小弟在DISCUSS 並無出文
你回應緊0既,都係一個有心引你派膠0既人,並非小弟。
若有人以為我係DISCUSS 出文引HATER, 是否太小學雞?
小朋友, 暑期放完好耐了. 好好努力上班吧...

2018年5月21日 星期一

撚蛇無人機 買入GME短債

呢個系列,是否在打飛機???

如無意外,今次踢爆系列應該係最後一集,預計往後無咁多線索比人估到佢推介D咩野。

其實又唔係咩特別野,何解左遮右擋?

今次個名,叫做。。。

派17%年息的無人機組合




有人話,佢呢D飛機組合其實出極都有,無咁多心力去估。

其實,我肯定我唔係最得閒在家果個,只係我份人太過無聊!只要一日估到,反正知多樣野,又多個教材(正反面都好啦),何樂而不為?

只要我一日估到,一日都會估,也拜託各方好友合力一下,有部份我覺得好難搵。

1. Medical Transcription Billing Corp | 11% Series A Cumulative Redeemable Perpetual Preferred Stock (MTBCP)

2. International bonds: Braskem, 7.375% perp., USD (USG1315RAC54, G1315RAC5)

3. 佢自爆,就係CITY OFFICE REITS

4. MORL UBS ETRACS 2XLEVERAGED REIT ETN(別BLOG留言者發現的,呢個痴線架,根本唔係REITS黎!係月月清0既REITS INDEX OPTION)

BLOG谷意見如下:

1,3,4係要比30%股息稅,扣左有冇肉食自己考量。(唔好同HSEB呢D比,質量完全唔同級別,槓桿後風險亦如是。)風兄話,扣左得番7%,呢個息口其實大把選擇。 

2係永續債,上網找下吧,時間越長,DEFAULT RATE越高,除非你好彩買中百年老店屹立不倒者。試問又有幾多間可以捱到40年?(當你今年40仲有40歲命),仲要係巴西,政治環境可否40年不變?石油地位呢?

MICHAEL指出,1係細價股,12個月OPERATION CASH FLOW得281K USD,真係仲少過我自己一家四口一年現金流呀陰公!

呢D究竟係阻人搵食,定救得一個得一個?睇你點睇啦!預計未來難度會提升,所以我話,呢篇應該係踢爆系列最後一集。

唔記得講,邊度買到? INTERACTIVE BROKERS!自己GOOGLE一下,風險自負。其實唔係咩秘密,詳細睇我個BLOG久唔久都有講下,不收分文。

(有個教期權開班搵錢0既小朋友話我刷佢流量,無錯!因為所有廣告收入都會變成捐款捐出去保良/東華二揀一,係我寫野動力之一,大家識做啦~

*******

也不忘報報倉
六月初到期期權倉
1 GLD大跌,預計SHORT STRANGLE GLD其中一隻腳要轉倉。
2 ATVI SC75,預計權金全袋
3 NFLX應該要交貨了,不過一個月用24萬貸款袋左1萬(嚇下人可以話年化利息有近50厘!),是但啦。

近日新增左一支債
International bonds: GameStop, 6.75% 15mar2021, USD 
(USU36328AB58, U36328AB5) 
唔夠三年到期,當AT PAR,評級仲係BA1,應該捱到三年。
一來填補番每年三同九月派息,二來好讓HSEA HSEB 贖回後的資金充份被運用,維持借貸額1000萬。

另,女主人重倉的匯控,首次派息,槓桿利息已被期權對沖掉,一年內派息預計達10.5厘(50萬收5萬幾)。(點做?BLOG文有講,不收分文。)

男主人最重倉,係一隻弱勢股,建行。升到10蚊/11蚊放左佢,即刻唔撈。

否則,做多一年,2019年六月正式唔撈!唔再續鋪租!
題外話,男主人個鋪剛剛又易手,我果個位易手率真係極高。。。

2018年5月12日 星期六

百變小櫻CLEAR CARD夢之仗 HSEA HSEB如何計息

話說,一個月前咁0岩女主人係BILIBILI 追睇番佢細個睇漏左個廿幾集小櫻。

話唔埋大家/大家個老婆有同好,奉上連結如下:

https://www.bilibili.com/video/av5861869/

題外話,連呢間野都打算係美國上市。。。

兩星期前,見到福利模型有呢支野賣!咩黎?係最新一集百變小櫻CLEAR CARD篇新0既鎖匙,夢之杖。

動畫連結如下
https://www.bilibili.com/bangumi/media/md41872




圖中為該店店員,睇下盒野幾大!

個日要湊放學,又要番下公司,收工發現已經比人秒左!賣HKD$988!對一眾該年代0既人/其老公/其男友黎講,真係超值送禮之選。

男主人懷著比買唔到倍升股更差0既心情回家,即管睇下係日本AMAZON運番黎又得唔得。預左集運佢要計體積重量,玩下手要千幾蚊先攪掂。

點知,(條LINK仲有得賣架!!)

https://www.amazon.co.jp/dp/B07B3YT4XN/ref=pe_492632_159100282_TE_item

點知經AMAZON 直送,佢用DHL仲要唔計體積!盒野只重880G,即係只需千幾YEN運費咋!




**************

放假訓得太多,半夜訓唔番,唯有打埋呢PART。。。

原來AEK及HSEA/HSEB計應付利息,係要用派息日計(正確來說,應為發行日計),一路用除淨日就差左15日。

HSEA 由15Apr至 4Jun ,日數除360再乘2 (IB現價25.22)
HSEB 由15Mar至 4Jun,日數除360再乘2 (IB現價25.40)
而AEK 派息日就係贖回日,無額外利息。

邊度睇番黎?當然唔係留言(佢無講點解計錯,我夠知無咁大隻XX隨街跳啦),係台灣PTT網見到。GOOGLE真強大!

認真一下,用個AVERAGE RETURN CALCULATOR 計下回報,大約4.4厘。原因HSEA買得太貴。

不過阿Q模式,我並非真金白銀買,基本上係靠倉中的939借入,其實無本生利。

當時建行股價只係5.7左右,而家好歹浮浮沉沉都8.2啦。

借貸部份自生自滅唔理佢都有5厘,想點?(未計建行當時4.7厘利息。)

借貸係咪好危險?加息係咪大獲?我唔知。。。3蚊入面,得1蚊係借。

2018年5月10日 星期四

撚蛇B2輸運機 BLOGGER文章世代鬥爭

本來想打好耐,點知自從同老婆深夜去戲院睇左MARVEL AVENGER 3之後,連續睇埋GUARDIAN OF GALAXY 兩集。


加上唔夠訓,一路無打BLOG。

我堅持,呢個BLOG唔會開班(除非真係有慈善價值/每年四月一日),因我無咩教人。所有識0既野都係睇人地學番黎,HE DIE I DIE。

我又無數學底又無商科底英文又屎,不過有勇氣有運氣。股海深沉見盡一堆BLOGGER消失又一堆出現。(題外話,反而NEWSGROUP的老屎忽卻仍在!哈哈。)

近日互訴抄襲(例如債券小子抄STARMAN)個按上升,聽當事人講其實無乜所謂。又另有80後東昇話比人抄(呢個好難講,只係話題相近),兩個真人我都見過。

看在眼裏,其實下一代苦無出路,摸石過河之下,見到有意思0既東西,自然學左,是否惡意又另一回事了。小弟卜卜脆之年,都係左睇右睇跟人買賣期權,當時邊有咁多人講,全靠GOOGLE搵下有冇人為此寫過文章而已。

如果有人想抄我(我估無的),無任歡迎,只要唔係惡意。再者,我都係抄人,你夠膽跟我買,一齊大叫GOGOGO又何妨

當中見到有人(我估都係後生仔,90後卦)話止凡文章太過"大快活",我指大眾化,其實各書各有市場。始終有D人乜都唔識,唔似得留言者已經十八般武藝(又要抽出黎講,大家不是CXA LV3!)

我呢D草根級散戶,鐘意睇止凡多過睇其他人0既分析文,因為我志在抄,不在分析。真係百貨應百客架。

上圖為香港某模型/戰棋鋪宣傳。(好似每日都有其中一女做店員,我無去過)
拿,百貨應百客。。。WELL SAY!

小弟隱身玩TG,明白到一件事,世代鬥爭是必然,你唔好以為你好心教人(買股/創業/買收租樓乜一樣),人地會感激你,年輕就是狂妄,反轉頭X番你一鑊一D都唔出奇!

正如TG GROUP中,有後生仔(80後卦)不停單打為何我不透露自己行業(何解要透露?),亦認為資產與收息均為吹牛。當然,我無鬥咀,唔理佢,去第二度玩咪算。

就如此BLOG,我無主動教人點去做,我一路都ON99講自己做過咩動作,要學要跟風險自負。

我估,無人會開個FB專頁抄我,一黎佢地無咁大舊錢去收息要追求高回報,二黎要將我咁無組織0既文章組織一次,已經可以出一本書,咁浪費心力比著我本人都唔會做。

******

以下又係我偶像撚蛇!今次好經典!
其實佢係有料,不過佢講D普通野黎開班收人錢,免費野又左遮右遮,好多人都睇唔過眼。


最正0既係,B2係轟炸機(CREDIT FROM池兄)!仲有運"輸"機真係唔好意頭。

我無聊到睇下點分!

比錢上堂係咪ON9?如識我真人,我請你食個TEA我話你知!(我知呢度有同學/師弟睇的!)

"B2運輸機組合(比喻大大隻, 好穩定, 10萬港幣都可做到)"

1.一支香港運輸及地產混合之股份 (4.3%, 半年派息)

香港小輪 0050

2.亞洲區上市的房託 (6.42%, 半年息)

新加玻交易所0既 RW0U, 持有九龍塘又一城物業個隻!

3.美國科技股ETF (7.14%p.a,月月派息)

NASDAQ: QYLD, 沽認購期權的ETF!

4.大銀行優先股 (8%p.a,每季配息)

HSEA: HSBC HOLDINGS PERP SUB CAP SEC (六月贖回啦!)

5.銀行嬰債(即之前英文稱的mini-bond, 7.2%p.a, 半年派息)

妖, Domestic bonds: HSBC Bank USA, 7.2% 15jul2097

比著我,唔會買!
跟佢買,4(HSEA)已經一買即贖回即蝕!

5現價買係145蚊,已經得番5厘左右!永續債到2097受加息影響而隨時間價格下跌,中途埋單未必有5厘!

3QYLD係SHORT CALL科技股,不如自己做,好似我咁做ATVI及NLFX吧。

1市值細,唔買,唔敢買。

2係唯一一隻有機會買。。。但收坡紙股息。

期待下次大踢爆!

2018年5月6日 星期日

美股期權倉 + HSEA HSEB REDEEM

呢期一連幾件要講0既事,令我儲起0既一篇文(講百變小櫻CLEAR CARD的)長期打入冷宮。。。

最近,定息達人間最熱門話題,梗係HSEA HSEB REDEEM一事。

真係慘過買BITCOIN? 有人一買即贖回,有人買左收得一次息。(其實最多都係蝕5%左右而已...)

計番條數,平均收兩次半息才能打和。小弟好彩2016年買,打和有突。不過回報應該一般般啦。

小弟FB專頁幾乎即時CAP左HKEX文件放上去,如下:



自己按圖放大吧,依篇野咁講,係有ACCRUED INTEREST 0既!尤其係HSEB五月尾才EX-DIVIDEND,即係現價HSEB至少值25.5(未計27MAY至4JUN幾日利息),而HSEA三月尾EX-DIVIDEND左,只有29MAR至4JUN利息(我求其當佢派三份二利息),HSEA約值25.34左右。

有網友表示,場外交易有錯價,有人26走得甩。小弟當時同小朋友係公園玩,不以為意。

一路講,HSEA HSEB 呢D優先股,過左CALL DATE 就有贖回風險。所以女主人問我點解唔幫佢買,就係咁原因。

是次贖回,帶來港元15萬損失(但HSEA和HSEB分別收左七次息,未計贖回前個大半次)

最令人煩惱的,係套現左298萬現金,暫時未有出路。反正是借來的錢,不用急於投入戰場吧。

另外,剛剛5月4日為我多支期權結算日,動作如下:

<1>GLD
受金價急跌影響,SHORT STRANGLE GLD 129.5/125 轉倉為 六月一日128/125
權金HKD5500左右

<2>ATVI
公佈業績後,股價造好,急彈到69蚊邊。結果SHORT CALL (SC)72全袋權金。
星期一再開SC,預計@74,權金5至6千港紙吧。
(我買入價為65.2,財息兼收)

<3>NFLX
呢個SHORT COVERED CALL做得幾IN THE MONEY
六月到期317.5,現價已急升到320(買入價315),似乎六月一日會被行使。
權金已收9千港元。

預計權金可以COVER本月利息(貨款額約一千萬港元),真係好耐無試過。

<1-3>三隻股票大約用了150萬港元左右。預計美股期權會看情況再加入其他SHORT COVERED CALL,主要都係科技生活相關而又有增長的。

點搵增長股?我抄人的。

如果風兄係懶系投資法,我就很肯定係抄人投資法了!

2018年5月3日 星期四

買入NFLX 即蟹 抽中平安健康醫療

今日又唔開工,偷得浮生。近排時間過得好快,久唔久番下又放假了!

邊個話數毛好悶架?日日打工磨時間我唔知感覺得點,但我留少左時間係公司,得閒係附近飲下咖啡或者睇下玩具都幾爽。。。

仲要呢期無砌高達。。。砌埋真係忙過番工都似。

工人黎左,除左可以半夜出去睇戲,屋企深夜睇戲都多左一兩倍!CSL個HMVOD只因焗住JOIN而睇,畫質唔掂,流暢度低(只比唔駛錢0既小鴨影音好少少,動畫BILIBILI都好過佢呀陰公!)

另一個係NETFLIX!我唔係用黎睇連續劇,係睇電影。呢期不停睇韓國電影,真係幾正!



上個月同今個月都無買貨,多左廿萬,為左維持借貸額不變,買入NLFX!

雖然美股可以買一股,但我都買左100股,順手做個SHORT CALL!IB入面可以揀OPTION STRATEGY可以買貨同SHORT CALL一齊做。

廿幾萬港紙,相對上次買ATVI,今次其實我無咁堅定的,所以期權都做得較為近價。

呢期美市咁CHOK,應該今晚就變蟹!哈~

有機會拍下片教下點用IBKR入面我識用的功能先(拋磚引玉),不過首先要做好個頭盔先。。。

俺がガンダムだ


另,女主人又抽中


如無意外,佢會暗盤時段賣左佢。(今次AGENT有提示,叫暗盤不要買貨,當然信者自負啦)

又睇下佢燈D定我燈D!哈~

2018年5月1日 星期二

馬雲好介紹 我可以唔撈嗎 38

離唔撈之日重有425日。

呢個月過得又係好快,工作唔忙,但湊仔忙。

同埋,多左工人後,生活質素提升左唔少,而家餐餐(包括中午)有魚有肉有菜仲有飯後果!真係均衡飲食我做到。

早上星期,我仲同老婆夜晚偷偷快閃出去睇戲。
小朋友訓左,大人去睇午夜場!
可能我少睇戲,戲中唔少彩旦我都發現唔到,
除左RX78同埋一開場STARCRAFT果隻MARINE。

另外,小朋友早左訓,同老婆不停睇戲!(我地用NETFLIX,或者CSL PLAN HMVOD,真係想睇高清,就要BT了!)

為免嘈到出面,通常都係廳細聲聽。感謝馬雲帶來呢件東西:

結果,插呢舊野入電視,兩公婆帶住藍牙耳機聽,同埋佢有雙頻道藍芽,可以同時配對兩個耳機,正呀!我係用AfterShokz Trekz Titanium,可以一邊聽一邊傾計!骨傳導耳機呀!(八百幾,香港買啦,唔係馬雲!)

(網圖!)

另外,仲有呢件。。。唔駛用電!可以安係水龍頭0既沖涼水溫溫度計



從此家姐識自己較溫度,工人同細佬沖涼唔駛估估下。水力自動發電唔駛入電。淘寶人仔$69,不過驚會爆炸就唔好試了。

另,買左呢兩件比女主人。有冇同好識哂三支杖0既名?

講工作

男主人工作都係好嘆,無特別事。反而女主人係供應鍊同員工人手有重大轉變

舊運輸成日蝦女主人份人無所謂,價錢唔好之餘又成日排到佢優先序最後。其實女主人都應該算係佢大客,估計佔佢生意兩三成以上無走雞。轉左運輸後,仲反過來鬧人,算係乜道理?

另員工呢,幾年來生左三個小朋友。真係唔知邊個著數邊個唔著數了,我諗除左政府工,真係有冇邊間可以比你咁樣生法?

另文再述啦。。。

講投資

本月無買入任何股票,只有ROLL OVER 期權或者開新倉。

女主人隻HSBC升到78了,如六月收低於82.5,佢就全袋權金了。

利是基金HSBC如五月升到80,就要交貨。

仲有AEK,買左以來,一次息都未收,佢就要贖回!!!結果帶來七千港元虧損。。。

講資產

女主人上月469萬,本月為485萬。多左16萬,一來係入票(佢份人工)時間不同,二來上月匯控是虧損而本月匯控有盈利。(計番數,十二個月平均每月$106000淨增長)

男主人上月290萬,本月為298萬。只多左8萬,原因係非建行部份錄得虧蝕,而之前大升0既ATVI 打回原形。(計番數,有紀錄後,7個月平均每月$128000淨增長,如果唔係賺息蝕價,增幅應該更多。)

離唔撈之日重有425日。期待單一建行表現令財自之路更順暢,雖然即使刻下停工唔做都可以夠食夠洗。但呢一年工作加埋女主人個筆,能夠於跌市時提供足夠緩衝,又或者提供執死雞機會。

真係升到十蚊?即時賣左佢,零借貸下買入其他收息產品,令利息收入同現在一樣。貪心D,升到11蚊,捐一百萬出黎(已問准女主人,認真的!)。後備貸款額就變成執死雞基金了。

2018年4月26日 星期四

心態決定境界21 誰上誰一課?

今日又係全日湊仔,佢仲要唔駛番學。

明天星期五繼續唔番工,兩件小朋友都唔駛番學!

坐車回家之際,聽到個女人講電話,應該同我咁上下年紀,但肯定老過我老婆。

講句衰D,老蚌生珠,幫小朋友攪百日宴。

大約就係,A客比左訂,但未決定跟咩配套;但B客(呢位大生珠嬸)遲過A比錢但決定左配套。

可惜間野(我唔知係酒店定酒樓定點啦),最後HOLD左比A客,結果B客(車上大嬸)要選過其他。

當然咁做法有問題,但B客本住香港人最鐘意講道理,連珠砲發地同間野講左好多道理(態度如何?一貫中產港豬咁啦),大嬸一貫港人態度出左唔少反建議,被一一駁回。

最後,大嬸問:"咁即係你想我退訂啦?",得到回覆應是肯定,再講:"你地公司D服務態度咁",再講:"我同先生商量下"

有骨氣0既,即時退訂啦。

男主人意見,遇到呢D西人港豬,唔做佢生意係最多。多多錢都唔好做。


TEACH THEM A LESSON

(女主人常常有呢D情況,唔做佢生意,一黎唔好自己受氣,二黎留番佢煩下D行家!)



********

小弟早一個月隱身玩TG,發現唔少連登仔都幾淺視。講佢知又唔信,唔信又唔問以為你吹水,或者以為你離地(其實IB真係好多野可以買到,只是風險要自負)。當左幫人加按層樓放數係創業,其實咪又係打工仔。。。

或者,樓市真係造左好多怪人怪事出黎。

怪事A

http://finance.discuss.com.hk/viewthread.php?tid=27386138&extra=page%3D1&page=1

當人人都買左或租緊PS4個陣,佢買左部PS2!係咪真係咁勵志?

怪事B

(某程度上,求死思維都係佢讀書唔夠人黎,十幾年後笑番自己讀書叻D同學。。。)


仲記得第一次見止凡(2016年8月,當年仲有東昇,REX),佢問我點解咁唔鐘意求死,無他,莫名懶正義加上覺得佢獨學寡聞,眼光淺窄。本著搭左兩程順風車,就判定佢0既後輩唔點點點就會死,永不翻身個隻。

原來,當時已經激起某人寫BLOG,如果唔係佢,我都唔識去IB買野(當然風險自負),利息回報差不多升左一倍。邊個係某人?STARMAN是也。到今時今日,我都覺得佢頭個幾篇文極度有用。小弟財自路,佢間接幫左唔少忙。

最初小弟寫BLOG,都係只係想後來者學下(無論我成功與失敗都好),因為網上唔靠物業唔做大生意而提早財自唔多。後期已經希望比多一D資訊,等大家投資之路多個選擇(帶番個頭盔,風險自負)。

後來,竟然引到風中追風兄開BLOG,結果人人有功課抄又唔會比人話伸手黨!(助人自助!)

本來開個TG A/C諗住都係咁,點知都係浪費心機同時間,倒不如喂喂喂學其他BLOGGER,開黎吹下水好過,有興趣留個言吧。
Related Posts Plugin for WordPress, Blogger...