小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年2月3日 星期二

我的財富累積大道(下)

上集重溫
我的財富累積大道(上)
*****

2011 年八月, 我個囡出世唔夠一星期, 發生左股票期權災難日! 今次唔係賬面蝕了, 因為期權按金唔夠, 要女主人科水(一共科左幾十萬...嘩, 乜女主人一年多D就搵到咁多!), 最後心理上都頂唔住, 賣左部份股票(剛派的紅股)套現! 而家睇番, 唔賣都過到關!

(個囡半歲)


無記錯, 果陣(2011)都係六七八萬左右, 無乜增長因為我真係好懶...當時已經有朋友搵緊三四五萬, 追到上黎了! 經濟開始好, 自由行效應完全發揮! 物業升值亦令人對未來有憧憬, 去消費. 簡單d 講, 股跌樓還升!

2010 近六百萬資產, 到2011 跌到得番三百萬資產, 當時仲要欠銀行二百幾萬....同時入面仲有部份錢係女主人架喎!
2011 年年尾, 屋漏偏逢連夜雨, 我同拍檔出現問題, 要被迫一個月搬走另起爐灶! 幸得女主人幫手, 佢EQ 高同時亦明白其實我一早應該另起爐灶, D 錢無理由要分比個拍檔, 舊錢用黎請個助理都有找...(請個美女坐大比都夠啦!)

(鋪頭的魚缸!圖中係大學時代砌0既魔蟹,十幾年後拎番出黎)

2012 一月, 一開業已經衝過十萬純利! 之後一路還債(其實係借左錢買股票, 當係分期供股都得0既!) 同時, 拆伙後我好好彩, 因好快我個拍檔因做人太串, 被客人暗算報復, 一路官司纏身...否則可能我都會受牽連!!

就係咁, 2012-2013年中, 都係還錢,女主人又再PUMP 四十萬入黎! 後尾又還番D 比佢, 而家欠佢130萬. 呢一刻都未還, 要還就比D 超過130萬0既野比佢把啦!!

係乜? 哈...就係一D 我地好有實力去等佢跌0既野, 唔跌的話, 全港九成人一齊SUFFER....(你買野成本你估無鋪租係入面? 哈....鋪租貴, 我又要消費, 我生意又加價, 你諗住收租? 收埋唔夠加價加幅呀傻豬仔! 你"半"退休打算唔食野唔行街?)

2013-2014年間,估計有D月份衝過二十萬純利!真係做到天昏地暗!

還清銀行, 又買下股, 2013 已經無負債下有五百幾個...留意, 股市依然低迷...

2014 出過兩次手, 令手上股票更多, 欠銀行百幾個, 同年賣出獲利, 變成無負債! 當年收股息46萬.

(RG ZETA GUNDAM!我至愛之一)


2015 一月份, 因股市暴走, 淨資產曾經升過一千萬! 其實, 暴走都唔係升好多, 因為實在呢幾年都好殘價....如果真係好似2007 咁, 增值程度難以想像!

2015-2016 目標係儲番2 百萬, 收兩年息共一百萬.

打咁多字, 為乜!?

1. 等各位知道, 唔同人資金流不一樣, 承受風險能力不一樣. 人地可以越跌越買, 你未必得. 同樣, 人地80 買HSBC 仲話止賺不止蝕, 你130 狗衝去買? 哈哈...例如又有人每次期權災難都爆煲,邊有人一開始跌就向下溝貨!

2. 玩得股, 上上落落總難免....睇下我D 上落, 雖然唔算大銀碼, 以此為鑑亦可. 由...

  • 2005十萬
  • 2007一百萬
  • 2009五十萬
  • 2010五百萬 (有負債)
  • 2011二百幾萬 (有負債)
  • 2013五百萬AGAIN
  • 2014年底一千萬
  • 2015二月又變番八百五十萬!
(STEP ON GIANT SHOULDER! JUMBO GUNDAM 同腳下小型卡碧尼都係女主人買的!)



3. 老人家記性唔好, 第時睇番當REFERENCE。我堅怕老人痴呆。。。

4. 見唔見成日有負債? 因為我有一個(股票價值X0.63) 既 OVERDRAFT 戶口! 唔駛資產審查入息審查乜都唔駛, 兩老婆都係白紙一張無樓宇信貸在身!你高位接貨打算等更高位??收得個市價3,4厘租又唔捨得賣?我真係坐係度等你十年都打得低你喎。。。真係跌你夠唔夠現金呀?要借你又過唔過到金管局要求? 哈哈。。。

5. 女主人, 原來我地已經相識八年了。由未識你個陣我一路都獨軍作戰,即使有女朋友,我都依然覺得係自己一個。難得你咁明白我,又令我覺得我再唔係得自己一個, 時間過去令我地一齊成長了,希望同你往後既日子可以更加寫意,更加特別。



最後寄語,人生路係自己0既,放開一D世俗人0既目光,走一條自己鐘意0既路,一定好過走一條表面安全0既路。


以一首老歌代意,呢首係男主人中學音樂比賽參賽歌曲,哈哈。。。


不相信命運就是天意
平坦的不一定是好!

33 則留言:

  1. 謝謝分享﹗
    你欠你太太的....一世都還唔完架...:D,點止130萬。
    BBQ

    回覆刪除
  2. 成功的女人背後有一個愛佢的男人,,
    財務自由係獎賞,,堅定的目標係必需,,
    感謝分享成功的故事,,
    祝福閣下的家庭都越來越富有及幸福,,
    記得成功左,富有左要對社會作出些貢獻,,
    努力,,互勉之...
    cleverpeople...

    回覆刪除
    回覆
    1. 而家而經貢獻緊,不停寫文,叫大家不要做陰質事

      刪除
  3. 我地試過自己砌高達Z, 不過問題就出在上色個度:|

    回覆刪除
    回覆
    1. 我都唔上色,素組only
      有部份有心機會畫線

      刪除
  4. 搞左一場大龍凰,原來係為左向太太傳情,So sweet~
    的確,能遇上一位明白自己,又願意甘苦與共的實在難得。
    你的故事讓我體會到,無論順或逆,有另一半支持就是繼續堅守的最大動力。

    多謝你的分享!

    回覆刪除
    回覆
    1. 謝謝支持,有個伴支持係會有動力d.
      但一個人既時候就會大膽創新d.
      各有各好。

      刪除
  5. 股市過山車, 最穩定還是盤生意 :)

    回覆刪除
    回覆
    1. 最穩定係打工。
      如上上落落週期又唔長,好過週期超長個d 呢

      刪除
  6. 你個女隻眼好迷人呀 眼大大 水汪汪 大過真係不得了

    回覆刪除
    回覆
    1. 你好,謝謝支持。
      佢大個左d 相係其他文章有。
      到現時為止,佢矢keep 住係靚底既。大個就好難講

      刪除
  7. 70後兄,
    如果你要擴充營業,
    記得單聲請我黎幫手啦!
    另外,我最鍾意都係Zeta Gundam,
    同其他高達比係與別不同既。
    最後就祝你同女主人加埋小朋友都繼續咁幸福啦!

    回覆刪除
    回覆
    1. 謝謝支持。
      嘉美尤個種憂悠寡斷既性格,仲要溝到女,真係恨唔到。
      擴充就不會了,縮減就有可能。

      刪除
  8. 坐過山車咁,不過現金流咁強,贏哂

    回覆刪除
    回覆
    1. 其實無現金流,都可以以戰養戰。
      用股息還債,好過收租架。

      刪除
  9. 多謝男主人的分享,投資既事真係個個人都唔同,沒有一個方法係完全正確,要視乎自己的處境而制定。另外,搵到個適合自己的另一半都真係好重要。

    回覆刪除
  10. 多謝分享。精采的回顧,

    回覆刪除
  11. 喜歡你的故事,繼續落去,還會更好看。

    回覆刪除
    回覆
    1. 謝謝支持,你剛有新成員,又要再plan 過財務自由之路了。

      刪除
  12. .(請個美女坐大比都夠啦!) 呢個比女主人見到會唔會扭耳仔?

    另外你個股票OD戶口係咪仲係中信銀行? 息口又點計?

    回覆刪除
    回覆
    1. 是中信。息口網上睇吧,去分行問下有冇promotion.

      刪除
  13. 又有留言比google 食左
    匿名人士
    對唔住,失禮講句,如果太座無錢支持你,你早就因為期權而虧大本嘞。

    你話80後求生隊長唔厚道,無錯,佢的確有自己既問題,但佢至少講左一樣正確既野,就係買股票期權如果無錢backup,多半輸多贏少。為何只睇到人地既缺點,而睇唔到人地講既事實呢?

    回覆刪除
    回覆
    1. 我都回覆你,放心
      我無提到既係,如果無我老婆幫我,我會更快唔夠按金。結果我會更早被迫平倉,咁會點?
      我蝕少三分二既錢。無錯,你睇係佢幫我,其實反而害左,只係我無講,亦無謂講。
      80後求死呢,正如一眾收租初哥一樣,識少少又唔係見過咩風浪就扮專家,無論收租同期權都係,只有一知半解,仲走去話教人。
      比人揭穿佢無料,都幾樣衰架。厄80 90 後班無腦就得。
      我估果條求死卒仔,連期權戶口都唔知有冇,你見佢咁強調講辣招令人買唔到附加物業,仲講足n 次,就知佢實力如何。
      有時事實又唔駛講哂出黎既。

      刪除
    2. 你又比人食留言...

      謝謝回覆,當然我唔完全認同隊長,但我覺得正正係因為佢同我既諗法有唔同,所以有參考價值。放下自己既固有思維,睇下人地做事背後既邏輯,我覺得對自己有幫助。可能我多事,但我真係見過炒股票炒期權輸左既人,下場慘過97年買物業住既人。佢炒賣民生野未必係好,但「有錢就應該買個單位住」依點我係贊同的。

      刪除
    3. 97 當年無期權, 無得比較
      但以槓桿程度比, 一定樓大獲好多. 回氣都無咁快.
      拿, 有錢係咪應"而家"買物業自住? 各有所好, 不過我想講呢, 最表面上安全無煩惱0既決定, 往往係最壞0既決定.
      互相參透下啦.
      無錢0既, 買左咁就一世了....連換樓都無機會咁濟

      刪除
  14. 想問下點由十萬短短兩年升到一百萬

    回覆刪除
  15. 好鐘意你最後兩句...真係令我反思好多....thanks...

    回覆刪除
    回覆
    1. 實迷途其未遠.
      生命無TAKE2, 幾大乜都試下呀!

      刪除

各位每個留言,係我繼續9UP動力,必覆。

Related Posts Plugin for WordPress, Blogger...