2015年3月21日 星期六

厄人求死!? 二百萬買部 PLAYSTATION 1

男主人認為讀得書多, 未必最叻, 但避陷阱, 明是非, 可能會快少少。

正所謂咸魚青菜各有喜好,投資如是,玩高達都同此道理!


(圖中最大果隻有38CM高,中間有13CM左右,最細無度過。)

男主人酷愛最大個隻,因為佢大,但活動能力低所以無乜人鐘意,結果出左五隻就無再出了!近期搵番隻AGE-2 出黎砌,買左年幾兩年了,如上圖!

中間大少個隻,2009年貨仔,只係HG,唔係而家街買的RG,活動能力OK。通常買番黎D人又噴又改裝,始終係模型呀!不過就好花心力。佢2009已放左係女主人鋪頭坐陣,唯佢可能唔鐘意,成日跳樓,我只好收留番佢。

最細個隻係ASSAULT KINGDOM,零食物語或精品扭旦店買到。佢細得黎活動能力高,聽聞好多人買,因為可以放係OFFICE台頭,又唔駛砌,人大左,要工作,又邊有我咁有童真去慢慢砌? 

我都有自己喜好,高達0既野,又唔駛人地接受邊款至好0既,享受就可以了。

呢篇唔係講高達!

講多一次,咸魚青菜各有喜好,若果有人教你,塞埋錢入你袋要佢接受你0既方法的話。。。

一係佢自己都比人厄埋;否則就係陷阱;或者係佢入坑想你都入埋!

再睇,近期兩篇勵志文。。。

綜援家庭出身 90後圓機師夢

出身天水圍單親綜援家庭,令兒時凌健聰不敢有夢。直至母親改嫁,有機會轉到國際學校就讀,才知自己最愛飛行,課餘苦修航空知識外,不惜中途棄讀大學,追趕機師夢,終實踐與昔日恩師的約定,二人以拍檔身份,衝上雲霄。
22歲的凌健聰(Clevin)出身於天水圍的基層綜援家庭,當時不敢有夢想。至母親再嫁後家境好轉,13歲時更可到英國進修,之後入讀本地國際學校。他說:「16歲時臨近畢業,開始想自己路向,後來想到航空業。」當同學放學後去消遣,他卻日以繼夜自學航空知識,以及應付公開試。
第一篇我無咩好講。。。如果你要買殘舊細廢樓,請叫你老母改假?真係好勵志喎晴報!真正0既夢想,唔係咁達到0既!

可能有D BLOG 友覺得我講野涼薄,又毫不客氣咁鬧火尿森,市場老千同埋80後求死隊長。

我唔係酸葡萄,更加唔係想嘩眾取竉。只係,佢地有同一個相似地方引人反感。

就係制造羊群心理,
自己落左坑就叫埋人地落坑!

睇埋第二篇!

上車血淚史:港女學慳家 投資物業創未來

當時Icy月入2萬元,決定置業後,便進行大改變,戒掉從前的花錢習慣,「以前每年要去一次旅行,而家3年一次。買嘢前會諗清楚,等季尾、特價先買。生日就去當天免費入場嘅地方,如海洋公園等。」

她在兩年內儲了約30萬,而決定用部分資金與一班朋友以公司名義投資工廈,以呎價約2,700元購入荃灣工廈單位,建築面積1,200呎,涉資334萬。惟政府隨後出招徵收雙倍印花稅,她們見單位3個月後已升值兩成,決定趁早放售,扣稅後Icy個人亦賺約10萬。

同年,Icy付一成首期購入旺角一個289萬元住宅,實呎310呎,成功上車。對Icy來說,「每年多一樣資產」就是人生目標,現亦會繼續向目標進發。2013年底,她夥拍Cola等幾位朋友,小本投資一間工廈單位及兩間賓館;去年,她沒有買任何物業,惟跟朋友夾份開時裝店。她期望,今年能再次買樓,正努力物色筍盤投資。

Icy死慳死抵兩年,一直有Cola同行,因Cola亦希望透過物業投資致富。「喺香港地,要買樓先可以發達或脫貧。當你有一層樓嘅時候,你就諗有無可能變多層樓出嚟?到時就可以一層同屋企人自住,一層收租。」
我建議各位CLICK埋入去睇,開頭先見到都係得啖笑,點知今日比人踢爆。。。(原文

原來兩位小姐既真正身份並唔係報導所指做普通行政文員咁簡單,本報接獲讀者爆料,指呢對上車雙妹嘜係某大教人買樓投資機構的員工 (原報導中,「認識了以買樓致富為目標的同事」,原來個同事係佢地老細, 明晒!),有員工扮買家之嫌囉。
讀者F先生報料,在2014年底(即數月前),於一間標榜專門教授上車技巧的機構上堂時,曾遇見C小姐同I小姐,仲私底下同其中一個傾過計,問佢日日聽咁多上車貼士,自己有無買返層樓呢?個女仔當時答佢無,最神奇係,依家篇出咗街果篇報導係話佢2013已經買左樓。當然,佢可以話買左樓一定要話你知咩? 係既,幾個月前唔想俾人知,幾個月後就話晒俾全世界知,唔係精神有問題,就一係有著數。 就當佢當時真係買左樓,但果篇報導提都無提佢地係教人買樓投資機構既員工,仲要扮晒街外人咁,好明顯就廣告扮新聞,仲可能涉及利益衝突。
好,又當你真係乜都無需要同讀者講,咁我地又係時候睇下篇報導有幾假。C小姐做行政文員可以中午先起身,返半日工一個月可以搵2萬蚊,咁筍既工去邊度搵先? 有網民估佢係做政府工,有人估佢同阿Sa係同行,原來通通都唔係,係"做妹" 至真。加上佢地買樓條數奇奇怪怪, 2萬蚊人工買成300萬既樓,仲要俾一成首期,即係借270萬,咁都過到壓力測試喎 (雖然有屋企人擔保係得既,咁咪又係屋企人囉...)。之後同朋友夾錢買個334萬既工廈單位,佢夾10萬 ,單位升左兩成 ,扣埋雙倍印花稅,佢一個人就賺10萬? 條數點計架? 王梓軒上身咩?!
呢個上車血淚屎系列睇黎陸續有來,大家到時又可以食住花生等睇戲,睇下呢啲教人買樓既「真實故事」有幾真實!
以上篇野唔係我寫,不過我想講0既都比佢講哂了!!

大家明唔明白,點解我成日抽某D BLOGGER呢?如果真係已經財務自由,又邊駛出黎電台開咪?(雖然已被人踢出局)

如果某股票真係咁有價值,你係80蚊買,叫人地140都有買貴無買錯,又有冇問題?

最可笑係,叫你去求死就話幫你求生!真係咁財務自由,就唔係左R右R話自己可以提供顧問服務啦!

你唔好同我講上一輩個D"勵志故事",又話佢收租可以安享晚年!唔通我又搵個8 蚊買匯豐,而家爽到爆0既阿伯出黎咩?又或者講下幾百蚊買金而家萬幾蚊?

此一時不同被一時!!投資講當下!

讀得書多,可格物明德。
死讀書者,咪人講你又信LAW! 

你叫人用二百萬買PLAYSTATION 1?? 真係小心收尾個幾年呀!

我講乜?我想以以下係FB睇到一個小朋友(識佢個陣十四五歲,而家廿幾年青人了。。。)
我就係毒撚,已經過25歲,仲係咪拍拖。
成日係度諗,去到30歲先拍拖只會比人笑。
琴日塔地鐵,連續見到7個學生妹都拖住男朋友,反觀自己中學連拖都未拍過。根本就唔正常。

到你30歲啦,有拖拍啦,咁又點?慢熱被動既你開始慢慢探索女朋友既身體,所有野對於你黎講係第一次,好緊張,但你探索緊既,其實已經被前人開發過。
就好似當人地個個玩緊1手既ps4, Xbox one 既時候,你就走去用左200幾萬買左部2手既ps1, 仲要同人講你買左啦好開心?你話咁樣會唔會比人笑?
好想喊。
哈,阿小朋友真係抵死,可惜佢係黃絲,而我係藍絲。 下面兩句,寫出個班錢又唔多,但又以為自己買中左,滿口歪論認為樓市金槍不倒,好巴閉既得益者如何更涼薄!

仲要同人講你買左啦好開心?
你話咁樣會唔會比人笑?

都係個句,各位0既留言係我寫下去0既動力,近排卦住玩模型,懶左寫BLOG。連今次我自己都覺得COPY文寫得全神過我。。。

10 則留言:

  1. 佢兩個都係FCI Anthony Chung既頭馬黎, 所以塘人都係當廣告黎睇
    而佢地講既只有一點塘人不太認同, 就係夾錢夾DTI Ratio買樓
    是關塘人只是試過同一個人夾錢夾力去開餐館, 就搞到玩埋D權力遊戲, 仲話要同幾件友夾錢買樓?
    咪玩:)

    回覆刪除
    回覆
    1. 原來你知佢係乜,我連佢公司做乜都唔知。夾錢做小生意亦一樣,所以我同老婆不會合。作,只能各有各做。

      刪除
    2. http://anthony_chung_is.mysinablog.com/

      刪除
    3. 男主人睇完呢個Blog可能會仲多寫作題材喎

      刪除
  2. 謝謝分享︰
    當你見過一次,甚至拎過一次嘢,都會應該知道佢地的運作方式。

    只要諗通一個問題,大致上都可以明白係唔咁易。
    "咁易可以財務自由,為咩要教你??賺得你一萬幾千,不如我入市走多一轉仲好?"

    BBQ

    回覆刪除
    回覆
    1. BBQ 兄你講得好0岩.
      所以呢, 佢地通常都會軟銷, 扮係朋友, 扮係自己0既"人生目標".
      更多人, 例如當年買HSBC, 並唔係集團式運作, 不過你又買左我又買左佢又買左, 咪吹大D 等人人落坑.

      同樣, 我好反對教人死慳死抵去儲錢買樓, 要有適當儲蓄習慣, 但生活質素唔可以太差. 皆因買入時機好, 已經唔係咁慳.

      刪除
  3. 多謝博主敢言,等部份人看清這些人表面是分享,但被一眼看穿是自吹的,實質是為自己找好處。

    回覆刪除
    回覆
    1. 你過獎了,我一向講野神憎鬼厭。
      有d 人,例如求死隊長,讀書唔多。而家買得兩三層細價樓就有丁點成功感,學人睇唔起讀過書既人。為左得人認同佢成功,咪講下買樓點好law

      刪除

各位每個留言,係我繼續9UP動力,必覆。

Related Posts Plugin for WordPress, Blogger...