小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年7月5日 星期日

我的澳牛生意 2

舊文重溫
我的澳牛生意
小生意續約了
女主人的生意

個女結業禮,佢有獎拎!咩獎?操行獎。。。


一個用刀一個用叉,我好喜歡 S-GUNDAM!



話說,男主人初入行時係用一本好簡單既單行簿記錄日程

結果,一用就由2004 用到而家。每月一頁。

女主人搵過,個本簿已唔再生產,佢買埋剩低個兩三本

不知不覺,本簿用埋下個月又要開一本新。




感覺工作又進入另一階段。

今年,都係full schedule。實在太多新客慕名而來,同時佢地亦越黎越有錢。可惜錢係推唔郁我既,客我唔想做亦可以照趕。

早陣子,想同鋪個業主傾延長多半年租約,好讓我可以負責任地光榮引退。不過條件係換左鋪入面咁d 機器,其實都係兩萬貨仔,業主似乎都同意。

我又心郁郁,不如拉長一年啦,唔好蝕。

點知女主人又話,乜我唔係再做多半年(即仲有兩年)就唔做咩?

其實,我都煩緊點逐步退出。最好有客買左我個鋪再平租番比我,哈哈。

對面間茶記終於頂唔順執左,正因佢唔係藍海,佢仲停留係紅海。一個無乜頭髮四十左右0既中年男性,就咁結束佢0既茶記事業。

係三步之隔0既我,澳牛生意佢跟本複製唔到,大家D客都唔一樣,所以幾年間都唔會有爭生意,或任何競爭。只能夠講,每次見到佢,都有一份無奈。。。

創業從來都要小許創意,若留守紅海,你一定唔夠分,因為已經唔少人做緊。發掘藍海,唔一定係完全創新,好簡單0既改動已經可以令你獨步天下。

入行十二年,回頭一看,其實只係當初一個小決定,走上左我師傳果個舊單位(相信而家值成千萬!不過原來已經拆左準備起樓。),由打工變自顧,由自顧變老細。

我估好多行家都唔捨得退,又或者佢地想交低比人做。我意思就係,光榮終結,大前題係要搵夠。

再想當初,我認為我呢一個藍海可能做十年,隨住自己年紀老去,會越黎越做唔到,點知原來又唔係咁,好多老行尊都仲繼續做喎!

埋單一計,我由15年八月尾至16年六月尾,一共多左102 萬cash。

再多兩年,肯定無咁多錢,因為就退之前要減工作量,否則非常無責任心。

預計,兩年後,多兩球現金或以上。

即係話,而家借三球,退下之時剛剛好還清。


14 則留言:

  1. 男主人的境界太深層, 現在的塘人還未能了解:)

    回覆刪除
    回覆
    1. 舉個例,如果我係一隻金雞,後生搵到好多錢,但預計年老色衰就未必可以有咁好收入。你就會常常好天收埋落雨柴了。
      點知未落雨就收夠柴,又貪心d不如早d走人。

      刪除
  2. 回覆
    1. 一個夠字,玩死好多人。
      為左越搵越多,營營役役又何苦。

      刪除
  3. 我想男主人的思念為做人應知所進退, 做人做事應順勢而行,不為舊日的成功眷戀 將眼光放在未來,退出,不代表退步, 也許祇為未來的新天地作更好的準備,
    有此思維, 高人也,值得一讚
    mat

    回覆刪除
    回覆
    1. 你過獎了。
      搵錢以外,旅行以外,湊仔以外,應該仲有好多野可以做。

      刪除
  4. 看見70後兄對寶貝,想下自己當年亦是差不多年紀作出差不多的決定,也明白你的想法。
    細路不同年齡要求父母的關懷是會變,現在閣下的寶貝的確希望父母多陪伴,當年我退下之後日日車個女上下課,聽佢講心事,但一到中學過後,他們就不會再需要這種方式的関懷,Facebook 也不會add自己。但咁啱呢個鐘數就係男人+On居居之時,係特別難頂架。

    每個人環境不同,這只是個人的two cents.

    巴黎


    回覆刪除
    回覆
    1. 萬分感謝提醒。當年大女出世果陣,我個化學科老師都提過我,去到初中就開始無乜溝通。不過現階段只能見步行步,總好過連傾心事0既時光也錯過吧。

      刪除
  5. 收唔收徒弟, 我工廠年底便玩完.

    回覆刪除
    回覆
    1. 哈,唔收了。
      真係要天份,年青,口才。。。
      剛剛對面先頂唔順執左。

      刪除
  6. 係呀,小朋友大得好快。
    尤其係小朋友由幼稚園到小6只係短短7,8年時間,但對於小朋友就係翻天覆地嘅變化。
    有能力多陪伴係褔氣。

    回覆刪除
    回覆
    1. 望就咁望,不過又跌下市,離目標又遠番少少。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...