小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年6月18日 星期四

心態決定境界4

呢個系列可能係寫得最多。

<心態決定境界>

<心態決定境界 2>

<心能決定境界3 - 論創業>


好開心! 淘寶左個攝影盒! 所有模型突然生雞變鳳凰!!! 開心SHARE!




****

其實只係小事一單,但能投射係好多香港六七十後入面。

話說男主人係七十後,但其實爭幾個月已係八十後了,眼見大我十至十幾年個班,係佢地黃金年代,最搵到錢個陣遇著1997 經濟危機。

兩三年間,資產下跌。

緊接裁員,通縮。

眨下眼,多年艱苦經營化為烏有


有人睇唔開,一了百了;有人捱過了,而家有番咁上下資產。

現在,出街食飯動輒要投訴,好多都係呢班中年。投訴目標咪係要人無左份工。傻豬黎既,如果佢去創業,可能有另一番天地。

話年輕人唔捱得唔肯捱個班,咪又係佢地。因當年佢地只能選擇捱,現今年青人物質及資訊上富裕咁多,佢地絕對有權利選擇生活。

難道大家唔抵得佢地年青? 相反果班阿嬋已經青春不再,當年光陰只在讀書工作搵錢。。。

以前去旅行機票貴,大家可能三十年人坐得三兩次飛機;但卻笑年青人年年去日本,真係懷疑佢地係咪入左桃花園不問世事。

就好似我阿媽(七十幾了)咁,仲覺得幾十蚊食個飯好貴。。。

呢十年同女主人睇二手樓盤無幾次,好多女戶主都係呢個年紀,特徵相同:

西口西面,呀,黑口黑面。

瘦,無肉

皮膚唔得,更什者黑媽媽

其實係街見到個班講英文唔掂但都要同小朋友講英文個d 師奶一樣,不過加埋當街鬧仔。

試過agent 認錯佢係工人,拿,真係幾似!

我成日口衰同女主人講,乜果個阿媽定係工人黎?

等價交換,當你以為捱出一片天,其實你青春已不再。

人生在世,樓,錢,股,有用嗎?


但若有夢想,以上三者皆可棄。

此文靈感來源,係男主人搭lift 個陣聽到兩公婆對話,話某親戚月月清,搵一皮洗足一皮,”呢d 算是什麼生活態度”

我望一望佢個樣,嘩屌,人乾咁樣,一條柴版既葉劉但肯定只係四十幾。
佢老公無語。。。

心態決定境界,以前D人做打工仔,為改善生活得好而光榮;結果眼光只限於此。相反,我應為現在年青人,即使同我政見不同,個 PLASTICITY 依然好高,有無限可能。

******

以下是文章預告,應該兩日內會出。

男人都想做個嘉美尤
<貸款精明眼4 - 銀行古怪OD產品>

小弟生活鎖事或股票期權小變動,會先係FACEBOOK分享,再行文。按此LIKE我FB PAGE

16 則留言:

  1. 人不作出犧牲,就不會得到任何回報,
    想得到一樣東西,就必須付出同等的代價。

    回覆刪除
    回覆
    1. 我認為,犧牲少,收獲多是存在的。
      全因主觀上,你覺得更加值得就可以。
      一分耕耘一分收獲好多時都係厄你慢慢努力DUP 低頭做,否則呢個世界0既人力係唔夠用。

      刪除
  2. 嘉美尤??
    嘉美尤係高達我覺得慘,首先見住自己親人死,後尾又要精神失常....

    回覆刪除
    回覆
    1. 但係天才,好多女,最後仲有一個真愛,無厘頭做左主力,呢D投十次胎都未必得。

      刪除
  3. 確實硬住頭皮去供佔入息過一半嘅自住樓, 為啥?

    回覆刪除
    回覆
    1. 文中個班人經過過,而家有壓測,你想試都唔得。

      刪除
  4. 長篇中最鍾意Z高達。
    講真,嘉美尤同馬沙都係輸在奧干,
    人地成日有新機用,
    佢地用黎用去都係得Z同百式。

    回覆刪除
    回覆
    1. 應該係一開始Z性能已經好好,所以對手不停要研發新機對抗。除左THE O,泰炟斯D機千篇一律,重高條女又做左二五仔鐘意嘉美尤。

      刪除
  5. 每一代人有自己的生活方式:
    20/30/40後在二戰後要由零開始, 所以會是慳家的一群, 由年輕到老都唔捨得洗錢 !
    50/60後, 因為有較好的教育知識, 所以識賺錢又捨得洗錢, 但又識慳錢, 應洗得洗 !
    70/80後, 因為生活在富裕環境, 所以比較捨得洗錢 !
    90後就不用說啦, 好多人都唔會慳, 因為多數是獨仔獨女, 要乜有乜 !

    回覆刪除
  6. 小弟應該年輕你10年,好希望10年後好似你咁...努力中

    回覆刪除
    回覆
    1. 咁你其實係九十後! 因為我可能都仲可以叫做八十後! 哈哈~~~
      十年前, 我估我都係得十萬左右.

      刪除
  7. 節儉當然是美德,太守財就有點那個,裝備好自己,人生是在等機會,機會到了你又能把握,就時勢造英雄了。

    回覆刪除
    回覆
    1. 我讚成量入為出, 但絕不認同苦行僧形式0既所謂成功。

      刪除
  8. 很有意思,已bookmark這篇,希望自己老後唔好變成咁

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...