小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年3月30日 星期一

交通銀行業績2014

各位, 好耐無見.

我又係去左砌高達.

圖中為 GUNDAM AGE-1 (會場限定0既電鍍版, 街從未見過!), 日本 AMAZON 買番黎, 用香港代運公司! (遲D 行文寫下過程啦)

話說故事係日本同香港反應都麻麻, 偏偏我就OK喎! AGE-1 係爺爺操控的, 係一個跨三代0既故事!

幾盒野, 連運費三千! (最左三盒香港無, 淘寶都無!!)

講番股票...

上星期四交通銀行 3328 及 601328 出左業績喇!!

一如所料, 每股營利 RMB 0.9 以下(實為0.89), 股息亦一如所料 RMB 0.27, 扣番稅同手續費同匯價, 約HKD 0.3.

相比其他行, 佢算加得多派息了.

現價買入毫不吸引, 完全無興趣加倉. 佢升爆就沽左佢, 唔升咁又再擺一會.

預計股息 41 萬左右, 即係每個月有三萬四千蚊, 現金全袋, 零負債唔駛比息.

現金達七十萬, 由上年八月份到而家三月尾, 一共八個月, 都儲唔到十萬一個月, 皆因新年洗多左, 哈哈...

現價唔想買貨, 但又未引到我沽貨...離開個市, 玩下其他野把啦~

唔知幾時股東大會, 因今年打算六月尾去上海, 如果就到, 會試下去交通銀行股東大會, 睇下可唔可以同上海大媽爭西餅食!

到時必定要女主人在場, 因為我D 國語只好過古天樂少少....等我好消息~~~!

12 則留言:

  1. 最好有靚女睇好過睇大媽啦:)

    回覆刪除
  2. 我地都唔同級數,睇怕唔知幾時先有34k/月

    回覆刪除
    回覆
    1. 時來運到。可能下年就有。
      唔好咁講。大家肯定係同級,我成日食CHEAP野,著衫都係淘寶(老婆買)。

      刪除
  3. 女主人似吳若希,假如你似古天樂既話,個畫面咪好靚?

    回覆刪除
    回覆
    1. 真心笑左~~~!
      佢只係個髮型同面型似(雖然樣都算OK)
      我只係一條宅男毒七樣。。。

      刪除
    2. 諗住要在大會中發問嗎?

      刪除
    3. 未知去唔去到, 佢過往大會係25/6, 但我26/6 打後才有空....

      刪除

各位每個留言,係我繼續9UP動力,必覆。

Related Posts Plugin for WordPress, Blogger...