2015年2月10日 星期二

靠老婆達到財務自由?

(老婆入院身體檢查,網誌又脫期了。抱歉。)
見有留言提到,如果唔係我老婆,我d 期權及正股已瓜左。

其實。,有好多事實又唔駛講出口,例如無佢泵水,我會更早平倉,會無咁泥足深陷。蝕少三分之二。

新買兩個模型。Try Burning Gundam


同樣地,如自己仲係單身,已好似某些blog 友咁單身慳慳地自由。我應該唔洗慳tim.

乜d 人娶老婆係為錢? 為左佢可以同你一齊涯去供阿婆樓? 娶老婆梗係娶個靚架啦,錢? 唔係下話? 你有樓1234但無女? I am so sorry. 乜兩者有關係咩? 錢可以搵過,樓可以買,但樣子同質素,係一世的。你明嗎?

現實認識我兩公婆既人,包括我外母,都以為女主人搵得多過我。咁又好正常,d 人以為執紙皮搵得幾多? 我估好多時我搵到佢一倍以上。

(女主人應該都搵得多過一般公司做管理層以上既)
真正可以靠老婆自由既,我識得一個,而家真係生活得樂也悠悠。當然,老婆依然要做既,可能係所有男人既終極願望。

刻下如果我由得我老婆做,我都可以樂也悠悠。不過我目標係兩公婆一齊to be free .

仲要努力努力。

後記: 小弟不是富人,亦不是成功人士,只是香港默默耕耘既一個人。故非常睇少個d 淨資產又唔夠我多,負債一堆但靠吸一般市民血去還個d 收租初哥。

(當佢地恥笑緊政府辣招令人更難上車,其實目的就係叫佢地唔好上車住啊傻仔。)

佢地大大聲講富人會點點點,其實佢地根本唔富,可能亦未接觸過真正富人。

呢d 井底細價樓收租仔,窮得只淨下報應,只能祝佢地臨尾長命百歲但百病纏身。

14 則留言:

  1. 真正靠投資達至財務自由的人我也見識過,他有很多物業收租,但他不是靠收租來維持現金流,所以可以很平租給那些需要幫助,而他又覺得值得幫助的人。出外買東西,尤其是日常用品,他可以一口氣買很多,但不是自用的,他四處送予有需要的人。
    我看見他這樣做,不禁甘拜下風,由心而發的佩服他。暗嘆一句「好型啊!」
    他算是「財務自由」的真締嗎?

    回覆刪除
    回覆
    1. 1 先回應你個case, 此人應上電視,至少上到濕九atv 個d 感動香港。香港班中年青年收租初哥並無此境界,夏蟲不可語冰。
      2 閣下對財務自由有曲解,可能受傳媒渲染太多。只要能維持過住生活,便成財務自由,不是一個絕對值。舉例,一條友住公屋每用洗一萬,理論上240 萬資產5厘已夠。過左呢個數突出黎也可幫人,關收租咩事?
      3 你有再多錢,只能救一代人。錢只可幫助人,概念可救蒼生。唔知你又明唔明呢?
      4 希望憑3,你會明白點解我會不屑呢班收租仔。
      5 另可行文再講既。

      刪除
    2. 香港依家的確好多後生買了細單位出租而非自住,搞到好多真的有住屋需要的很難上車,這群人真的好PK。

      刪除
    3. 呢班仆街後生仲要好自豪自己做左D 非常自私0既事.

      刪除
  2. (對號入座 mode)

    "你有樓1234但無女? I am so sorry." 睇到呢句真係喊出來 :'(

    回覆刪除
    回覆
    1. 咪玩,你係外國,仲要咁後生。
      我係指70 80 後,無乜學識,工作又無地位,女又溝唔到,只能話自己有細價樓1234,誰不知加埋都唔夠人一層假豪宅。。。

      刪除
  3. 係香港地,有錢唔使真係好痛苦嘅
    琴晚係蘋果度聽到有家長狂按自住樓俾啲後生上樓
    然後湯文亮又出嚟講三個月後爆煲
    男主人點睇?

    回覆刪除
  4. 對於某某隊長,我就未有資格批評,
    始終如果佢真係o係適當時機買左樓,
    再加按再買,財務進程的確比好多人快好多,
    起碼快過我唔少。
    而佢o係網址係咁睇好細價樓市,
    所謂既理據我就有所保留,
    例如講到QE無敵,
    咁點解黃金,油價又係咁跌,
    日本樓又無得升,
    當局者自然搵好多理由去支持自己,
    正如我成日搵理據去支持自己既持股咁,
    咁d人選擇去信佢,
    升定跌都係佢地自己要承擔。

    回覆刪除
    回覆
    1. 你有d野無留意喎。
      如果咁有,又駛乜向blog 友提供顧問服務?
      呢條友從來無proof 亦無講係咪有三四五層。
      我估可能只得兩層。
      又要扮大支野,同當年火x森一x樣。

      刪除
  5. 路過留言, 一句潮語道盡: 風大時豬也會飛。
    正如07年全民皆股神一樣... 路遙知馬力!

    回覆刪除
    回覆
    1. 極對。當年中字股幾勁。
      你睇買重中人壽果個blog 友? 已經消聲匿跡了

      刪除
  6. 呢位朋友又比人食留言....

    「(當佢地恥笑緊政府辣招令人更難上車,其實目的就係叫佢地唔好上車住啊傻仔。)」
    不是的,「政府辣招令人更難上車」既理解應該係:This is a fact. 事實有什麼值得恥笑?而且版主為我一句評論而寫一篇blog文,實在太抬舉我。係唔係靠老婆救命,自己自然心知,就算靠老婆求命,so what?證明有個好老婆姐。講一句就令blog主嬲到發文大平反,值得為咁少事動氣嗎?就算blog主有百萬年薪,對唔住,請修養品德。

    回覆刪除
    回覆
    1. 1. THIS IS NOT ONLY A FACT.
      2. 咁你又唔好睇到自己咁大...其實塘人兄網址比靈感我的. (你睇下佢講佢某個阿叔定阿伯), 身邊亦識人食軟飯, 但自己就肯定唔係, 只能夠說, 各有各搵, 大家免後顧之憂.
      3. 我有儲文習慣, 好多時D 文唔係最UPDATE, 一早預左要打呢個系列, 亦遇左有人有呢D 反應.
      4. 我一日鬧人鬧到黑, 絕不手軟, 日日HYPER, 性格如是. 有冇品德唔一定係你講個種, 你覺得我動氣, 其實我好ENJOY. 否則唔會覆你啦係咪?
      5. SORRY....係年薪二百萬.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...