2015年2月6日 星期五

我可以唔撈嗎 8

玩野之作,經典重溫!
我可以唔撈嗎 1
我可以唔撈嗎 2
我可以唔撈嗎 3
我可以唔撈嗎 4
我可以唔撈嗎 5
我可以唔撈嗎 6
我可以唔撈嗎 7
*****

星期六比客激親, 實屬少有.

連帶病埋, 今日星期一已經出哂病徵, 好彩唔覺今次流感有燒, 只係頭痛同鼻水, 咁呢D 打我唔低0既.


去到我呢D 年紀 (3X), 呢D 經濟環境(唔係有錢, 只係慳儉), 無理由要忍受呢D 委屈! 再者, 個生意係我自己, 100% 自主權喎!

昨日即發最後通牒, 趕客! (上年度只發過一次, 今次四連發...)

我估, 今時今日, 我0既澳牛炒旦枝術已經係呢個小小藍海生意群入面, 所向披靡. 市場上應該搵唔到代替品, 更睇到隔離藍海有客走黎問(乜真係咁罕有?)...

我同隔離藍海D客講, 要排都排唔到, 因為後面條隊多到我租個多鋪番黎做都得. 咁講唔係想串佢, 只係唔想大家無謂糾纏, 亦唔想佢地有憧憬, 以前有人一等五年都無貨比佢...勁唔好意思.

逐客令一出, 嚇到佢地即時WHATSAPP 轟炸我(求情), 當然, 最後都無逐客.

我只係講野串, 但對佢地, "凡事留一線", 會好好多. (我舊拍檔呢樣野就做得好差, 以為自己可以獨步市場, 最後比人報復更多....

每次比人激再加埋病, 我就變成溫室小花, 想唔Q 做.

(我想買呢隻"雅娜", 比女主人話我毒...佢係蝶影卡碧尼駕駛員啊)



如果我而家唔做, 得唔得呢?

以淨資產回報計算, 股息40 萬, 已經可以COVER 父母, 住屋同小朋友. 自己? 靠老婆, 生活何其寫意? 哈哈....

其實我爭幾千, 當夠一萬, 現金流, 已經可以唔做UN UN 腳.

以股息6% 計, 即係要多 200萬資產
以股息5% 計, 即係要多 240萬資產
以股息4% 計, 即係要多 300萬資產

240 萬, 兩年時間無難度, 現持有現金60 萬, 正以每月十萬八萬增長中. 仲要係唔駛受老闆氣0既工作. 我承認, 我係溫室小花, 唔想承受任何挫拆同委屈, 咁又點?

正因為係咁, 我先利更想避開打工生涯, 用我長處去做小生意, 更夠膽去做其他普通人唔敢做0既野. 

溫室小花想繼續做小花, 乜人生一定要承受風吹雨打0既咩? 係唔係睇得TVB 太多? 

道理正同, "如果樣靚, 性格港女又如何?" 一樣有好多男人溝佢...最緊要識揀.

希望你第日都港女得起啦...



不過, 你睇過 <我的財富累積大道(上集) 及 我的財富累積大道(下集)> 的話, 都知道如只持有股票的話, 跌市時候係可以得番原來一半. 如果無借貸之下, 跌一半最多係勒緊褲頭捱下就得.

10 則留言:

  1. 70後兄,我地幾張野小小病毒對付唔到我地既,
    不過你有小朋友就要小心d la。
    講真,完全唔工作到時可能會無聊左d,你份工自主度咁高,繼續亦不錯,或者遲下搵返個partner幫下手,變相做少d但又keep住有咁上下入息都唔錯。
    另外,我對卡碧尼既印象重o係z/zz既時代,呢隻新野黎架? 幾正咁。

    回覆刪除
    回覆
    1. 小朋友先唔怕, 不過佢地病左我地更煩!
      要QUIT 就真係要全QUIT, 好來好去呀.
      你要睇下高達創戰者. 第一季已完, 好好睇!!! 果隻係卡碧尼改裝!

      刪除
  2. 忍下啦, 為咗仔女前途, 再賺多一千萬 :)

    回覆刪除
    回覆
    1. LISA 姐, 升到二千萬賣左佢....哈哈.

      再等下一個二千萬, 我兩公婆都老了.

      刪除
  3. 塘人都好想有個得意女女,但奈何老婆嘅家族遺傳病係“惡嘢“,所以就無謂害人害己了。唯有可以做嘅係買樓來“養兒防老“。

    祝七十後兄早日康復。

    回覆刪除
    回覆
    1. 塘人兄, 有時意外好難避免....哈哈, 要你做爸爸, 擋都擋唔到.
      我好番好多了...香港人多, 惡菌多宿主. 自然大問題.

      刪除
  4. 最近D influenza A 好多,好多人都中招,不過病程都唔算嚴重,一般食左TAMIFLU 同 AUGMENTIN都OK,應部份老弱殘就差少少
    70後兄要好好保重,我重等緊追你個BLOG,哈哈

    回覆刪除
    回覆
    1. 謝謝支持。
      有心,已好番九成。
      文中重點為,如財務或工作許可,係可以唔去勉強自己。

      刪除
  5. 平時有追你個BLOG,今日睇APPLE DAILY 既一周必看咁岩見到澳牛同澳元,請問是不是BLOG主經營的澳牛?

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...