小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年2月20日 星期五

新年比人問搵幾多?

先了解BLOG 主男主人多一點, 以下可作申延閱讀

"而家做緊咩工?搵幾多錢?"

認真,男主人性格絕不好惹,從來無乜人敢問過呢個問題。
問得0既, 一係傻0既, 一係初相識, 一係就係長輩。

當然,d 人問黎都係想比較下。

重申一次,男主人工作乃一片藍海,唔係一般正常小生意經營方式,不過亦都唔係咩特別野,只要講出黎,對方就會好似自己好識咁同你溝通,重問好多低B(至少我眼中係)0既問題。

結果,我阿媽比人問既機會遠遠大過我。d 婆仔,師奶最鐘意就比較呀。細個比成績,大個咪比錢/前途。而家可能比下有幾多層未供完0既收租樓,可惜我想臨老有過好結果,從不奪別人生活需求以自肥。

或者我阿媽都唔係好知我做乜,又或者怕講出黎失禮人啦,所以咁多年D街坊好似都唔知我係做乜,見兩老成日去飲茶又唔會唔夠錢洗,都估到景況不會太差吧。

男主人工作就如執紙皮,外行人看似僅夠糊口。(我亦發現討論區中紅海個班真係可能搵得唔算多,但總好過一般打工仔0既)

問得我0既長輩,好多都係內地的親屬,佢地上面都有呢D野,不過都係想像唔到係點。通常同佢地無乜兩句,最多都係問間鋪係邊,又或者搵唔搵到錢。

"OK啦,搵兩餐"就係我0既官方答案。我估除左我老婆我阿媽同我阿婆(已不在),我都唔會講實際數字出黎。

如果係朋友,真係朋友個D,我唔介意話佢知0既。我唔怕佢眼紅或中傷我,因為佢地都知道呢份執紙皮工作係要個人有特質,模仿唔到的。否則,行家又點可以做到咁串玩趕客?

無錯,紅海唔止我一個去到,有唔少老前輩廿年前已開始做。否則,我又點會話似澳牛茶記呢?

八、九年前我曾經講過我收入比我表妹聽,點知好快就出事,傳到其他人口中了。當然,最後都無人敢開口向我求証,更加無人問我借錢。(我阿媽係我仲係小學雞0既年代,不停比人問借錢,借左到而家都未還,亦為佢四兄弟姐妹不和種下禍根。)

自從女主人0既小生意開始左,變成左我0既煙幕,大不了講佢份生意出黎,明白做乜0既人又多,仲以為好好搵!(男主人其實搵得更多,不過每次比人問長問短真係好煩。)

過多幾年唔Q駛做,再比人問,點答?哈哈哈!

熟0既,話佢知收息過活(強調不是收租)
唔熟0既,話佢知我食老婆軟飯。(佢暫時都仲好鐘意自己盤生意。)




各位留言係我繼續9UP落去0既動力!
在此祝各位新年進步,
夠貨0既就升,
未夠貨0既跌番幾次大把機會入!

18 則留言:

  1. 十卜繼續 9 up, 新既一年揾多 d , 早日唔駛做坐係度有息收.

    回覆刪除
  2. 回覆
    1. 謝謝支持。
      財源廣進,大家咁話,祝你2015 回顧成績更好。

      刪除
  3. 食老婆軟飯呢句好好用, 抄左袋住自己用先XD

    回覆刪除
    回覆
    1. 呢期好多金句,例如我有自住樓,幾霉都好,輸人唔輸陣。

      刪除
  4. 70後兄,新年快樂!
    如果係真朋友,會羡慕但唔會妒忌,
    佢地見你搵到都會替你開心。

    回覆刪除
    回覆
    1. 言, 祝你15 年快快升職跳POINT!
      班朋友都係識於微時, 有D 都已經好事業有成了.

      刪除
  5. 羊年快樂
    食老婆軟飯。我單身用唔到,要諗諗點答

    回覆刪除
    回覆
    1. 羊年搵多D!
      單身快D 搵個伴~~~~!
      應該你比人問有冇拖拍0既機會大過比人問工作同金錢喎!

      刪除
  6. 70後兄,新年快樂, 財源廣進!

    回覆刪除
    回覆
    1. MAT, 謝謝支持.
      亦祝你身體徤康, 心想事成!

      刪除
  7. 新年快樂 ,繼續出多d財技

    回覆刪除
    回覆
    1. 多謝支持,祝財源廣進。
      羊年希望羊群減少。

      刪除
  8. 我都想有軟飯食呀......

    祝身體健康..

    回覆刪除
  9. 70後兄,祝你早日達成目標,過理想生活
    非常喜歡你的文章風格,繼續9up吧:p

    回覆刪除
    回覆
    1. 大家咁話, 理想生活唔一定要好富有. 只要解決正常生活支出, 生活就可以從心所欲了.
      謝謝支持, 亦祝你羊年身體健康, 財源廣進.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...