小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年3月14日 星期六

貸款精明眼3 之借錢買股

前文

**********************

如借錢買股,其實有好多方法。各有好壞,如果用數冚數方式得宜,其實可以慳息。
(今日又退休預演,去左SSP買相片打印機比老婆,希望佢用多D,個人開心D!)

信用卡借?如果撞到低息就真係可以好低。仲有,因為息口一早定左,基本唔會有咩給動,還唔到?咪變卡數。如果有其他方法可以數冚數,呢個係一個好既拖廷方法。

以前有費用全免0既信用卡套現(迎新計劃)就抵, 而家反而低息環境就無左呢樣野, 真奇怪.

今日想講係兩種借法,都係用股票。

1。股票抵押借貸
例如中銀而家做緊5厘,大額,5m, 都無價講
中信做緊4厘多d, 遇到早期promote 有半年2.98。之後變番四厘幾!
其他銀行,好多都唔做,獅子做六,七厘

以上都係唔駛還本,每月計息。孖展比兩間唔同,最高七成, 中銀好似得六成。

例如, 如果你想買十手匯豐, 而家係65 蚊, 即十手要26萬. 你只要出 78000, 問行借182000 就得.

計一計數, 如不還本, 年息4厘, 每年利息支出要7300, 兩年總利息支出要14600, 留意, 呢個係唔駛還本的!

如你四厘覺得貴,下文可以skip.

2。股票分期

某兩証券行,耀才同一通都提供股票分期,存入實貨或現金三成,就可以借埋剩番果七成。留意, 佢係變種孖展, 要還本的

兩間行都用供樓黎比喻,其實過度安全化左,因為還款期唔係三十年,係一兩年!只係佢都依據息隨本減方法去計0者!只能夠話佢似大額0既信用卡分期!

例如, 如果你想買十手匯豐, 而家係65 蚊, 即十手要26萬. 你只要出 78000, 問行借182000 就得.

計一計數, 如分兩年還, 年息3.88, 兩年總利息支出要7500, 留意, 呢個係要還本的.

息口由2.88 至3.98. 不過要加多1%貨款金額為手續費,同埋係要還本,同埋有限期的,最長都係分兩年。

一通個邊有個好處,就係可以做埋 covered call. 變相可抵消利息開支。

以今日牌價,HKB只要做2016 年三月75 蚊CALL 十張,就可以抵消利息,另額外加股息!

係咪好似好正?梗係唔係啦!如佢再由65跌,你不如遲D買!(廢話)

仲有,如跌到得番兩成按金, 係要補錢的。呢個有點複雜,如簡單計買入第一個月乜錢都未還,咁跌到56.875 就要補錢。但當你按月還錢,就越黎越安全。等我搵日去問下先,因為按股同現金好似唔太一樣。

留意,借錢容易還錢未必。遇到跌市,資不抵債的話,銀行同証券行有唔同寬容度,呢個梗係自己問清楚啦,係咪?

講多一次,借錢要睇自己能力,不是越多越好。此文只係想比無乜經驗0既人了解下。實際情況每人唔同,例如我同時用哂兩個PLAN 去頂,唔通我講哂出黎?

以上只係我投資喜好,請千萬留意風險。

網上SEARCH斬倉,發現此文。。。


"食過屎才知飯香!這是168某師兄說的,幾年來叫幾個最親的親戚買金,只有一兩個聽,且份量很少,這輪股市下跌,他們又是損失慘重,其實這已不是第一次,過去幾年,他們輸了一次又一次,還是死心不悉,我亦愛莫能助,眼白白看著他們輸錢。反而自已所寫的blog鼓勵了一些素未謀面的人投資黃金獲利,有時想起,真是百感交雜!"
當時金價真係好高,成班愛金人士賬面獲利,另一面笑期權加按金結果D玩權人爆哂煲。2011年8月,股票期權災難日,我都SUFFER唔見左60萬。

如圖,2011年8月金價係歷史高位,我估無人肯獲利啦。



今日,金價得番千二蚊左右,大家高追金高位加倉個D應該笑唔出了。細注梗係OK!訓身就真係坐哂艇又無息。。。

我唔係想掉頭笑佢地,只係我想講,投資說話唔好講得咁盡,無人估到大跌市之時邊個無著褲0既。

睇下討論區個班細價收租佬0既言論,是否歷史常常在重演。

話說,我年輕時都以為我每月權金多過人地份糧。。。而家大個左,諗番就得淡笑!

16 則留言:

  1. 70兄, 你好, 第一次留言, 我宜家都study 緊d 銀行借貸, 暫時睇都係有抵押貸款比較好,有朋友講經私人銀行做抵押貸款仲抵…1-2% p.a

    回覆刪除
    回覆
    1. 如果係都幾正。
      不過有冇介紹或邊間,等我去試去問。
      我聽番黎係,佢要你按樓,按出黎要同佢買基金或卦勾東西,即係舊錢唔係任你點用架。

      刪除
    2. 問過最平都要100 萬美金(淨資產) 入場, 不過要買d 咩就要再detail 問

      刪除
    3. 我現在用UBS,USD 2M asset 入場,COF + 1.5% =~1.9x% OD型式。我之前用耀才可R到4%。

      刪除
    4. 你好,如果係asset 咁有幾層樓個d 就有平息了。
      如net asset 我估好多行都做到,一定唔去耀才呢間十九野。
      謝謝有用資訊。

      刪除
    5. 是asset(not net asset),但用樓的話是要像你前面提到"按出黎要同佢買基金或卦勾東西"。即你用樓羅到5M credit line, 你要買番 5M的產品。而該產品gen 出黎的 credit line 則你可以才其他用途。樓他們一般只受USD 1M以上的,LV睇40%。耀才好差咩?佢marketing ,margin rate (4.88%) 等都好像ok,不過葉生好似古惑d。我之前都有投資落耀才到 =p 不過因overpriced 己 take profit 了。

      刪除
    6. 是asset,不過樓的話他們只看HKD 10M 以上的和只給40% LV,也是不用看income。而且如你所說"按出黎要同佢買基金或卦勾東西"。如拿到4M OD line 要買番4M的產品;但果個產品gen 出黎的credit line就無限制用途。

      細股的LV普遍比銀行高;出面0%~20%佢好多都比到30~50%;但若是blue chip就得70%,耀才可到80%。

      耀才我覺得佢marketing 做得好好,華資行我覺得最好係佢。佢margin rate 4.88%都算competitve ; LV ratio 高 (e.g. 3988 80%)、market share 吾錯、行業前景好、係老闆葉生好似古道惑d haha ~ 我之前都有耀才既股份,不過太overprice 賣哂 lu。

      刪除
    7. 原來你個留言比GOOGLE 當左係垃圾留言!
      資訊好有用呢。
      不過,耀才出名仆街,衍生工具按金話加就加,鈠過唔少人。咁無陰公,我唔會用。
      MARGIN其實好多行都做到,我用銀行OD都只係4.25%

      刪除
  2. 正是今日唔知明日事, 所以投資唔可以去得太盡; 第一唔可以借盡, 第二唔可以訓身 XD !

    回覆刪除
    回覆
    1. 對,借盡又無現金或者太少現金備用。而本身人工不高現金流少,當資產價格下跌以及回報降低,就好易爆煲了。

      刪除
  3. 唔知 welend 点借法?

    回覆刪除
    回覆
    1. 額少,息唔算平。
      幾乎不用考慮,講到好似係p2p 其實只係網上財仔。

      刪除
  4. 應該重有費用全免的迎新計劃。
    上年年中幫家人去獅子銀行出cheap cheap 版白金卡(張卡係黑色的), 當時就係咁樣套左現,用左黎買ibond.
    收入低都申請到呢張卡,不過個credit 唔高,而且只能用一次,唔夠星星銀行某張卡好。

    小肥羊

    回覆刪除
    回覆
    1. 如果 credit limit 有幾十個,咁就好有用啦。

      刪除
  5. 最近都無銀行再撩我啦!😫

    回覆刪除
    回覆
    1. 我裝左BLOCK 廣告APP, 以後都無得比銀行撩~

      刪除

各位每個留言,係我繼續9UP動力,必覆。

Related Posts Plugin for WordPress, Blogger...