2015年2月13日 星期五

舊生會選舉, 多舊魚. (加BLOG 文預告)

BLOG 文預告
14/2 情人節: 尋找蘇眉的故事
17/2 等待論: 股市鱷魚 樓市水魚
19/2 新年比人問搵幾多

話說, 舊生會一向無人理, 我呢D 老野, 一定無人通知. 邊個係聯絡人? 有既, 不過大家事忙已唔會去攪. 攪都係佢地圍內小圈子.

又話說, 無人會理0既選主席, 竟然有老鬼係FACEBOOK 叫人番學校投票....

講到危急存忙咁樣樣, 我八卦問下一位師兄, 原來係, 校長想自己親信做主席.

喂, 有咩問題???

我都略知一二, 自從校長幾年前到任, 勵精圖治(又可解讀為好大喜功), 攪到人人都好忙, 當然, 舊制0既老師實吃不消! 結果, 呢幾年慢慢有老師辭職, 加上樓市暢旺, 經濟好好, 大把人索性唔做啦. 半年前, 阿副校長走黎打探我澳牛生意佢有冇得做TIM....今年佢已辭職.

所謂一朝天子一朝臣, 係咪人人受害? 非也, 過往埋頭苦幹個D, 咪上左位LAW! 我都幾鐘意而家個校長, 雖未傾過計, 但係改變一間頹校0既最好方法就係洗血!

至少, 而家學校網頁比我資訊更多更清晰! 週年紀念典禮有得睇YOUTUBE LIVE STREAM, 仲想點?

個班舊生呢, 好日唔關心下學校, 其實呢D 唔係一日發生0既事. 而家真係週街黃屍 (利申, 我係無錢收0既五毛, 非理性品種), 以為推倒眼中暴君可以改變? 實際上誰是暴君, 誰人攪事, 或未知曉. 至少我唔會鐘意上一任果位乜都唔做0既校長. (哈哈...不是影射, 咁0岩同貪曾一樣)

其實如果班舊生想學校變好, 點解唔出一分力? 拿, 捐錢就得!! 仲可以指定捐去邊個AREA, 唔怕人亂用! 我相信大家都三十幾, 總有人有點經濟能力吧?

至少, 校隊練波, 請教練要學生比錢, 好正常! 音樂都係咁啦, 你睇唔過眼可以夾錢架喎! 到時請邊個你可能有SAY 都未定. 究竟係咪真係咁關心母校呢?

獎學金呢, 個銀碼唔多, 我每年拎獎學金都係五舊水(當年買三盒普通高達模型都無左! 或者食到20 餐午飯學生餐), 最大個份都係會考三千, 唔係學校比的....

雞水咁多, 大家都唔捨得出, 反而咁踴躍去投票, 其實佢地連果位主席有咩用都唔知....唉.

九年前, 我都諗過捐DATA LOGGER 比學校, 一問之下要買埋NOTEBOOK, 一部幾皮野, 傻的嗎? 而家唔駛捐, 因政府每年津貼已夠每年買一部, 累積之下已有好多部了.

情況講完, 其實教我CHEM 個位阿SIR 幾年前叫過我去幫手講下野(男主人強項, 對一大班人講野的話, 有壓倒性洗腦能力), 我都想架, 不過因為工作唔得閒.

相信未來退休預演計劃中, 我會試下.

我亦都開始叫女主人發掘下當佢半退下之時, 自己想做D 乜. 唔駛三分鐘內答我0既, 慢慢諗就會知道自己想點. 我只有諗到, 同佢放低一切去一次無PLAN 旅行, 懷念一下以前.

今晚難得同佢二人世界, 其實, 靜靜地傾下計我已OK! 情人節又到了...又係諗到頭爆都唔知送乜0既時候....

佢生左兩個都仲面尖尖, 似唔似吳若希? 哈~~~~


我自己? 我相信"概念可以救蒼生"

當然, 而家得閒砌下高達, 寫下BLOG 我都覺得好好玩. 事情可以一步一步做, 就會慢慢知道自己想要D 乜.

<各位0既留言同訂閱, 就係小弟寫下去0既動力!>

23 則留言:

  1. 一直都追開男主人既blog,追到呢一篇先知道原來你都係校友. 我輩份細d, 容許我叫一聲師兄!!!!haha

    回覆刪除
    回覆
    1. 師弟, 你能否講番兩三個老師花名,confirm 一下大家無相認錯呢? 因獨裁校長加多事舊生四圍都有啊。

      刪除
    2. 明白,我可以講講前一任咩都唔做果位校長,腹肌好勁。其中一位chem 既老師同香港南區有個地方齊名(赤柱...),踢波ok的, 唔知有無相認錯..

      刪除
    3. 真係師弟喎。你唔介意講下你邊年會考,好大機會你見過我。

      刪除
    4. haha 師兄,應該低好多屆,02年會考的

      刪除
    5. 師弟,你是否田小姐結左婚兩個月的老公? 我識得你個年d 人架。

      刪除
    6. 係wor!!!! ^^ ,有無得pm 相認下,但係照計應該隔左4,5屆ga wor

      刪除
    7. 老婆唔比我add 你,你開你老婆facebook 找找佢有咩老鬼frd. 應該唔難。我足足大你七年。但現實生活曾相遇過,至少你有對我打過招呼的。哈哈。

      刪除
    8. woo, 即係你中七時我仲係form 1仔haha. 打過招呼??唔通你番過黎.....我都係同距找尋下先,嘻嘻

      刪除
    9. Haha. 比多少少提示你,當時你我都畢左業,我又點會認得中一既你。用你老婆fb 掃一次,可能只有我一個符合條件。鐘意就add 我。不過我係藍絲黎架。

      刪除
    10. 呀,form 1 既我甘可愛,竟然發現唔到我....just kidding, haha. 等我再掃一掃先....不同人有不同意見好正常la~~ 唔講甘多住, 情人節要出去買菜煮飯, fd add jor 再pm 傾啦. Btw, 我都覺得師兄你可以番去分享下你d 經驗俾d 小師弟, 增強下佢地d自信心etc

      刪除
  2. 12年時塘人都曾經被請過回校幫好似係最後一屆會考生們"洗腦", 不過被老媽搞幾搞被MISS覺得塘人道德上有問題, 所以被放飛機:|

    回覆刪除
    回覆
    1. 岩岩望返原來係2011年頭係電郵度問, 唔係2012年

      刪除
    2. 哈,你一定有過人之處,先會被邀請番去講talk 既

      刪除
    3. Miss既原意應該係想塘人狗up D勵志既說話, 等個班上唔到中六既Brand 3,4學生對前途無咁灰, 不過如大家所知, 塘人當時既經歷無樣係可以勵志的

      刪除
    4. 可以講下初到美國點適應既,總會對小朋友幫助。

      刪除
  3. 想見識一下 "壓倒性洗腦" 的力量....哈哈

    回覆刪除
    回覆
    1. 阿同學,係喎,你未聽過我講野。
      其實年輕人最易洗。。。

      刪除
    2. 當我見到 "黃豬峰" 一聲令下, 班友就9 衝, 我就明白 "其實年輕人最易洗"...

      刪除
    3. 而家有好多廿幾歲都仲好小朋友頭腦,結果好多人信念強但又比人洗。 漫畫入面就係強力兵器。

      刪除
  4. 我也相信---概念可以救蒼生,,
    用錢只可以幫到一時,,解決唔到一生及下一代,,
    努力,,互勉之...
    cleverpeople...

    回覆刪除
    回覆
    1. 謝謝支持。
      販毒也可以財務自由,但如有其他方法,何苦要用吸血方法以自肥?
      當人人都在自私吸血炫耀,我地呢d 傻仔不禁倒抽一口涼氣。
      睇到90 後長大中,難道要佢地一係加入同流合污,一係移民?

      刪除

各位每個留言,係我繼續9UP動力,必覆。

Related Posts Plugin for WordPress, Blogger...