2015年5月28日 星期四

心能決定境界3 - 論創業

估唔到有第三集,舊文重溫。

<心態決定境界>

<心態決定境界 2>

話說, 我有一位同學A, 讀書唔叻樣子一般勇氣又無乜, 中五去左讀TC (即係而家 IVE), 畢業成為左IT 人....係一間餓佢唔死0既誇國大公司做一個小小小小SUPPORT....

其實已經係十年前0既事, 當年我地都十年無見, 即係同而家比, 加埋成廿年....

見番佢原因係因為同另一同學B聚舊, 我個位同學B又係股票人, 結果當晚, 佢講技術分析, 我又講下期權.



言談間, 我提議同學A 咁鐘意影相, 不如幫人影下拍下結婚相啦, 當然, 佢都係講番一D 佢覺得佢做唔到0既理由.

1. 做生意, 風險大
2. 做生意, 初始成本大
3. 蝕左點算
4. 無人工
5. 已經好多人做緊 (其實個陣未有而家咁多)
6. 興趣還興趣

當然,佢最後無聽我講去影婚照搵錢,繼續做其IT SUPPORT。。。

再補一通股票倉


嘩, 呢D 白痴思維, 咁似個件80後求死隊長0既? 呢條友話自己80 後, 其實佢細我兩三年, 哈!

個日聚會完結, 呢位同學A 仲同同學B 講, 做乜我咁好死教佢地期權.....WELL

今天, 當然我已經對呢個同學敬而遠之, 而同學B 亦因工作錢銀問題同佢決裂左(同學A 錄同學B 音, 怕第日生意有咩犯法野要上身喎...)

再過幾年,係同學A FACEBOOK 睇到佢轉左行了!

咁同學A 而家係咪做緊IT? 非也, 佢去左同人影結婚相!!! 否則點養頭家! 如果佢肯早D 轉行, 可能佔有市場更多....

80後求死心態, 就決定左佢境界!

一個人,以為只係食同訓無憂,又可以有錢駛,咁就足夠?夢想呢?

香港,某D夢或者難以追尋,但依然有唔少夢想係可以達到。有好多夢,係唔會令你發達!

所以你睇下求死條友是多麼的膚淺,不過可能佢讀書少又窮又無人理佢,先想用呢D野黎獲得NOISE。相信同學聚會之間,佢除左有收租樓之外,根本無任何突出之處。

回應番上面創業一事:
1。打工,風險都唔細,機會成本,咁就一世。
2。初始成本,男主人女主人兩邊生意,成本少於十萬!男主人最初,幾乎零成本創業的!無人叫你一開頭就攪咁多野!!
3。蝕左咪蝕左,成本唔高。真係唔好意思,我未試過蝕錢。
4。人工係糖衣毒藥。自己做老闆,佢加租?你加番價,等佢老豆老母仔女親人全部SUFFER! 例如你做飲食,加價,佢地收租仔唔駛食?真係唔知邊個握住邊個春袋了!
5。男女主人生意都有好多人做緊,男主人已經係該區龍頭(某D方面),女主人應該係讓類產品龍頭了。只係我地唔開分店唔發大黎攪,搵夠就算。
6。呢個我無意見。

(歐陸色彩)

(又黎高達分享!男主人發左成隊天人番公司!)

阿傻仔80後,你怕做怕失敗0既事,好心就唔好係BLOG教人唔好做啦。
你份人失敗0者,好多人創業成功,亦唔需要ANGEL FUND架!

我兩公婆只係好普通0既公屋仔,可能我讀書多你少少,女主人讀書不多,但又可能待人接物好你少少。


除左收租樓,你仲有D乜?



25 則留言:

  1. 男主人長串80後隊長喎, 哈哈
    搞到塘人又走去睇下佢呢排寫左D咩野
    都仲係一堆理論, 新聞
    無買樓, 無買股

    回覆刪除
    回覆
    1. 其實唔係插佢一人。
      香港多左好多呢d 一朝得少志既收租仔,無料扮4條。
      果種無用自卑心態全部係佢個 blog 度睇到。
      平日人細j 細比人無視,咪講自己有收租樓笑人夢想不能當飯食。
      其實,有錢有夢想有美女老婆有仔有女大有人在,求其blog 友賣股買樓,都嚇到佢賴尿了。

      刪除
    2. 塘人覺得香港而家有樓自住或收租既大小朋友就等同讀中學時霸到個藍球場就以為自己可以話哂事, 同埋溝哂D靚女同學既個一班友仔咁

      一時既雲煙而已, 最後都係要畢業同埋讓返個場出黎俾D後輩, 因為個藍球場無話係屬於邊個既

      刪除
    3. "讀中學時霸到個藍球場就以為自己可以話哂事" 呢個正!!!

      可惜, 有樓又講哂出黎個班, 好多都溝唔到女, 一係就要搵件唔靚0既黎一齊供樓....

      刪除
  2. 其實你係咪提議同學A幫人影婚照,睇到有啲亂咗。 :D

    回覆刪除
    回覆
    1. 係, 我講野好Q大膽, 廿年無見, 知佢點樣就提議佢影婚照.
      改改行文先, 謝謝告知.

      刪除
  3. 我有睇求生隊長個blog, 亦都有買佢本書。不過睇睇下就發現冇咩高見。
    有人問佢如果冇父蔭既話, 而家大環境咁樣仲可以點發圍, 佢竟然係叫人認命...

    回覆刪除
    回覆
    1. 原來佢有書,真係打書釘都廢事。
      大把人無父蔭都成功啦,佢唔得就以為人人唔得。
      Nothing is impossible. 何必打沉別人?

      刪除
  4. 其實我既夢想就係食瞓同無憂,haha

    回覆刪除
  5. 咁重倉係一通怕唔怕?,唔分散多幾間卷商?

    回覆刪除
    回覆
    1. 唔怕.....卦!
      而家社會唔同左, 監管都唔同左。
      遲D 可能一通轉輝立。

      刪除
    2. 輝立收費都唔平,拍得住銀行,不過就夠大夠穩陣。

      刪除
    3. 渣打股市旺常死機,用到心灰意懶!

      刪除
    4. 咪等你旺市唔沽貨,坐定等升。
      輝立有得借平錢。。。

      刪除
    5. 上輝立網睇下啦~ NO FREE LUNCH

      刪除
  6. 謝謝分享﹗

    七十兄排二十幾都驚...
    我呢D排近一千的....驚黎都冇用...:D

    BBQ

    回覆刪除
    回覆
    1. 早晨,其實又有乜好驚。
      監管程度點都好過以前卦。

      刪除
    2. 再次謝謝你的分享﹗
      可能來來去去都係嗰幾點,(就好似止凡兄分享借錢的經歷)
      但係經過REVIEW、沉澱,或許不久會多一點新睇法,改善自己。
      BBQ

      刪除
    3. 襯未老,去創業,做自己鐘意做既事。
      同佢有仇,先會叫要安安份份。
      不過,近幾年有好多不務正業收租仔出現,做生意比人笑傻仔。其實好多人搵到唔出聲0者,租金? 真係微不足道。

      刪除
  7. 無錯, 心態最重要, 寧為小國之君, 莫做大國之臣

    回覆刪除
    回覆
    1. 無錯,咁後生就認命? 除非自己上唔到位,想人地都無啦

      刪除

各位每個留言,係我繼續9UP動力,必覆。

Related Posts Plugin for WordPress, Blogger...