小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2015年1月9日 星期五

我可以唔撈嗎 6

真係寫到100 集都未退到休??

上個星期, 男主人淨資產突然升過千萬, 已計價內期權被行使.

做左幾日千萬富翁, 今日打回原形, 哈. 自旅行回港後, 忙到不得了, 所以過左千萬都無乜留意.

如果計家庭資產, 咁而家都已過千萬...不過我同女主人財政係分開0既.

近日男主人忍唔住買左部新遊戲機! 為左玩一列"無雙", 爭扎買PS3 定PS4 好, 最後都係買左PS4.



究竟, 唔駛做0既時候做乜好? 我其中一個目標一定係天昏地暗去打機!! 哈哈...因為我係宅男一名呀! 我打機都好執著, 打哂所有成就先罷休. 自從全力做自己生意之後, 已經好耐無咁癲了....

舊XBOX 紀錄好多都唔見左...我真係打左唔少千分成就番黎架!!

部XBOX 係2009 年同女主人結婚第二日出去買的, 當年女主人真係肯同我癲, 陪我去買遊戲機, 你話呢D 老婆去邊度搵? 當年佢有份同我打唔少GAME. 不過自從女主人鋪頭忙左, 又有兩個小朋友之後, 我就得番自己打機...

唔緊要, 我已經鎖定要教識我個女打機!!!

總結番日本之旅, 其實我覺得最好玩係...去睇鹿. 我真係好鐘意動物, 今次無去動物園都OK.


如果可以, 搵機會再同女主人黎多次"無目的地"之旅...幾時? 我估要我自由之後先得了.

2015 年, 工作上我多左一日休息, 同時, 亦定下目標, 讓自己重回以前幫女主人鋪頭宣傳宣傳0既軌道上, 好似有兩年無插手佢鋪頭D 野了...

一通排名, 跌出一百了,



8 則留言:

  1. 我都想一直打機打到天昏地暗喎, 可能呢D就叫做男人的浪漫吧
    打了格仔後的男女主人好似有種犯罪的感覺:D

    回覆刪除
    回覆
    1. 拿, 你他日番香港, 大家飲個茶又點話~ 哈哈...
      一不離二, 我睇中左PLAYSTATION 3D DISPLAY....全港缺貨中.

      刪除
  2. 70後兄,我都想買新遊戲機,
    我依家重玩緊xbox360 fifa 2011!!!
    我早排都去左大板,
    都去左奈良睇鹿呀!

    回覆刪除
    回覆
    1. 我都有 xbox 360, 對上隻game 已經係 sleeping dog 了。太多想玩既比ps4 獨佔左。
      乜咁0岩又係去大阪,我決定得好急,所以好貴...

      刪除
  3. 70後兄,聽講好似有還原打格子相片技術,唔知係乜野軟件呢?

    回覆刪除
    回覆
    1. 你唔知我用乜打格, 就應詃解唔到.
      剛CHECK SCHEDULE 原來我下星期六係收早...早知黎聽TALK 啦~~~

      刪除
  4. 係一通110位.......都要有七位數字吧.........

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...