2015年3月13日 星期五

未夠貨的話, 你想升定跌?

睇左幾日跌市, 應該係六七連跌....今日一野反彈.

尤其中資銀行股, D 報紙佬又話有利好消息, 利好都唔係一朝一夕0既事呀!

點解內地要放寬? 梗係知道前途麻麻先會咁...大家又當係好消息? 其實如果利潤唔會係短期見到, 咁股價上升都係大預期黎0既0者.

此刻現金唔夠股票市值十分之一, 簡單之講其實我都幾重倉架.

暫時現金為68 萬左右, 新年洗大左...哈.

(圖為GUNDAM SEED DESTINY 0既曉, 佢特點係唔怕光束攻擊, 不過打機佢條HP 特別少...)


交通銀行月底會公怖業績, 無論咩消息都好, 都救唔到內銀今年只得單位數盈利增長, 如佢唔穿6 蚊, 我點都要忍下手, 因為預計佢派 RMB 0.27 (上年2013 年度派0.26), 要跌穿6 蚊先有5 厘息, 先開始吸引.

同樣, 股價要跌先引到一眾人士, 包括我在內, 去用界王拳!

哈....係咪好耐無人講呢個TERM? 其實即係借錢買野0者...

例如可以按股值七成, 咁你10 蚊野, 可以借7 蚊, 變相HOLD 左17 蚊資產.

如股價唔吸引, 繼續等...股息今年得四十幾萬左右.

如6 月前到心水價位, 股息會有六十幾萬.

係未夠貨0既情況, 我梗係想佢跌....

D 人想佢升, 再按番出去買野, 只因買完會升...非套息效應. (但係佢地又會話係有息差現金流, 相比個人洗費, 其實九牛一毛!)

即使內銀買完狂升, 其實一日你唔賣貨, 一日個LOAN SIZE 都係咁大...要還有排還的.

好多人鐘意GOGOGO! 因為佢地點儲都唔會夠貨, 只要升, 係佢眼中就有錢入袋, 其實口中0既半退休, 咪又係要做, 唔做都係會餓死架...

半退休, 講出黎真係想引人發笑咩!?

見BLOG友飛鳥兄出左手, 小注其實都OK.

我計過, 直到我鋪頭租約完, 我應該可儲現金(正常生活, 唔係個D 捱面包方法) 約323 萬至350 萬. 越遲入貨, 或者佢跌得越遲, 我0既利息開支越少.

如果佢一升升到阿媽唔認得? 咁我其實係重倉0既.

人生就係充滿等待, 我亦期待有一日, 我同老婆可以放手工作一個月, 去一次唔Q PLAN 0既旅行...(男主人鐘意番大陸, 不要笑我CHEAP...)

4 則留言:

  1. 升賣咗又要等跌兼無息;跌先至有入貨價值。

    不過成日聽到一個叫平均買入嘅Term,男主人有咩睇法?

    回覆刪除
    回覆
    1. 懶人TERM 黎0既...或者厄下自己D 貨好平.
      我自己會記得邊一注係蝕, 邊一注係賺.
      唔扣股息, 我平均好似都係蝕緊...

      刪除
  2. 70後兄, 想問下借錢買野,
    按股價7成d息點計法,
    可唔可以講多少少詳情?

    回覆刪除
    回覆
    1. 分好多種,例如駛唔駛還本已爭好遠,最平都3至5厘,未必人人0岩

      刪除

各位每個留言,係我繼續9UP動力,必覆。

Related Posts Plugin for WordPress, Blogger...