2014年9月12日 星期五

短評:鄧小閑BLOG 系列二

伸延閱讀



(為免影響原文味道, 個人意見係最底)



I have a dream, 擁有10萬股《滙豐》,以現值計約為1400萬,絶不是容易的事情。但參照下表,1991年10萬股《滙豐》只值約103萬,如果能以借貸於15前年買入該批股份,再以月供形式攤還,一定容易很多。


股息與利率
用借貸買股票,有一大考慮:股息收入不足抵消孖展利息支出。91年時《滙豐》股息是4%,而孖展利息是12.5%,相差8.5%,即借貸100萬,每年股民要叧付利息8.5萬,但這個負利息收入的情況不是絶對或長期的,2006年借貸利率是8%,即100萬需付年息8萬元,但當年以約103萬元買入的股份,股息已由4萬元升至58.8萬,即利息收入是正數50萬多。

  
 
 
巿場利率
股息x10萬股
1991/8  
$10.33
4%
12.5% ($129,125)
$40,000
2006/8
$10.33 (成本價)
4.12%
8% ($82,640)
$588,100
2006/8
$141 (巿價)
8%


由這個實例可見:
1. 以短線而言(投資第一年,1991),股息收入不能抵消借貸成本。($40,000<$129,125)
2. 以長線角度(15年後,2006),股息收入大幅高於利息支出,($588,100>$82,640)
3. 投資者可以想像到一段時間後,累積股息收入大於累積利息支出,利息的正收入將用於減除負債(最初借貸買股票的103萬及早期累積的利息支出)。負債減少,利息支出亦同時遞減,最後投資者可完全清還借貸、擁有資產。
4. 這是一個現金流遊戲,投資者要成功必須明白『增長與波動』,
5. 巿場利率是波動,可以升、可以跌,主要是受通脹及就業情況影響,絶不是遞增性。(91年時是12.5%,03年時是4.5%,06年是8%,這是我的孖展息率情況)
6. 股息主要是受業績影響,若業務及盈利是穏定增長,股息也很大可能是穏健增長性,若不能找到股息有穏步增長股份,以息養息的投資就會失敗。
7. 股民應以買入價計算股息率,不能單以巿場上的即時股息率及利率作參考,股息率高於利率的情況是非常罕見,所以股民應用買入價及考慮一年後、五年、或十年後的股息率及利率的情況。
8. 衡量巿價時,若發覺一段長時期後,股息的收益也無法彌補利息支出,這情況已暗示股價偏高,隨時下調或大跌,股民應避免買入,甚至沽出早前低位買入的股份,目的是高沽低買,避開股災,再從低位出發。(日後股災篇再談)


開設孖展戶口
年青人到銀行或股票行開設孖展戶口,常遇到以下問題:
1. 知訊混亂:銀行職員經常不太清楚公司産品,一時說可以,一時又話不能。
2. 態度冷淡:股票經紀可能問很多問題:資產數目、入息証明、炒股經驗等;最後勸你不要炒孖展,改用現金戶口。
3. 錯誤觀念:年青人常有以下問題:「股票行為什麼要信我?為什麼借錢給我呢?」股票行借錢給股民可以收到利息,又可做更多生意,最重要是風險很小,因為股民的股票是放在股票行中,股票行又會要求股民存放一筆按金(由股值的20%至60%不等),又可以隨時暫倉,取回借出資金。所以股民的問題應是:「我為什麼要相信你(股票行),不是股票行為什麼要信我?」
4. 資金不足:如果你資金足夠,就無需要使用孖展戶口,開設孖展戶口亦不需要存入大筆資金,當你需要買股票前,才存入款項,以買一手《滙豐》計算,股價x股數x按金 = $140x400股x 25% =$14,000(各股票行可能按金不同),即只需存入約$15,000已可以得到入場卷…


若認定有使用孖展的必要,股民應該:
1. 收集及比較各銀行及股票行的孖展戶口資料(包括口碑),
2. 選定目標後,再找尋是否有親朋與該股票行相熟,要求介詔,
3. 最有效方法,股票行總有生意淡薄時候,這時經紀大多不會拒絶開戶要求。


炒股三步曲
要累積財富不是一件簡單事情,特別是對一些初出茅蘆,月入只是數千元的年青人,還有更多小股民是需要供樓、還咭數、養妻活兒、供養父母,若要他們有能力累積10萬股《滙豐》,單憑個人收入及優質股的增長能力是不足夠,最大可能是分三階段進行…待續
註 : 資料源自一位很受歡迎的投資Blog 客 : http://hk.myblog.yahoo.com/banking_mind

本來想寫下工作特質(我份小生意同澳X牛奶公司一樣, 可以好串咁做的...)

見前輩LISA 姐留言講單一股票加小量現金有D 危, 未必能完全退休, 剛好又有意見發表, 梗係寫左先.

我估當年睇呢篇野, 好多人情緒都好高漲. 10 萬股HKB, 果陣至少上千萬, 留意股息, 2006 年已經有58萬一年, 仲要06 年物價仲好平喎!!

先唔理通漲, 假設佢股價一跌, 又或者減派息, 已經好大獲.

上年HSBC 派USD 0.49, 即係十萬股共收近38萬, 無啦啦少左20 萬....當然人人退休0既洗費唔一樣, 不過放諸我自己就肯定唔係好夠, 除非我係單身寡佬.

如果我係單身, 呢一刻梗係買一層自住, 一層收租. 然後扮有財商又識投資又上進咁樣, 溝番條女先啦. (如果你有樓但又溝唔到女...SORRY, 我洩漏國家機密TIM! 乜溝女要用資產証明架咩??? 女主人現在都仲係靚女一名, 上過幾次TVB 架!!)

仲有, HSBC 當年供過股, 唔知邊度搵錢供了!! 如果當中仲涉及借貸, 咁就好大件事!

而家睇番, 當初我地D 熱情, 今日係咪得談笑呢?

不過, 有一樣野, 小閑兄有提到, 就係03-06 年, HSBC 真係有投資價值. 如果係07 年已經無負債, 持有到呢一刻, 雖則未番家鄉, 但其實收息都算OK.

至於借錢, 好睇時機. 果D 老千式有買貴無買錯, 認真講句, 真係佢ON9 你又跟佢? 用派息減去成本表達比讀者聽, 人人聽到流哂口水啦下話! 你又信佢個計法係0岩喎! 真係學野跟著個唔識亂九黎0既....

相反, 睇下小閑兄講, 係兩者利息之間, 而又有勝算先好去馬, 06 年佢以股市講出黎, 如果08 年你用係樓市上已經幾好收成!

又要講句, 放諸一切皆正確!! 近年好多人買內銀收息, 涉及借貸! 因股息高過貸息, 其本上有番1-2% 差額, 睇落都幾好. 朋友, 睇下小閑兄操作, 咩事會死?

當內銀盈利倒退, PE 即時上升, 派息亦可以下降! 凡事不要去得太盡. 蟹哂唔緊要, 千祈唔好蟹突, 心理狀態好緊要. 爭緊人錢仲要賬面蝕一浸, 個人好易亂! 仲唔敢亂買貨啦, 你話係咪?

當年十萬股HSBC收58萬, 今天可能要十五萬股了.

又講埋另一樣野, 樓按息同收租收入息差表面更勁! 但扣除雜費, 2013-2014年買, 可能重衰過買內銀! 除非樓升股唔升啦, 咁又係變左睇價問題而非息差套利動作了.

果個開BLOG 教人求死0既BLOGGER, 講到一定要有樓, 否則世世代代都要為奴咁. 又一個市場老千, 千得更勁!!! 呢個世界, 好多個藍海, 唔一定要紅海!!!

當年(真係我仲係精蟲祖先0既年代)買美孚, 而家可安居; 如果係買左深水步舊樓呢??? 放諸今天, 你仲叫D 年青人走去抬錢上會買一D 仲老過我, 過哂三十年樓齡0既舊樓, 一供十多年(當真係加人工可提早還), 唔係咁陰質下話??

放諸樓市, 好多人諗有一層自住, 幾層收租(我計過, 我要十層濕尻細價屋苑!!!), 可以退休. 咁同令大家好熱血0既 "10萬股HSBC" 呢個夢想, 又有咩分別呢? 

我出文唔係想話小閑兄呢位前輩, 佢見過風浪股海浮沉過! 佢列明風險的. 或者有人認為我中傷某D BLOGGER, 我只係想講, 當年又好, 今日又好, 亂九叫人買乜買物大條道理, 其實佢地可能低位買左, 安全水平好X高, 你唔知頭唔知路又跟, 咁咪死LAW!

我都持有內銀一大堆, 不過呢一刻無負債, 工作現金流算幾好, 突如其來0既股市變化可以承受到, 大家不要有樣學樣, 至少我捱過2008 同2011 兩次重擊存活下來的. 再者, 我D 內銀非低位買入, 平均買入價高過現時股價的, 亦不會以股息扣減成本扮低位入自欺欺人.

打到呢度, 似乎我可以寫BLOGGER 歷史學...N 個"當年今日"!

18 則留言:

  1. 我都有借錢買股,不過我就會假設股息率減半,自己人工減兩至三成,如果咁運過都還得到,先會借。

    回覆刪除
    回覆
    1. 總之就兩手準備啦.
      當年我同朋友講, 某股票跌到得番一半, 咁好多人都唔掂啦. 點知, 最後唔止一半.
      屍橫遍野後, 世界咪又繼續轉.

      刪除
  2. 所以投資乜都講timing , 方向正確但是timing 錯咗可以輸錢, 而盲目入市又自己呃自己是長線投資賺現金流只會使自己陷入另一風險中, 股樓一樣 !

    回覆刪除
    回覆
    1. 金都一樣, 現在只能收藏不能炒賣, 金個CYCLE 太長, 升得快, 但好長好長靜候期.

      刪除
    2. 所以無熱帶風暴咁心急, 一口氣買曬, 而是分段買; 依家用個個月的餘錢買, 而買都買靚金銀幣來收藏, 因為呢D幣在發行時好平, 過幾年想買就會好貴的 :)

      刪除
    3. 風兄收入咁Q高!有乜所謂!

      刪除
    4. 猛虎, 估唔到除左係NEWSGROUP, 係BLOG都見到你。

      刪除
    5. 我都係週圍吹下水姐!你個blog好有味道!

      刪除
  3. 說到市場先生, 本來是朋友, 但唔認同佢投資法, 因為真係有好多誤導成份, 所以唔好寫書, 一寫就一定要保全之前的錯誤, 又變名人專欄作家, 面子要緊 !

    回覆刪除
    回覆
    1. 其實, 當年仲有個名人脫苦海, 佢真係用區同人口狀況去分析, 可惜佢炒賣, 做餅紀錄欠奉, 比人恥笑佢無實戰經驗.
      反之有一大班只計利息同回報0既數學小學雞跑出, 仲教人裝修靚D 可以租高少少價....其實租務市場唔好, 地點變得好緊要. 比我就唔會買屯門樓收租, 真係有錢都唔會咁辛苦自己.

      刪除
    2. 其實我不是針對市場先生一人, 有誤導成份的blogger 都俾我說過, 其中之一是ckm001, 又係曬倉內幾百萬的股票出來, 乜買優質股是皇道, 依家佢可能有得賠返中信泰富 XD !
      還有火燄森, 借曬卡數賺隻石油一千萬, 真係教壞人, 佢好彩食正個升浪, 如果在跌浪開始買, 一定是在報紙上唔係贏家, 而是一單自殺案 !

      刪除
    3. 脫苦海不是炒股專家, 雖然佢有買股收息 佢轉咗去寫地產文章, 不過佢自己就得自住樓, 錯過買樓收租的機會, 因為好似以前在錯的timing 買咗樓而及時沽咗 !

      刪除
    4. CKM 應是買中人壽果個, D 信徒多到呢!!! 而家係咪笠左水? 我又唔知佢買過中信, 佢未爆時買過少少收息, 收完40 蚊賣左, 好彩....
      尿淋屎? 炒作黎0既...呢D 擺明係老千啦, 當時有一千萬仲要做財演? 有一千萬仲要出黎撈? 有一千萬, 買樓都要同朋友夾? 咁都比佢厄到就抵佢輸了.

      刪除
    5. 佢用中人壽和平安來威嘛, 在上市時買又說賺咗幾多幾多, 輸個D就說只買組合10% !
      佢一買完中信泰富就爆煲, 之後蝕沽 !

      刪除
    6. cmk輸得最金應該係美股乜乜太陽能!

      刪除
    7. ckm現在可能回歸平凡放錢在銀行做定期。

      刪除
    8. 咁我地快D 拎D 定期出黎, 怕唔怕搭沉船???

      刪除
  4. 而家要買乜買物都係要計掂自己負擔到條數至去得馬啦, 我自己兩年來買的物業都係低過當時市場價買入的銀主盤, 好似而家D野貴哂又咁多市場價盤我就唔會跟啦.

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...