小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2014年9月30日 星期二

我可以唔撈嗎 3

身心已極疲累, 唔係因為我去左佔中, 而係上個星期全家輪流病左....






個女因病無得去生日會, 我覺得好可惜. 老師留番D 小食比佢, 幾好人!

始終, 一如所料, 對囡0既感情比對仔簡單好多...有時候, 仔同老豆真係隔世有仇, 但你又唔可以由得佢頹, 因為你都成長過, 做過男人, 知道即使你係首富個仔, 你都會有好多事情要自己攪掂自己面對.

佔中就黎佔到我個鋪, 只要一到, 應該唔會有生意...

同樣地, 鋪頭要搬, 又係煩.

刻下計下今日賬面少左廿幾萬! 哈哈....股市仲有排跌, 遲D 再另寫下我有咩部署.

埋單計數, 要退休, 其實都唔係唔得, 不過要好慳....

1. 首先要削減父母家用20%, 我唔想亦都唔會.
2. 要慳D 洗...呢個係廢話.
3. 至少要捱到下次股息派發

呢一刻現金只係得十幾廿萬, 唔足以撐幾耐架咋. 如做到十二月租約完結, 頂多六十萬, 唔好得幾多...

當然, 大前題係我無計女主人, 但佢工作收入受經濟影響太大, 若突然下滑就ALL FAMILY DIE!
我0既本業呢, 算係有D 錢0既人必須品, 經濟唔算太影響我, 或者咁講, 最後先影響到我, 只係我做到好悶, 成日幻想唔Q 做.

呢一刻全家產加埋應該未有1000 萬, 不過估計過多幾個月就有了.

有前輩提到, 若股息跌, 如何是好? 我有心理準備, 馬死落地行. 去做下PART TIME 應該可以應付到. 如果唔派息點算? 咁就真係焗住賣股票喇...

加息週期可能會加快, 各借貸買股朋友要小心.

12 則留言:

  1. 多謝分享, 希望你事事順利!

    回覆刪除
  2. 回覆
    1. 成功需苦幹,至少要自己選擇。
      你是過來人,選擇很重要。

      刪除
  3. 回覆
    1. 謝謝你加我入blog list 就真。重燃起我寫blog 的心。

      刪除
  4. 哈,仔同老頭有隔世仇,我都咁覺得。 尤其如果個仔似自己,不受硬就更加覺。
    自己個女就好似多個小情人,經常sweet爆。

    回覆刪除
  5. 個位隊長先生呢……真係痴L左線了!樓市賺些少錢就飄飄然,仲呢個時候講呢D野,寫野又冇乜深度,呢個blog真係可以唔使睇了!

    回覆刪除
    回覆
    1. 咁佢有佢言論自由. 其實睇佢BLOG 知佢唔多錢/樓, 只係扮資深比意見人, 從而搵少少錢, 又扮幫人做工程. 真係唔駛做0既, 點會稀罕呢D 錢丫. 你年薪過百萬個陣, 又點會去做馬會幫補? 點會去幫小朋友私人補習?
      最睇唔起係佢高不成低不就, 笑人有錢無品, 但同時又笑自己讀書多過佢0既同學無錢....哈哈.

      刪除
  6. 希望唔好佔到你間餐廳
    否則又多一個受害者;(

    回覆刪除
    回覆
    1. 係呀, 有食客問, 又有人訂左菜改期. 整體都還正常.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...