小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年1月28日 星期三

香港教育系列 - BIG FISH LITTLE POND

(我儲左好多文都排唔切出....點算??)

男主人有半桶 EDU PSY 底, 雖然皮毛, 但希望同各位分享下.

原因? 皆因感覺教育一事, 同財務一事相近.

知道的人多, 明白的人少, 應用的人更少!!

學過呢D (多數係老師), 仲識得講番出黎0既更少....通常佢地都變哂財演, 為左自己利益著想.

小弟師承中大某副校長, 當年佢仲係一個PROFESSOR。

未見其人, 已有同學告知:

"佢講野STYLE同你一樣!"
"佢成日想做你個行!"(我個行LINK按此)
"佢好串!"
(佢係我18歲以後第三位啟蒙,遇到佢個陣我已經25、6歲了!)

結果,佔中期間,佢同校長(沈祖堯)兩個對佔中學生黑白分明0既COMMENT,校長乃熱情關愛,佢就真係以心理學解釋。當然後者比人鬧得好慘。。。講事實係會比人鬧,細細個已經明白。

粗俗D講句,真係"笑佢ON9又驚佢嬲",所以匿埋笑就夠了。

一見其真人,果真好似。到今日,佢都無入到我果行!佢的確好串,因為箇中理論部份的確難明,明就覺得好好玩。

咩係BIG FISH LITTLE POND




即係咁,不如講男主人成長經歷:

男主人自細記性好讀書都OK,只要肯讀就可以好好成績。

升中後,升左一間區內第二好0既中學,無出到區外讀超BAND1學校。

當然,D同學都有勁人,但我就從來未跌出過五名內,年年精英班。

係我前面,幾乎全部女仔,因為女仔早熟之餘,佢地亦較專心無乜野玩。

高中後,人大左,幾乎無敵手,第一無難度。

講番正題,係呢D鋪鋪第一0既環境下,不難明白點解男主人咁自信(自負)又咁串,係咪?當然,個人理念都係:"人生應該無乜難題,只要有問題,就會有解決方法!"

那個少男不溝女?最大難題就係溝女。。。書中自有顏魚肉(如玉!)係真0既!總有D師妹傻傻地傾慕下你。。。

好,升到大學,讀左某校神科(又唔係好神,中等難度啦)

入面好多成績考得一般(其實唔差,係佢D同學勁)0既名校生!男主人大開眼界了!!!

有人一個人借四本一樣0既書!(估下點解!?)有人會無啦啦害你,但平日好老友。。。

同時,男主人的初戀出現了,佢係某水手服名女校畢業,成績只少男主人一個A。

我唔係想講拍拖相處,只係想講,佢份人無乜自信,因為佢係校中成績唔算好個D,自然由細到大無乜人理佢,結果存在感低SELF-CONCEPT又唔好。。。

到今日睇番,呢班大學同學入面,好多都只係過得好平庸以金錢計,香港地係咁膚淺);真正搵到錢又發揮興趣個D,都係當年雞雞中學上黎個D!點解?因為我地信自己多過信份工。

即使唔睇結果,我地呢D"雞校勁人"0既讀書生涯係過得比"勁校雞人"開心好多。

即使大家其實成績差唔多,出黎對事物0既價觀都好唔同。

有睇過網誌0既都可能留意到,男主人打從一畢業就放棄自己專業,當年女朋友梗係唔鐘意,其他同學都背後講緊我0既工作可以有咩"前途",當時我認為:"有一件我鐘意0既工作,遠比咁快將自己定性重要"

最緊要,係對自己個份自信!千金難買,如你一生人從未嬴過一次,唔明白個種快感,你未必有咁大動力去做你想做0既事。

如只想每次不包尾,就只能成為日日怕老闆又期待快D打風0既一般打工仔。。。

又係個句,最安全0既選擇先係最危險最差0既選擇!



大學個陣,對付讀書勁0既同學,我真係無符,因為佢地真係勁!結果我靠咩拉GRADE? 哈哈。。。。

我由細到大,對一大班人演說有專長,毫不怯場仲控制全場氣氛,話知你十幾人定係成千人(我係唔識同陌生人單獨溝通),由YR1到YR3畢業,我全部有PRESENTATION0既科目都係A。。。哈哈哈哈~~~

所以,我個囡,簡單讀番普通學校就可以了,真係讀唔到咪出國,讀得到就係我0既福氣。至於學習是否需要愉快?英美等國家已經放棄左廿年前個D愉快學習啦,只係有香港家長仲傻傻地以為係潮流咋!點解?因為國民競爭力近十年大幅下降。。。

同樣大小的魚,放入LITTLE POND 好定係BIG POND 好?

你話呢?最好梗係做大缸最大個條魚,但係世事會唔會咁美好先?




P.S. 估唔到能夠咁好興致寫落去, 大家0既留言同訂閱, 就係小弟0既動力~~~!!

39 則留言:

  1. 「如只想每次不包尾,就只能成為日日怕老闆又期待快D打風0既一般打工仔。。。」呢句好正。

    回覆刪除
    回覆
    1. 呢句本來打算DELETE 左佢....翻CHECK 個陣覺得太觸動別人神經.

      不過最後都留低.

      我最唔鐘意打風, 打風都要交鋪租架!

      刪除
    2. 我唔鍾意打風因為港交所休息

      刪除
    3. "人生應該無乜難題,只要有問題,就會有解決方法!"
      我反而鐘意呢句,,好勵志下:-)

      刪除
  2. 呢個唔止係教育, 而且還是成個社會圈子組成的寫照吧

    係美國, 有錢屋企晨早已經要D仔女讀Agressive既私校(學費可以仲貴過讀大學兩三倍), 都唔會送佢地去個個好似South Park咁既公立學校

    男主人個女都好有自己咁款:D

    回覆刪除
    回覆
    1. 咁呢個係愉快學習0既缺點.

      係, 佢好有自己喜好的. 希望佢大個都唔好隨波逐流啦...

      刪除
  3. 好有意思的文章,請繼續寫落去!!

    回覆刪除
  4. 同意:對自己個份自信!千金難買。
    無必要把子女送入最top的中小學,加添無謂的壓力或失敗感!

    回覆刪除
    回覆
    1. 如果真係叻, 入去讀又唔錯呀!
      如果只係叻叻地, 入去就矮左一截了...又未必有成功感

      刪除
  5. 個BLOG 又自動刪留言....等我重POST

    長期cd-rom,見到男主人呢篇忍唔住要現身分享一下
    首先,十分認同男主人的看法,和小弟當年讀書時的取態可謂殊途同歸

    和男主人不同,小弟出身所謂「名校」,睇住班同學鬥個不亦樂乎,鬥課外活動,鬥攞獎,鬥成績等等,當時已覺得好無聊。眼見好多明明各方面表現已經不錯的同學自信心離奇地低,已經覺得呢個環境好扭曲,明哲保身為妙。

    不過家教嚴,成績不能太差,一直keep住一個不太前又不太後的名次,加上完全無post無什麼隊無什麼獎,整個中學時期像個隱形人,只有一小撮交心的朋友(至今仍有聯絡)。幾乎全班都補習,攞無數考試攻略貼士,我就樂得坐順風車,淨係靠聽佢地講已經收到夠用的攻略貼士。最後會考成績超越了自己在班上的名次,仲有個同學串串貢話:估唔到你黑馬跑出喎,我心諗:我讀得不知幾輕鬆,你地鬥呢樣鬥果樣時,我打機睇書捉棋發呆過得非常快活。

    話說回來名校的確有名校的好處,例如身邊同學的確好多叻人,雖然我唔認同佢地花咁多時間搞活動,不過佢地都擴闊左我ge眼界。所以只要唔俾遊戲規則牽著走,讀名校亦有佢ge好處

    回覆刪除
    回覆
    1. 都係個句, 讀得到就梗係讀.

      如果中中庸庸, 可能讀一般學校會更有成功感.

      名校最勁個D 梗係勁, 中間個D 其實同一般人無乜分別.

      課外活動呢, 就真係要睇佢因課外活動入名校定係入左名校先攪課外活動了....

      人生係自己0既, 自信心有用過成績...

      刪除
  6. 70後兄,看到你個女就開心,她太幸福了。

    巴黎

    回覆刪除
    回覆
    1. 其實都唔係,我成日鬧佢的。哈哈。。。

      刪除
  7. 有人一個人借四本一樣0既書!>>>>>> 咁賤都做得出, 抵佢無朋友

    回覆刪除
    回覆
    1. 呀,佢有朋友架。
      其實賤人會有friend 的,因為大家都出奇招讀書。
      反而你公開佢d 衰野,先會比人歧視。

      刪除
  8. 自信真係好重要......好可惜我經過呢十年工作既洗禮, 我既自信已經跌到得零.....

    唉.....我都好想知點樣可以令自信心增加....><

    回覆刪除
  9. google 又食留言。

    對的,正如男主人話齋,唔隨波逐流先最緊要,讀乜校都有好處壞處
    講開又講,大學時都見過唔少「雞校狀元」真係好井底,唔係人身攻擊,其人品不錯,只是見識真是差了點,可能响中學時無敵於天下,又入到神科,難免自視過高
    講到尾都係人貴自知
    長期cd-rom

    回覆刪除
    回覆
    1. 你好,此乃Marsh 的學術研究所得,重點在比較不同學校但能力相近學生的self concept. 並不包括并底不并底,串不串,見識如何。

      如中學時可無敵於天下,而出黎做野又憑自信高別人幾班,咁佢都串得起喎。

      刪除
  10. 呢翩文章有吸力,我由5點睇到1O點分幾次今次最用心睇晒。^^

    魚兒

    回覆刪除
  11. 呢篇應該可以定為 "60,70,80,90後的勵志篇" 前傳....正
    mat

    回覆刪除
    回覆
    1. 謝謝支持
      你有個留言比GOOGLE 食左.
      無錯, 如果每人都可以放膽一D, 拋開一D 無謂0既常規, 基本上所有問題有會有一個解決方法.

      刪除
  12. 回覆
    1. 終極完美退下火線,就真係有個後生仔可以接管我呢度。
      不過好難的,叻既會走人自立門戶,未必等到學滿師,唔叻既,收黎做乜?不如摺左佢。

      刪除
    2. 我有興趣但我唔叻, 而且唔後生

      刪除
    3. 男人四十一枝花,有心有力有興趣,請指教!

      刪除
  13. 人有時係迫出來嘅,2007年我好唔忿氣炒左老闆魷魚,當時計過數應該OK嘅,冇諗過2008年咁大獲,好在老婆支持體諒,壓力先冇咁大,幸而2009年已經可以回返氣。今日回看世事係整定嘅,唔行出來又點知行出來嘅世界,亦唔知今日嘅生活係可以比打工賺錢寫意。當然幸運之神眷顧又係好重要,一半上天安排,一半人為啦。

    回覆刪除
    回覆
    1. 你係指投資後財務自由,定係劈炮唔撈攪生意?

      刪除
    2. 投資就是我的生意。我覺得投資和做生意有很多相似之處,會賺、會蝕、力不到不為財、要了解行業和市場、有週期、要知自己的強項、弱項、為何可以做得比人好等等。重要的是我現在寓工作於娛樂。(注意:短線炒賣唔係我杯茶,投資場上叻人無數,諗清楚憑乜野自己可以炒贏佢地,而唔喺做佢地嘅點心。)

      刪除
    3. 可能有少少得罪, 投資同做生意唔同的.
      同樣地, 收租佬同做生意根本完全唔同.
      易地而處, 真係試過就會知.

      刪除
    4. 點會係得罪,做生意和投資當然亦有很多不同之處,只是不同的方向己是一般人的看法,所以只提相似的地方而已。

      刪除

各位每個留言,係我繼續9UP動力,必覆。

Related Posts Plugin for WordPress, Blogger...