2014年9月25日 星期四

外母的投資 -- MPF (2012)

舊文重寫, 當時係2012 年 9月 13日

都係個句, 投資真係好個人!!!

2013 年新聞

話說07 年間股市好到不得了, 咁0岩唔知點解同外母傾開MPF, 佢都未到五十, 揀保本, 當然緊係提下佢可以轉. 轉去乜? 咪又係所謂HSBC 高風險個堆MPF, 可以有幾高丫. 都係買股票0者.

呢幾年MPF 表現唔駛講, 大家都知外母MPF 蝕左唔少....

結果有幾次食飯佢都提起, 當然佢未必係怨我, 但係如果而家叫佢轉番保本, 咪好蝕章??? 股市低迷先黎止蝕, 唔係下話?!

(後記, 好多人MPF 都應該番左家鄉了.)

講完MPF, 早幾日佢又比中銀X港D 職員TUM, 我發現佢地真係好鐘意TUM D 得十幾萬又唔係多錢0既長輩買野. 我初中個陣我阿媽都成日比佢地撩, 唔知係好定唔好, 我阿媽唔貪心, 一次都無買過. (可能買左重好? 我唔知喎...)

個PLAN 大約係咁, 分兩年供, 每年供80000, 即係一共十六萬. 之後每年可以拎番萬幾蚊, 如是者十年, 到最後個年又可以拎番一個DOUBLE即係三萬幾.

詳細我無睇過有冇風險, 都係我老婆口述比我聽, 今日計一計, 年回報得1%!!! 可能我係細節上會計錯, 但係都唔會高得去邊. 而銀行CLAIM 有3%, 即係我計錯啦.

最奇怪係, 最尾個年比多個DOUBLE 你, 又點計? 是否數學遊戲??

當然, 唔通我叫外母買哂盈富基金咩....呢D 野都係自己試好, 叫人做就無謂喇.

其實佢又唔駛煩無野做無錢洗, 唔通我同女主人唔理佢咩~~~ 有錢就洗左佢啦. 佢呢個年紀, 最後扮無錢食政府先係皇道.

捱到年底, 還清D 孖展數, 閒錢又可以買貨了. 我係硬頸, 係咁做就咁做, 買磚頭? NO WAY...我唔知道十年或者廿年後重係唔係香港, 更重要係我唔知我有冇耐性佢慢慢供完佢.

(後記, 最後D 錢當然買左貨, 百幾萬. 及後再借又再還了.)

七位數0既孖展數, 2012 年開始供, 年底就應該供完. 用黎買樓我仲SSD 緊, 只能自HIGH 每月有現金流, 賬面開心中...買股重衰, 是負數.

哈哈哈哈哈~~~~~

不過我會繼續每年七位數咁樣做呢D 傻事.

後記, 外母係台山有層樓(同女主人兩份買, 可能係唯一外母的資產.

有機會講下小朋友0既利是錢...

3 則留言:

  1. 有時真係唔想俾"指示"其他人,最多一齊分析下,不過好多人都唔鍾意深入討論,最好俾個必勝方案佢地跟,但係咁容易就無窮人啦。

    回覆刪除
    回覆
    1. 是的, 低位入D 人很風光, 高位入D 人又以為自己好風光...
      BY THE WAY, 我外母信錯我啦...哈哈

      刪除
  2. 外母既事俾返外母處理啦:)

    回覆刪除

各位每個留言,係我繼續9UP動力,必覆。

Related Posts Plugin for WordPress, Blogger...