2015年2月23日 星期一

外母的投資 -- 佢退休了

舊文重溫
<外母的投資 -- MPF (2012)>


(再次祝大家, 心想事成!)


先講講外母工作, 佢只係一間連鎖店店中既中層, 大約係麥記經理咁上下, 不過人工唔過萬.

佢應該係果度做左廿年未夠, 但點都夠十五年了.

佢係97 年前0既新移民, 無拎過綜援, 由唐樓劏房等到公屋而已. 多年來一直靠自己. 

佢老公即我外父, 是一名唔做野, 但做緊男人最筍0既工作, 就係食軟飯. 聽聞 佢久唔久幫人做下散到唔散0既工作搵零用自己洗. 佢係正宗香港人啦, 咪又係頹下頹下.

佢個兩件, 一件係女主人, 一件係女主人阿哥, 邊個話移民D 仔女一定又係拎綜援? 相反, 好多頹廢本港老坑先食政府. (經典例子重唔係果件"玩輪員"用傷殘津貼買股? 唔知仲有冇人記得佢)

言歸正傳, 外母五十出頭就辭工退休, 並唔係咁簡單.

1. 佢個仔個女(即係個孫), 常常被父母忽略(好心做愛就戴套啦), 現已K2, 開始要人跟功課, 佢阿媽似乎唔多理佢, 佢老豆(即女主人阿哥, 細我兩三年)都係無乜責任感. 講多一次, 記得帶套! 又一個奉子承婚例子~

2. 女主人上年身體差左, 外母想幫輕下佢

3. 得閒過黎幫我地睇下兩個小朋友, 又幫輕下我阿媽同我老婆.

4. 工作上店長講野太多骨(你話, 有錢就唔駛等八號風球, 又唔駛DUP 低頭為五斗米啦~)

當然, 一唔做野, 佢都無現金流維持生活, 結果就係男女主人齊齊加家用, 其實都OK. 外母都打算做PART TIME, 不過我覺得, 世事又邊有咁美好?

如果大家有睇文頂個條LINK, 你會發現, 佢仲有一份每年供五萬蚊的銀行基金計劃(其實我都唔Q知係乜). 咁佢而家點供?? 對我黎講, 都係一個謎!

當初佢會供, 因為我男女主人家用(佢個仔失時夾萬唔係成日比), 佢份人工, 以及台山層樓收租, 三種現金流足流供會有突.

而家無左份工, 點供? 點供? 真係無人知幾時會失業, 又或者男女主人水喉無水, 咁點算?

有時D 野就係咁, 要慢慢供0既野, 
真係咁易比你供完?

我個保險AGENT 有番咁上下年紀, 97 年佢做廠的生意人(佢眼中我的澳牛生意算得係乜?) 佢同我講, 當時幾層樓收租, 不過突然間人人都唔租, 股票又失利, 結果焗住賣樓.

而家出租要五成按, 不過好多係BLOG 上也文也武0既, 都係09 年買, 當年七成按. 姑勿論幾多成按都好, 只要租客唔租, 一樣有資金斷裂問題.

再者而家五成按個D, 本身回報已經唔高, 再要自己出錢供, 唔係蝕錢問題, 係機會成本問題喎.

又要再講多次, 政府出招令新手同年青人上唔到車, 呢個絕對係好事!! 好多ON9 收租BLOG 仲笑政府出錯招! 其實明眼人就知, 而家應該上車? 應該窮兩口子加埋三萬幾蚊收入去供阿婆樓?

好多收租仔揶揄班無錢0既人收入唔高就唔好買樓! 其實更錯, 如兩公婆加埋兩萬幾三萬, 其實係應該有一個合理又合適0既家.  至少個呎數可以有小朋友先, 如果而家入市, 之後樓換樓, 其實一樣換唔到.

我以前覺得, 我都算收入OK, 基本上可以同樓價鬥長命(股息由追到樓價, 而家到追過樓價了...), 而家呢個情況, 基本上係可以人人同佢(樓價)鬥長命! 供應會減少? 經濟會一路好? (睇下澳門) 自由行一路只會增加? 最大誘因係90 後已陸續浦頭, 呢個計時炸彈又點會唔理?

仲有, 要人做苦行憎儲錢買樓個D 更白痴, 我都好慳, 但係想要買0既野, 無理由為左層阿婆樓而忍手! 你當年窮慳買樓係你0既事, 而家樓貴你叫人窮慳, 真係因住收尾個幾年, 同埋小心無仔生....

講咁多野, 我都係想講,  三頭火車現金流, 如果靠槓桿做出黎, 好易變三頭龍反咬自己.

今年已經少左人洗錢, 你感覺到嗎? 開始有人發現紙上富貴非真富貴, 一樣要比錢生活, 一樣要比利息0既! 又睇下誰一可以笑到最後, 又有邊D 人無著底褲落水, 又有邊D 人跟本無落過水但係不停叫人落水求死?

22 則留言:

  1. 投資大迷信吧,

    好多人(指香港)覺得磚頭好過儲蓄利率, 所以就好多人走出黎教人用買樓當儲蓄, 理念是因係有租客幫手供埋份本金, 不過都係個句錢袋唔到落袋既又點計到係錢?

    玩咩都好都要睇時機吧, 時機不對的投資就肯定要交學費來換經驗, 不過迷信當然會朦住好多人對眼.

    PS 男主人有這種Brother(in law)生左又唔理都係害到下一輩吧:|

    回覆刪除
    回覆
    1. 又未算害到下一輩,佢地係唔齊心0者。
      仲有唔少人睇住個細既。

      如真係咁好回報,銀行自己做左啦,仲留番比你?

      刪除
    2. 因為銀行本身係無錢去做, 佢就只能夠借錢去俾人做, 然係係債仔唔掂個時收埋個件資產再賣俾其他人

      刪除
    3. 咁就好多有錢人做, 幾時到班十九細戶去做?

      刪除
    4. 大有大食, 細有細食啦, 等同賭場有一蚊機, 都有五仙機一樣
      細戶學你咁話就只能夠做埋個D十九細價樓啦

      刪除
  2. 謝謝分享﹗
    先祝版主身體健康,新年進步。
    BBQ

    回覆刪除
    回覆
    1. Bbq 兄,祝身體健康,財源廣進。
      謝謝支持。

      刪除
  3. 時下真係好多生左唔理既父母,後生果輩都有唔少..唉..anyway, 祝師兄羊年進步,再搵多d, 最緊要身體健康。

    回覆刪除
    回覆
    1. 你老婆應見唔少。
      你可能係唯一一個知道藍海小生意係乜既blog 友。
      祝你早生貴子。

      刪除
  4. 恭喜發財, 身體健康, 萬事勝意, 小朋友快高長大:)

    最緊要無債一身輕, 月月又有足夠的現金流 !

    回覆刪除
    回覆
    1. 祝你身體健康,青春常駐。
      現金流真係咁多年都未停過,哈。

      刪除
  5. 供基金或供保險其實是債來的, 富爸爸說 !

    回覆刪除
    回覆
    1. 富爸爸都只係某領域發左既人,以錢唔多既人黎講,保險係好有用既安全網。

      刪除
  6. 70後兄,我諗妳外母都係諗住靠你兩口子加家用。
    另外,小心外母無野做,會多左麻煩事。

    回覆刪除
    回覆
    1. 好在你外母有幾個孫,
      如果得一粒孫,
      就可能同伯有爭孫湊啦!
      呢樣係其中一樣。

      刪除
  7. 兩兒童父親,你吋OK,涼薄可免,謙厚小小更好,出面每人情況不一,多點同情!

    回覆刪除
    回覆
    1. 匿名朋友你好, 就係每人情況不一, 如利用民生以及比較遲入市0既中等家庭所需黎吸血, 黎搵錢. 更涼薄更不厚道.
      個班細價樓收租仔得個兩三四五個細價樓係度也文也武, 真係祝佢地長命百歲但百病纏身, 亦祝佢地絕後
      無人敢講, 我敢講! 就正因為一夥同情心!

      刪除
  8. 恭喜發財,祝你,龍馬精神,心想事成﹗
    "玩輪員"呢個歷史人物你都仲有印象?樓主真好記性﹗哈哈

    回覆刪除
    回覆
    1. 哈哈, 恭喜發財, 祝你今年搵多D!
      玩輪員唔知而家點呢? 我初玩股票都重見到佢...而家已消失左

      刪除
    2. 大家咁話啦~~~
      其實經歷左一、兩個週期,好多人都退出左,我都係初初有見到佢個名,之後過左國壽大升、大跌個期之後,就無咩見到佢地啦........我記得佢成日好似個世界欠左佢咁~~XDDDD
      見到樓主仲有出品,真係好似見到識左好耐好耐既老朋友咁開心﹗

      刪除
    3. 威威哥你比人食留言....
      大家咁話啦~~~
      其實經歷左一、兩個週期,好多人都退出左,我都係初初有見到佢個名,之後過左國壽大升、大跌個期之後,就無咩見到佢地啦........我記得佢成日好似個世界欠左佢咁~~XDDDD
      見到樓主仲有出品,真係好似見到識左好耐好耐既老朋友咁開心﹗

      刪除

各位每個留言,係我繼續9UP動力,必覆。

Related Posts Plugin for WordPress, Blogger...