小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年2月17日 星期二

等待論: 股市鱷魚 樓市水魚

圖為今日砌好0既蝶影卡碧尼, 買唔到駕駛員, 買佢架機...係咪影得好靚?

男主人鐘意高達, 正常第二女主角都會錯手比男主角殺死....

  • 難得GUNDAM BUILD FIGHTER 只係模型打交, 唔駛死0既.
  • 亦一如以往, 駕駛卡碧尼0既, 都無好下場....
  • 例如因家族榮譽要同初戀情人決一生死
  • 例如被人操控....
  • 再被人複製又要操控...
  • 直到呢一集, 依然係比人操控. 最開心0既係, 佢終於可以同佢心愛0既人番番自己0既世界生活!

講番股市, 拿, 講明先, 我乜七都唔識架, 輸左唔好賴我, 大家現金流不一樣, 請慎重控制注碼!!!

A H 股差價又細左啦, 當兩者再接近D 0既時候, 你估會點?  A 股又彈番上去? 定係雙雙皆跌? 有人話, 大戶一定要上水食糊, 食完再潛水0既.

我又唔係大戶, 只能一年出兩次手, 亦只能認為大部份人都蟹左, 又無乜人敢買, 先會去出手. 若然無呢D 機會? 唔緊要, 仲有下年同下下年! 越遲出手, 我現金越多, 咁樣利息只會更少.

放諸一切皆正確, 樓會否繼續升? 90 後就黎長大了, 如繼續升, 會成為另一計時炸彈. 供應無上升到咩? 等得0既不妨再等, 樓價未必跌, 不過現金是王道, 唔買樓可買股, 唔買股, 買港府債券唔得咩?

手上持股呢, 睇住佢每跌一D, 我要動用去買股0既資金又慳多D. 而家真係想佢跌多過想佢升! 無錯, 我係未夠貨.

睇唔睇到,如果你想買一樣資產, 又未買夠, 你想佢跌定升?

梗係想佢跌啦, 你想佢升, 一係就你已經無能力再買, 已用盡注碼; 一係就你想TUM 傻仔同你一齊買一齊死; 再唔係, 你係傻0既!!

任何人, 都想吸到夠佢先升架MA, 又點會好似求死隊長咁叫人買細價收租? 個價係不停升, 但係升得黎, 佢自己都買唔到喎! 定係佢只係得兩層又想一齊吹大D 吹大D?

股市, 一年可能有三兩次上水機會, 貪心D 其實可以獲利再賣股還借貸部份, 讓錢回巢. 當然, 我無乜資格咁講, 因為實際操作經驗唔多. 大家聽下好喇...

又再講下, 有D 股票, 每年都係派息前跌一輪, 唔知今年仲會唔會係咁呢? 還是專心工作吧.

樓呢, 可以咁睇...

如果終極BUDGET 係400 萬, 而家留40 萬首期就夠了(雜費自己計)
如果終極BUDGET 係600 萬, 而家留180 萬首期就夠了(雜費自己計)

有呢舊錢, 進可攻退可守, 何必咁早搶D 阿婆樓?

女主人去美孚睇醫生, 講我知美孚其實好殘舊, 賣到呢個價錢, 你覺得你0既人生住太古城, 美孚, 好美滿? 唔係下話....

搶左阿婆0既, 有幾多結左婚先買? 有幾多買左先結婚? 因結婚而買樓0既購買力有冇被透支? 同樣, 如收租回報稍再下降又會點?

若然你同男主人一樣, 係可以選擇唔買股/樓0既, 又係等得0既, 何必急於一時半刻?

11 則留言:

  1. 美孚太古第一城等等既樓晨早十幾廿年前已經有人入哂貨, 塘人既中學同學而家為結婚先至以400幾萬9成買入, 塘人聽完就話佢條數唔係咁去買, 點知佢覺得塘人叫佢唔好去結婚咁款.

    回覆刪除
  2. 我係澳門人,D樓真係貴到離曬譜,但不能否認澳門人富有左,防守力強左,都幾守得下,唔會輕易減價。
    至於股票現在大部份都保持有5~6%息率,我覺得算高,除非大圍經濟環境差,否則我覺得係牛市在後,現在當然希望股價能再跌,但就係跌唔落,唯有等等,反正半隻腳都差左落水。

    回覆刪除
    回覆
    1. 當主要支撐澳門經濟0既行業不如以往, 大家人工仲有冇咁高去供樓? 不如又睇下未來會點?
      香港都仲叫做產業多種類少少...
      好多人因為差左隻腳落水, 結果做左傳教士.

      刪除
    2. 所以我幾時都話要居安思危,好景既時候要儲彈藥,賭收唔會一年比一年高是常識吧

      刪除
    3. 經歷過跌市就知, 儲彈藥迎跌市係唔WORK 0既....哈哈.
      樓價一年比一年高也是常識, 但真係常識? 定係講出黎自己安心D?

      刪除
  3. 其實買唔買樓,我覺得都係睇有冇需要同有冇能力,有需要而有能力既,買亦未嘗不可,始終無人知道樓價幾時先跌。可惜依家唔少買樓既人,一黎唔係真係有需要,例如好似要多d私人空間,二黎無能力,首期要家人幫既已經係力有不逮,咁樣都要o係呢個時期仆入樓市,我就有保留啦!

    回覆刪除
    回覆
    1. 住屋需要就一定有㗎啦,當好多人四張前要結婚的話點都要有塊瓦片去遮下個頭;但係塘人只覺得四百幾萬做九成上一間阿婆樓,然後個個月供佔自己入息成四五成係好貴;仲要唔好忘記亞洲地區結婚唔花幾十萬擺酒會被人笑到臉都黃。

      刪除
    2. YIN, 果班人真係最慘...不過教佢地咁做果班都唔會有好下場0既.
      塘人兄, 唔買可以租架. 不過好多人覺得唔抵, 其實佢份錢去左其他投資, 以現時咁睇, 高過樓價將來升幅應該唔難.

      刪除
    3. 男主人兄應該好明白某些唔係好搵到錢既人既心態:[車, 我搵唔多樓又老, 但係勝在有自己樓, 起碼輸人唔輸陣;租屋?! 點解要益班地產霸權, 租完又唔X會係自己, 仲好租人屋係親朋面前好X無面!]

      刪除
    4. 喂, 正喎呢句! "輸人唔輸陣, 我都有自住樓"

      刪除

各位每個留言,係我繼續9UP動力,必覆。

Related Posts Plugin for WordPress, Blogger...