2014年9月9日 星期二

2007 回顧, 你唔知市場老千係點, 又有樣學樣?

牛熊SITE 推介


http://www.analystz.hk/cbbc/cbbc-outstanding-quantity-analysis.php

要殺, 你話殺邊邊?

我又唔係短線操作, 不過有時估估下又幾過癮.

當人人當基本分析係皇道0既時候, 大家變哂市場先生.

人地80 蚊買HSBC 立於不敗之地, 一班傻仔覺得120 抵買, 有人話200 抵買, 全因價值. 呢個人由600 萬股票變到得番300 萬個陣, 唔知一眾散戶變成點?

當初我都有買HSBC, 仲要係買OPTION!! SHORT PUT 142.5, 又比人行使.

行使左點算? 即時賣番再沽PUT! 好彩當時只係四十幾萬貨仔, 我將佢加張數一倍再改使價為8X, 如是者, 竟然好彩全身而退無事.

可憐一班FANS 止蝕者有, 持有者又有.

唔係話基本分析唔好, 有時都要睇下分析果個人咩立場. 買入成本低就梗係TUM 埋你入局, 仲話有買貴無買錯啦/

技術分析其實都有用架, 至少入貨位唔會太差, 雖然我都係亂九黎.

又係個句, 放諸一切皆正確. 若然有人話你知佢間細價樓百幾萬買入, 而家值三四球, 叫你快D 買唔買走寶, 究竟輸左係咪佢比番你??

我年紀唔大唔細, 不過股票上落同金價上落同樓價上落, 週期長度好唔同喎! 唯一一樣, 就係必然有上有落. (金價千八蚊個陣, FB 幾Q多人話要買金??? 呢刻金價1256, 即使你撈左底, 都仲係底位徘徊咋. 金價可以十年唔變, 一變變天! 即係話, 要買唔駛好似股票咁急.)

若然個班相信市場先生0既人, 無買到HSBC, 留到4X 蚊個陣先買, 而家真係可以止賺不止蝕了!!! 你估佢真係股神咩???? 香港地又是否人人是樓神???
(總有D 人事後孔明, 又話一早減持買入其他, 你信唔信? 哈哈....)

P.S. 見到有BLOG 友放左我係佢追蹤LIST, 如想我加番你入LIST 請講我知, 我怕遺漏.
P.S. 我老婆見我寫得咁過癮, 佢會係近日又寫下呢個BLOG, 不過女人仔未必係講投資.
P.S. 市場先生當年收入高, 讀者唔知死跟就大獲! 我又講下, 我家庭年收入亦算高, 若唔用任何寬免, 基本上必然要交標準稅, 一切投資應切合自己需要及可承擔風險.

20 則留言:

  1. 我一向都認為不要單純地抄人家的投資組合及決定,每個人的背景、心態、習慣、生活都不一樣,簡單如你所言,人家本身收入很高,對風險的承擔能力十分強,但這都未必能在文章中得知,盲目跟隨而出事不能怪人,投資者應為自己投資負責。

    只有推動這個概念,才不怕令不同blogger在分享時有所忌諱,當然blogger亦應該在文章中一而再、再而三地提醒各位投資的風險,連股神都會出錯,誰不犯錯呢,最重要是blog友們閱讀時也明白這一點噢。

    回覆刪除
    回覆
    1. 當然啦, 最後責任一定係自己0既.
      你有所不知了, 當年呢位老千真係當正自己係股神係度晒架. 完全無提及風險.
      佢個陣重係單身中坑, 好彩現在上左車搵到個伴咋. 否則真係孤獨終老, 果個時候, 唔去弦富又點得?
      當年我已經同我女人講, 話佢呢D 言論真係害人不淺.

      咁多年後, 大家都唔記得哂佢講過乜了.

      刪除
    2. 是否在說市場X生?

      刪除
  2. Blog主當年 Short 完 又 Short 可以全身而退
    請問係咪真係亂黎定係覺得會最後無事?

    回覆刪除
    回覆
    1. 我幾乎唔記得係點樣無事, 係舊BLOG 搵番一文....轉倉當日HKB 為82 蚊, 我剛搵到交易紀錄, 有空可寫下, 重點係要夠現金(接貨). 我唔係市場老千, 唔好亂學.

      亂黎就一半半啦, SP 係計過夠錢, NAKED CALL 就真係膽博膽. 不過佢由33 蚊上番黎, 中間我蝕哂機會成本LAW.

      **********

      當年係08 年3月 SP 左HKB 142.5

      之後就海嘯了! 好彩初期夠按金....後尾都夠. 唔知點解跌到33 蚊我都夠按金, 可能因為另一邊SC 左CLI 執到D 錢之餘, 本身現金流都幾理想....

      一路到09 年9 月, 我做左一個轉倉動作...

      先平左 10 張SP142.5, 再開番50 張SP85 (其實接貨額只係多左一倍半左右), 再同時開左SC HKB 97.5, 都係50 張

      以接貨額而論, 當時都係比本身多一倍半左右, 好夠現金去接, 即使佢再跌, 都唔駛驚. 如果升過左97.5 點算? 點都唔會慘過SP142.5....

      而家睇番, 原來都係錢作怪, 總之, 量力而為就唔駛怕~~~

      刪除
    2. 因為當初賣咗樓收返幾百萬, 所以有錢炒權, 如果唔炒, 只係靠個幾百萬和後來做的生意有每月十萬入息, 都可以儲到一千萬啦, 所以我好佩服你太太, 可以支持你炒權 ! 唔係想冒犯, 不過你講起人的錯, 自己也有錯呢:)

      刪除
    3. 講開又講, 一千萬的股票加一百萬的港元是不太穩固, 如果股市大崩會有好大的損失, 所以都係唔好想退出生意 :)

      刪除
    4. LISA 姐, 賣左樓無幾百萬, 幾十萬架咋, 真係九牛一毛, 個陣都係細價樓.
      同埋炒權唔搵得多, 我無另一位仁兄玩到咁大.
      所以大部份都係股息同現金流而已.
      如果老婆無科水, 早D 平倉反而無咁傷, 呢D 兩面刃黎0既.

      刪除
    5. 我當時有在你yahoo blog 留言, 同你講咗權是有風險的 :)

      刪除
    6. 你說得對, 當年我得廿中年紀, 真係年少無知. 點知我又付碌2008 死唔去! (風暴兄爆左)
      點知頂得一時唔頂得一世, 2011 年爆左! 好彩果陣收入少, 未成氣候.而家D OPTION 都有COVER 同埋好雞仔數了.

      刪除
  3. 七十後兄,投資真係一件好個人既事,盲目照跟最終必須付出代價。

    就像小弟現在看見七十後兄的操作,覺得實在利害,但自問現時沒有足夠現金流及風險承受能力去應付,假如我有樣學樣,一定出事。

    題外話,我在我的半桶水爸爸網誌放了這裡的連結,如果可以也請回我的網誌。

    回覆刪除
    回覆
    1. MIKE 哥, 洗人腦者亦要付出代價, 因果循環報應不爽.
      大家唔知呢個人以前有幾ON9 0者...當年扮大支野0既, 應該死剩佢一個.
      LINK 已放.

      刪除
  4. 回覆
    1. 有好多投資初哥,唔知自己條數係點。
      一次過全副身家跟哂,可能十萬八萬,但匯控一隻已令佢地一蟹十年。。。

      刪除
  5. 剛剛寫 blog 不知道可不可以加在你的 list 裏?http://differentinvestment.blogspot.hk,有時間來討論下期權操作。

    回覆刪除
  6. 70後兄,追蹤左你同女主人既blog,
    有時間多留意交流下,
    等我學下野。

    回覆刪除
    回覆
    1. 一定一定.
      唔好話學野, 睇BLOG 切忌迷信(尤其係未經歷過熊市0既BLOGGER), 人人經濟狀況唔同呢.

      刪除

各位每個留言,係我繼續9UP動力,必覆。

Related Posts Plugin for WordPress, Blogger...