好?

同樣賣一樣野 50% net profit (可能唔止) ,係整個貨價上加多幾個% 又係多少? 即係咁,原本我十萬純利,加左4%,變左104000,突出黎個4000已經夠COVER租金有突了!

(麥記個包加一兩蚊,其實已經好好搵!)

即係咁,鋪租加左20%,我貨價加番4%已經抵銷加有錢入袋了!

講多次,呢D加幅,係加係所有用家身上,除非你不吃人間煙火啦。。。

所以,最慘都係打工仔,兩邊一齊硬食。。。

我唔排除有人經營不善真係頂唔住租金,又或者鬥氣而搬,不過你做開小生意就會暗笑個班用樓做收租,好似高息定期咁既傻仔。

收租唔駛做有錢收? 三百萬要十年回番比你,都係要時間。刻下如要即有三百萬現金,必須賣樓。人生最重要係乜?時間!

可以睇下呢篇<如何儲一百萬?好多錢?

如果我要一層一層咁買落去,真係買到頭髮都白哂都未攪掂!

後記,學下塘人兄話齋,租客同你供足廿年,點知供到第十九年,你就死左。咁層樓即使係你又有咩用?

後記,我搵番隻UNICORN頭頂粒的了!! 補番兩張相自HIGH一下!另外,又開始砌MG電鍍版新安州!

好修長0既腿!



39 則留言:

  1. 樓最大既好處係桿杆效應,
    講真,
    之前幾年投資樓市回報的確好和味。
    俾左首期,
    放租就有人供,
    樓價如果升到一部,
    回報真係相當之好啦!
    不過,
    又唔等於買股唔好。

    回覆刪除
    回覆
    1. Yes, 股票 margin 好有限, 樓就可以桿杆幾倍.

      刪除
    2. 其實股都有槓桿效應. 一般股票可以借到貨價七至八成, 再將個七成按埋, 按三次已經等於七成樓按.
      問題係你夠唔夠彊做.

      刪除
  2. "你加租,我咪加價"...正
    生意就係0甘做, 冇水位, 唔通食屎咩?

    收租BLOG 確實害人不淺..
    樓係槓桿大, 但要賣出一刻先會賺,

    自住樓根本唔應該用作投資升值

    回覆刪除
    回覆
    1. 收租仔回報其實已好低,個班係我地未畢業就插哂旗的,梗係無敵啦。
      一將功成萬骨枯。

      刪除
    2. 好難講收租股回報低,有2-3厘息。
      有些股票1%不夠亦大有人買。
      但樓價實在高,有價格波動重大風險。

      刪除
    3. 重點係果班人講租金回報,不是講資產增值

      刪除
  3. 行行出狀元,亦都一將功成萬骨枯,
    投資投其所好,各取所需,
    最重要嘅係計掂自己盤數:)

    回覆刪除
  4. 公說公有理, 婆說婆有理...........
    當然可以做大生意是最理想, 不過都是辛苦錢, 而生意上賺咗錢為何買樓自住或買物業收租不可呢 ?
    分散投資不嬲是我原則 :)
    依家先來買住宅收租不大明智, 因為就來加息和政府愈起愈多住宅, 而價格已太高, 所以我買實金實銀都唔買樓, 等金銀升, 樓價跌, 先來買一層俾仔女住 !
    股市由2007年32,000跌落來, 8年後都沒升去30,000, 但樓價呢8年內, 升咗幾倍, 所以自己可以去分析 !

    回覆刪除
    回覆
    1. 分散固然係好。
      我強調日0既係個班收租仔不停引人入局。
      另,lisa 姐你以偏蓋全了。你用浪頂計,不如話97 至07 樓仲係跌但股升到hihi.
      又或者用97 高位對而家高位,都擊敗中原指數啊。
      拿,你是早上岸的一批,你既然明白現在收租是搵笨,就不要再推人入局了啊。

      刪除
    2. 其實可以客觀計到數,只要用二者的低潮到現在的複式增長。
      樓肯定會用03到現在。

      刪除
    3. 我同意恒指這些年升幅不算大,當然亦有其因,我見不到老實股有重大風險。

      刪除
    4. 可否用科網低潮先作比較,年期較接近。

      刪除
  5. 我就自己唔會做加按呢個動作, 因為知風險所以怕死, 所以只可以安安份份, 退休有錢洗, 但唔會變大富豪, 也唔會賭清光 XD !

    回覆刪除
    回覆
    1. 我無推人去買樓, 不過咁多年來計, 最多人賺錢的是在樓市, 而我身邊都唔少人係咁賺到錢的 !
      樓因為只可以一間間咁買, 迫你大資金入市, 所以做對 timing, 是易賺到錢 !
      股市就算買啱timing, 但入市資金少, 所以難賺大錢, 而因為買賣易, 所以心理質素好重要, 好易俾人震走, 雖然在樓市好多人都是賺少少已離場, 之後買唔返低價 !

      刪除
    2. 你都可以從另一方面睇, 如果你當年無賣樓去玩期權, 而係加安買第二間, 第三間, 你依家會有幾多間樓? 雖然我唔讚成人地去大手加安買樓, 當年都對CY13層樓主說過有風險, 不過佢食正低息樓價升, 所以過到關, 而其他人唔一定過到關的 !

      刪除
    3. 我無賣樓玩權。亦不會收租,道義問題,不是投資問題。
      個人意思,而家做呢d 仲仆街過打劫。

      刪除
    4. 我租人樓,我又不覺業主無道義,人家亦有風險,有開支。

      刪除
    5. 有時間入我Blog交流下。
      我跟你背景應相若,70後,長線投資者。

      刪除
    6. 覆Lisa:
      我要反其道,你話一般股價少資金較短線。

      刪除
  6. 我對資產看法是要在低潮數才是自己。
    很多收租佬這10年仍未經歷市場的考驗,將會來的始終來!

    回覆刪除
    回覆
    1. 我就係覺得,你低位入叫人高位跟你,是否送人一程以自肥?
      點講都講唔過去吧。

      刪除
    2. 我諗拗乜都無用, 要睇的是來緊十年個投資市場會點演變, 是否股市大跌? 樓市又跌 ? 金銀價升油價跌 ?
      如果樓股一齊跌, 依家拋來好可笑, 因為大家資產一齊貶值 !

      刪除
    3. 穩穩陣陣投資有現金流,價格合理的優質公司。
      避過息率急升的風險,會否來臨,無人知,最少安心睡覺。

      刪除
  7. 這版幾激,讓我看真內文,再辨論。

    回覆刪除
  8. 每人利用資金各異,有人選擇做生意,有人投資樓,有人買股票,無問題,最重要認清風險,無謂輸了賴人家。
    我是長線投資股票。

    回覆刪除
    回覆
    1. 風險外也有道義問題。
      對中收入年青人來說,上車盤是必需品,咁樣挾高個價是否能心安理得? 是否會有報應呢? 盜亦有道。

      刪除
    2. 其實這是市場問題,無理由隔離收1萬,你5千。
      我不是既得利益者,我是租樓,當然我有能力買。
      如果無錢,可申請公屋居屋,當然我無資格。
      但問題非業主一人,供應,貨幣政策,亦促成樓價颷升。


      刪除
    3. 有時間入我Blog講下股票,樓市。
      交流一下!

      刪除
    4. 你睇唔睇得明?都話唔係經濟問題,道義問題。
      我full paid 多間都得,但又關咩事?呢個世界得你一個生存?做人總要有同理心吧,錢唔係萬能,亦唔係唯一指標。
      你個blog欠了個人見解,好似股票網入面介紹下公司咁。

      刪除
    5. 我承應我從經濟角度想,但經濟離不開道義,很簡單:
      如果我覺做業主收租沒道義,我不去做這回事,供應層面少了,租金自然下降?
      我認為問題核心不在這裡。
      或者我未明你們這話題,我剛看,請見諒。

      刪除
    6. 關於Blog,我是新手,請體諒,或者我未明Blog的文化。
      我希望將見解於回覆發表,內文圍繞基本數據。

      刪除
  9. 有可觀利潤入袋的,已是較幸福的一群.......

    回覆刪除
    回覆
    1. 所以我成日講,要創新,走舊路沒有出頭的

      刪除
  10. 70兄,我係之前話一口氣睇返曬你成個BLOG 個位;我都係做小生意的,很同意你的想法。但係我盤小生意對的係一般窮撚,非必要都唔想加。
    另有兩點可商確:其一是公墓員加薪,雖然每年只有加一點以及每點調升,但一般入行後每坐3~6 年會升一次TITLE,呢個時候底薪點會大幅提升。EG EO II -〉 EO I,加左一萬以上。
    其二是貨價加4% (假設銷量不變,Revenue up by 4%), bottom line 的net profit 應該會大大大升多於4% (我的經驗係大約3 倍左右),原因可以係盤生意有唔少FIXED COST(EG 租金,電費),或泛FIXED COST 項目(EG 伙計人工)或其他一籃子因素。
    好同意你成日講要知道自己想點過,同埋做生意要創新。即使係傳統生意,就算第一步唔係售賣的產品上大革新(肉丁羅漢齋XD),起碼可以先係日常運作上改善程序屈行家效率。咁當然,比較好的緊係搵到藍海定位~~
    另,祝收視人數突破十五萬!!!
    TK

    回覆刪除
    回覆
    1. 係喎,眨下眼就15 萬。
      不過呢,大部份公務員無得升,或者max 左都無徥升呢。唔係人人做到局長架。
      另外,貨。價要睇你賣乜同賣幾多。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...